ಮತ್ತೆ ಒಂದಾಗಲಿದೆ ಬ್ಲಾಕ್ ಬ್ಲಾಸ್ಟರ್ ಜೋಡಿ: ರೋಹಿತ್ ಶೆಟ್ಟಿ – ಅಜಯ್ ದೇವಗನ್ ಕಾಂಬಿನೇಷ್‌ನಲ್ಲಿ ಬರಲಿದೆ ಸಿಂಗಂ 3

ದೃಶ್ಯಂ-2 ಇತ್ತಿಚೆಗೆ ಸೂಪರ್ ಹಿಟ್ ಆಗಿರುವ ಬಾಲಿವುಡ್ ಸಿನೆಮಾ. 2015ರಲ್ಲಿ ತೆರೆಕಂಡ ದೃಶ್ಯಂ ಸಿನೆಮಾದ ಮುಂದುವರೆದ ಭಾಗವೇ ದೃಶ್ಯಂ-2 . ಬಾಲಿವುಡ್‌ನಲ್ಲಿ ಸದ್ಯಕ್ಕೆ ತೆರೆಕಂಡ ಯಾವುದೇ ಸಿನೆಮಾಗಳು ಸೂಪರ್‌ಹಿಟ್‌ ಆಗಿರಲಿಲ್ಲ. ಆದರೆ ದೃಶ್ಯಂ-2 ಹಿಟ್ ಆಗಿದ್ದು, ಬಾಲಿವುಡ್‌ ನಲ್ಲಿ ಹೊಸ ಸಂಚಲನ ಮೂಡುವಂತೆ ಮಾಡಿದೆ.

ದೃಶ್ಯಂ-2 ಸಿನೆಮಾದಲ್ಲಿ ನಟ ಅಜಯ್‌ ದೇವಗನ್‌ ಮನೋಜ್ಞ ನಟನೆಗೆ ಎಲ್ಲರೂ ಫಿದಾ ಆಗ್ಹೋಗಿದ್ದಾರೆ. ಆಗಲೇ ಅಜಯ್ ದೇವಗನ್ ಅಭಿಮಾನಿಗಳಿಗೆ ಇನ್ನೊಂದು ಗುಡ್‌ನ್ಯೂಸ್‌ ಸಿಕ್ಕಿದೆ. ಅಜಯ್‌ ದೇವಗನ್‌ ಈ ಹಿಂದೆ ನಟಿಸಿದ್ದ ಸಿಂಗಂ ಸಿನೆಮಾ ಪಾರ್ಟ್-3 ತೆರೆಗೆ ಬರಲಿದ್ದು, ಈ ಸಿನೆಮಾ ಸಿಂಗಂ ಪಾರ್ಟ್- 1 ನಿರ್ದೇಶನ ಮಾಡಿದ್ದ ರೋಹಿತ್ ಶೆಟ್ಟಿ ಮಾಡಲಿದ್ದಾರೆ.

ಈಗಾಗಲೇ ಸಿಂಗಂ ಸಿನೆಮಾ ರೋಹಿತ್ ಶೆಟ್ಟಿ ಮತ್ತು ಅಜಯ್ ದೇವಗನ್ ಕಾಂಬಿನೆಷ್‌ನಲ್ಲಿ ಬಂದಿದ್ದು, ಅದು ಯಾವ ರೀತಿ ಸೂಪರ್ ಡೂಪರ್ ಹಿಟ್ ಆಗಿತ್ತೋ, ಅದೇ ರೀತಿ ಈ ಸಿನೆಮಾ ಕೂಡಾ ಹಿಟ್ ಆಗಲಿದೆ ಅನ್ನೋ ನಿರೀಕ್ಷೆಯನ್ನು ಅಭಿಮಾನಿಗಳು ಇಟ್ಟುಕೊಂಡಿದ್ದಾರೆ.

ಒಂದು ಮಾಹಿತಿ ಪ್ರಕಾರ ನಟ ಅಜಯ್ ದೇವಗನ್ ಈಗ ”ಭೋಲಾ” ಸಿನೆಮಾದಲ್ಲಿ ಬ್ಯುಸಿ ಇದ್ದು, ಈ ಸಿನೆಮಾದ ಚಿತ್ರೀಕರಣ ಮುಗಿದಾಕ್ಷಣ ಸಿಂಗಂ ಸಿಕ್ವೆಲ್ ಸಿನೆಮಾ ಆಗಿರೋ ಸಿಂಗಂ ಅಗೈನ್‌ ಸಿನೆಮಾದಲ್ಲಿ ನಟಿಸಲಿದ್ದಾರೆ.

2010ರಲ್ಲಿ ಸಿಂಗಂ ಸಿನೆಮಾ ತಮಿಳು ಭಾಷೆಯಲ್ಲಿ ತೆರೆಕಂಡಿದ್ದು, ಅದೇ ಸಿನೆಮಾ ಹಿಂದಿಯಲ್ಲಿ ನಟ ಅಜಯ್‌ ದೇವಗನ್‌ ನಾಯಕತ್ವದಲ್ಲಿ ರಿಲೀಸ್ ಆಗಿತ್ತು. ಆ ನಂತರ ಸಿಂಗಂ ರಿಟರ್ನ್ಸ್ ಕೂಡಾ ಬಂದಿದ್ದು, ಇವೆರಡು ಸಿನೆಮಾಗಳು ಅಜಯ್ ದೇವಗನ್ ಮತ್ತು ನಿರ್ದೇಶಕ ರೋಹಿತ್ ಕಾಂಬಿನೇಷ್‌ನಲ್ಲಿ ಮೂಡಿ ಬಂದಿದ್ದು, ಈ ಎರಡೂ ಸಿನೆಮಾಗಳು ಒಂದಕ್ಕಿಂತ ಒಂದು ಸೂಪರ್ ಹಿಟ್ ಆಗಿತ್ತು.

ಈಗ ಮತ್ತೆ ಇದೇ ಜೋಡಿ ಸಿಂಗಂ ಪಾರ್ಟ್-3 ಮಾಡುತ್ತಿದ್ದರಿಂದ, ಅಭಿಮಾನಿಗಳು ಈ ಸಿನೆಮಾದಿಂದ ಅತಿಯಾದ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಒಟ್ಟಿನಲ್ಲಿ ಬಾಲಿವುಡ್‌ನಲ್ಲಿ ಇನ್ನೊಂದು ಹಿಟ್ ಸಿನೆಮಾ ಆದಷ್ಟು ಬೇಗ ಸಿಗೋದು ಗ್ಯಾರಂಟಿ ಅನ್ನುತ್ತಿದ್ದಾರೆ, ಅಜಯ್ ಮತ್ತು ರೋಹಿತ್ ಅಭಿಮಾನಿಗಳು.