ಇಸ್ರೇಲ್ ನಲ್ಲಿ ಪಾಪಿ ಹಮಾಸ್ ಉಗ್ರರ ರಕ್ಕಸ ಕೃತ್ಯ : 40 ಶಿಶುಗಳ ಶಿರಚ್ಚೇದ ಮಾಡಿ ಅಟ್ಟಹಾಸ

ಇಸ್ರೇಲ್ ನಲ್ಲಿ ಪಾಪಿ ಹಮಾಸ್ ಉಗ್ರರ ಅಟ್ಟಹಾಸ ಮುಂದುವರೆದಿದ್ದು, 40 ಶಿಶುಗಳ ಶಿರಚ್ಚೇದ ಮಾಡಿ ಅಟ್ಟಹಾಸ ಮೆರೆದಿದ್ದಾರೆ.

ಇಸ್ರೇಲ್ ನಲ್ಲಿ ಹಮಾಸ್ ಉಗ್ರಗಾಮಿಗಳು ಕ್ರೌರ್ಯವನ್ನು ಮುಂದುವರೆಸಿದ್ದು, ಕೊಲೆಗಾರರು ಹಾಲು ಕುಡಿಯುವ ಮಕ್ಕಳ ಮೇಲೆಯೂ ಕರುಣೆ ತೋರಿಸಲಿಲ್ಲ, ಅವರ ತಾಯಂದಿರು ಜೀವಕ್ಕಾಗಿ ಭಿಕ್ಷೆ ಬೇಡುತ್ತಿದ್ದರು. ಇಂತಹ ಮನಕಲುಕುವ ಘಟನೆ ಇಸ್ರೇಲ್ ಲ್ಲಿ ನಡೆದಿದೆ. 40 ಶಿಶುಗಳ ಶಿರಚ್ಚೇದ ಮಾಡಿ ಉಗ್ರರು ಅಟ್ಟಹಾಸ ಮೆರೆದಿದ್ದಾರೆ.
ಹಮಾಸ್ ಉಗ್ರರು ಗಾಝಾ ಗಡಿಯ ಬಳಿ ಎರಡು ದಿನಗಳ ಕಾಲ ಜನರನ್ನು ಭಯಭೀತಗೊಳಿಸಿದರು, ಇಸ್ರೇಲಿ ಸೈನಿಕರು ಗ್ರಾಮವನ್ನು ವಶಪಡಿಸಿಕೊಳ್ಳುವ ಹೊತ್ತಿಗೆ ತುಂಬಾ ತಡವಾಗಿತ್ತು. ಗ್ರಾಮವು ಸ್ಮಶಾನವಾಗಿ ಮಾರ್ಪಟ್ಟಿತ್ತು. ಇಲ್ಲಿ ಸತ್ತವರಲ್ಲಿ 40 ಮಕ್ಕಳು ಸೇರಿದ್ದು, ಅವರನ್ನು ಶಿರಚ್ಛೇದ ಮಾಡಿ ಕೊಲ್ಲಲಾಯಿತು ಎಂಬುದು ಆತಂಕಕಾರಿ ವಿಚಾರವಾಗಿದೆ.

ಇಸ್ರೇಲಿ ಸೈನಿಕರ ಪ್ರಕಾರ, ಭಯೋತ್ಪಾದಕರು ಗ್ರಾಮವನ್ನು ಪ್ರವೇಶಿಸಿ ಬಂದೂಕುಗಳು, ಗ್ರೆನೇಡ್ಗಳು ಮತ್ತು ಚಾಕುಗಳೊಂದಿಗೆ ಶಸ್ತ್ರಸಜ್ಜಿತ ಭಯೋತ್ಪಾದಕರು ಮನೆಗಳಲ್ಲಿ ಹಾಸಿಗೆಯ ಮೇಲೆ ಮಲಗಿದ್ದ ಜನರನ್ನು ಕೊಂದರು. ಮಕ್ಕಳ ತಲೆಗಳನ್ನು ಕತ್ತರಿಸಲಾಯಿತು ಮತ್ತು ನವಜಾತ ಶಿಶುಗಳನ್ನು ಬಿಡಲಿಲ್ಲ ಎಂದಿದ್ದಾರೆ.
ಕಫ್ರ್ ಅಜಾ ಗ್ರಾಮದಲ್ಲಿ, ಹಮಾಸ್ ಉಗ್ರಗಾಮಿಗಳು ಮನಸ್ಸಿಗೆ ಬಂದ ಹಾಗೆ ಗುಂಡು ಹಾರಿಸಿದ್ದಾರೆ. ಜನರನ್ನು ಜೀವಂತವಾಗಿ ಸುಟ್ಟುಹಾಕಿದ ಅನೇಕ ಮನೆಗಳೂ ಇವೆ. ಗ್ರಾಮದಲ್ಲಿ, ಸೈನಿಕರು 40 ಮಕ್ಕಳ ಶವಗಳನ್ನು ಹೊರತೆಗೆದಿದ್ದಾರೆ. ಶವಗಳನ್ನು ಇನ್ನೂ ಅಲ್ಲಿ ಎಣಿಸಲಾಗುತ್ತಿದೆ. ಗ್ರಾಮದಲ್ಲಿ ಈವರೆಗೆ 100 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ ಎಂದು ದೃಢಪಡಿಸಲಾಗಿದೆ. ಒಟ್ಟಾರೆ ಹಮಾಸ್-ಇಸ್ರೇಲ್ ಸಂಘರ್ಷದಲ್ಲಿ 3000 ಸಾವಿರಕ್ಕೂ ಹೆಚ್ಚು ಮಂದಿ ಮೃತಪಟ್ಟಿದ್ದಾರೆ.