ನೀರು ತುಂಬಿದ ಬಕೆಟ್ ಗೆ ಬಿದ್ದು 14 ತಿಂಗಳ ಕಂದಮ್ಮ ಸಾವನ್ನಪ್ಪಿದ ಘಟನೆ ತಮಿಳುನಾಡಿನ ಚೆಂಗಲ್ಪೇಟ್ ಜಿಲ್ಲೆಯ ಮೆಲಾಚೇರಿಯಲ್ಲಿ ನಡೆದಿದೆ.
14 ತಿಂಗಳ ಮಗುವೊಂದು ತನ್ನ ಮನೆಯ ಹೊರಗೆ ಬಕೆಟ್ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದೆ. ಮಗುವನ್ನು ಎಂ ಅಗಸ್ಟಿನ್ ಎಂದು ಗುರುತಿಸಲಾಗಿದೆ. ಅಗಸ್ಟಿನ್ ಎಲೆಕ್ಟ್ರಿಷಿಯನ್ ಮಣಿಕಂದನ್ ಮತ್ತು ಜಾಯ್ಸ್ ಅವರ ಕಿರಿಯ ಮಗ. ದಂಪತಿಗಳು 2019 ರಲ್ಲಿ ವಿವಾಹವಾಗಿದ್ದು , ನಾಲ್ಕು ವರ್ಷದ ಮಗ ಕೂಡ ಇದ್ದಾನೆ.
ಸೋಮವಾರ ಮಧ್ಯಾಹ್ನ, ಮಣಿಕಂದನ್ ಕೆಲಸದಲ್ಲಿದ್ದರೆ, ಜಾಯ್ಸ್ ಮಕ್ಕಳೊಂದಿಗೆ ಮನೆಯಲ್ಲಿದ್ದರು.
ಅವಳು ಹೊರಗೆ ಕುಳಿತು ಅಗಸ್ಟೀನ್ ಗೆ ಆಹಾರವನ್ನು ನೀಡುತ್ತಿದ್ದಳು. ನಂತರ, ಅವಳು ಮನೆಯ ಒಳಗೆ ಹೋದಳು.
ಕೆಲವೇ ಸೆಕೆಂಡುಗಳಲ್ಲಿ, ಅಗಸ್ಟೀನ್ ಮನೆಯ ಬಳಿ ಸಾರ್ವಜನಿಕ ನಲ್ಲಿಯ ಕೆಳಗೆ ಇರಿಸಲಾಗಿದ್ದ ಬಕೆಟ್ ಗೆ ಬಿದ್ದಿದ್ದಾನೆ. ಇದನ್ನು ಕಂಡ ಪೋಷಕರು ಮಗುವನ್ನು ಚೆಂಗಲ್ಪೇಟ್ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ದರು, ಅಲ್ಲಿ ಅವನು ಮಂಗಳವಾರ ರಾತ್ರಿ ಸಾವನ್ನಪ್ಪಿದನು. ಪಾಲೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Loading ...