ಹೈದರಾಬಾದ್: ಕೆಲವರಿಗೆ ಚಲಿಸುತ್ತಿರುವ ಬಸ್ ನಿಂದ ಇಳಿಯುವ , ಹಾರುವ ಅಭ್ಯಾಸ ಇರುತ್ತದೆ. ಬಸ್ ನಿಲ್ಲಿಸೋದಕ್ಕಿಂತ ಮುಂಚೆಯೇ ಬಸ್ ನಿಂದ ಜಿಗಿದು ಬಿಡುತ್ತಾರೆ. ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ಈ ವಿಡಿಯೋ ಎಲ್ಲರನ್ನೂ ಬೆಚ್ಚಿ ಬೀಳಿಸಿದೆ.
ಚಲಿಸುತ್ತಿದ್ದ ಬಸ್ಸಿನಿಂದ ಇಳಿಯಲು ಪ್ರಯತ್ನಿಸಿದ ಕಾಲೇಜು ವಿದ್ಯಾರ್ಥಿನಿಯೊಬ್ಬಳು ಕೆಳಗೆ ಬಿದ್ದು ಸಾವನ್ನಪ್ಪಿದ ಘಟನೆ ಹೈದರಾಬಾದ್ ನ ಮಧುರಾನಗರದಲ್ಲಿ ಶುಕ್ರವಾರ ನಡೆದಿದೆ. ಮೃತಳನ್ನು ಯೂಸುಫ್ಗುಡದ ಮಾಸ್ಟರ್ಸ್ ಜೂನಿಯರ್ ಕಾಲೇಜಿನ 10ನೇ ತರಗತಿ ವಿದ್ಯಾರ್ಥಿನಿ ಮೆಹರೀನ್ ಎಂದು ಗುರುತಿಸಲಾಗಿದೆ.
ವೀಡಿಯೊದಲ್ಲಿ, ಮೆಹರೀನ್ ಬಸ್ ತಿರುವು ತೆಗೆದುಕೊಳ್ಳುತ್ತಿದ್ದಂತೆ ಇಳಿಯುವುದನ್ನು ಕಾಣಬಹುದು. ಅವಳು ಇಳಿಯಲು ಪ್ರಯತ್ನಿಸಿದ ದಿಕ್ಕು ಮತ್ತು ಚಲಿಸುವ ಬಸ್ಸಿನ ದಿಕ್ಕು ವಿರುದ್ಧವಾಗಿದ್ದರಿಂದ, ಅವಳು ನಿಯಂತ್ರಣ ತಪ್ಪಿ ಕೆಳಗೆ ಬೀಳುತ್ತಾಳೆ. ಪರಿಣಾಮ ಬಸ್ಸಿನ ಮುಂಭಾಗ ಮತ್ತು ಹಿಂಭಾಗದ ಚಕ್ರ ಹರಿದು ಆಕೆ ನಜ್ಜುಗುಜ್ಜಾಗಿದ್ದಳು.
Loading ...