ಟ್ವಿಟರ್ಗೆ ನೂತನ ಸಿಇಓ ಆಗಿ ಭಾರತ ಮೂಲದ ಅಮೆರಿಕನ್ ಪರಾಗ್ ಅಗರ್ವಾಲ್ ನೇಮಕವಾಗಿದ್ದಾರೆ. ಈ ಮಾಹಿತಿ ಹೊರ ಬೀಳುತ್ತಿದ್ದಂತೆಯೇ ಭಾರತೀಯರಿಗೆ ಸಖತ್ ಖುಷಿ ಆಗಿದೆ. ಅಲ್ಲದೇ ಭಾರತದ ಮೂಲೆ ಮೂಲಗಳಿಂದ ಪರಾಗ್ ಅಗರ್ವಾಲ್ಗೆ ಶುಭಾಶಯಗಳ ಸುರಿಮಳೆ ಹರಿದು ಬರ್ತಿದೆ.
ಅದೇ ರೀತಿ ಖ್ಯಾತ ಗಾಯಕಿ ಶ್ರೇಯಾ ಘೋಷಾಲ್ ಕೂಡ ಟ್ವಿಟರ್ ನೂತನ ಸಿಇಓ ಪರಾಗ್ ಅಗರ್ವಾಲ್ಗೆ ಟ್ವಿಟರ್ನಲ್ಲಿ ಶುಭ ಹಾರೈಸಿದ್ದಾರೆ. ಅಭಿನಂದನೆಗಳು..! ಪರಾಗ್, ನಿಮ್ಮ ಬಗ್ಗೆ ನಾನು ಹೆಮ್ಮೆ ಪಡುತ್ತಿದ್ದೇನೆ. ಇದು ನಮ್ಮ ಪಾಲಿಗೆ ಅತ್ಯಂತ ಶುಭದಿನವಾಗಿದೆ. ಈ ಸುದ್ದಿಯನ್ನು ನಾವು ಸಂಭ್ರಮಿಸುತ್ತಿದ್ದೇವೆ ಎಂದು ಬರೆದುಕೊಂಡಿದ್ದಾರೆ.
ಅಂದಹಾಗೆ ಶ್ರೇಯಾ ಘೋಷಾಲ್ ಹಾಗೂ ಪರಾಗ್ ಅಗರ್ವಾಲ್ ಆತ್ಮೀಯ ಸ್ನೇಹಿತರು. ಈ ಹಿಂದೆ ಶ್ರೇಯಾ ಘೋಷಾಲ್ ಹಾಗೂ ಪರಾಗ್ ಅಗರ್ವಾಲ್ ಒಟ್ಟಾಗಿ ಕ್ಲಿಕ್ಕಿಸಿಕೊಂಡ ಫೋಟೋಗಳು ಇದೀಗ ವೈರಲ್ ಆಗ್ತಿವೆ. ಹಿಂದಿನ ಟ್ವೀಟ್ ಒಂದರಲ್ಲಿ ಶ್ರೇಯಾ, ಪರಾಗ್ಗೆ ಜನ್ಮ ದಿನದ ಶುಭಾಶಯವನ್ನು ಕೋರಿದ್ದಾರೆ. ಈ ಟ್ವೀಟ್ನಲ್ಲಿ ಶ್ರೇಯಾ ಪರಾಗ್ರನ್ನು ತಮ್ಮ ಬಾಲ್ಯ ದಿನದ ಸ್ನೇಹಿತ ಎಂದು ಕರೆದಿದ್ದಾರೆ.
Loading ...