ರಕ್ತಸ್ರಾವದಿಂದ ಸಾವನ್ನಪ್ಪುವ ಸಾಕಷ್ಟು ಪ್ರಕರಣಗಳನ್ನ ನಾವು ಸಾಮಾನ್ಯವಾಗಿ ಕೇಳುತ್ತಿರುತ್ತೇವೆ. ರಕ್ತಸ್ರಾವಕ್ಕೆ ಒಳಗಾದ ವ್ಯಕ್ತಿಗೆ ತಕ್ಷಣವೇ ಚಿಕಿತ್ಸೆ ಸಿಗದೇ ಹೋದಲ್ಲಿ ಆ ವ್ಯಕ್ತಿ ಸಾವನ್ನಪ್ಪುವ ಸಾಧ್ಯತೆ ಕೂಡ ಇರುತ್ತದೆ. ಆದರೆ ಈ ಸಮಸ್ಯೆಗೆ ಕೆನಡಾದ ವೆಸ್ಟರ್ನ್ ಯೂನಿವರ್ಸಿಟಿಯ ವಿಜ್ಞಾನಿಗಳು ಪರಿಹಾರವೊಂದನ್ನ ಕಂಡು ಹಿಡಿದಿದ್ದಾರೆ.
ಕೆನಡಾದ ವಿಜ್ಞಾನಿಗಳು ವಿಶೇಷವಾದ ಅಂಟೊದನ್ನ ಪತ್ತೆ ಮಾಡಿದ್ದು ಈ ಅಂಟನ್ನ ರಕ್ತಸ್ರಾವವಾಗುತ್ತಿರುವ ಜಾಗಕ್ಕೆ ಲೇಪಿಸಿದಲ್ಲಿ ಕೂಡಲೇ ರಕ್ತ ಸ್ರಾವ ನಿಲ್ಲಲಿದೆ.
ಶಾಲೆಗಳ ಪುನರಾರಂಭ; ಸುಳಿವು ನೀಡಿದ ಸುರೇಶ್ ಕುಮಾರ್
ಅಂದಹಾಗೆ ಈ ವಿಶೇಷ ಅಂಟನ್ನ ಲ್ಯಾನ್ಸ್ಹೆಡ್ ಎಂಬ ಹಾವುಗಳಲ್ಲಿ ಕಂಡುಬರುವ ವಿಷದಿಂದ ತಯಾರಿಸಲಾಗಿದೆ. ರಕ್ತ ಸ್ರಾವ ತಡೆಯಲು ಬೇಕಾದ ಎಂಜೈಮ್ನ್ನು ಬ್ಯಾಟ್ರೋಕ್ಸೊಬಿನ್ ಎಂದು ಕರೆಯಲಾಗುತ್ತದೆ. ಈ ಎಂಜೈಮ್ನ್ನು ಜೆಲಾಟಿನ್ ಜೊತೆ ಸೇರಿಸಲಾಗುತ್ತದೆ. ಈ ವಿಶೇಷವಾದ ಅಂಟನ್ನ ಅಪಘಾತವಾದ ಸಂದರ್ಭದಲ್ಲಿ ಉಂಟಾಗುವ ವಿಪರೀತ ರಕ್ತಸ್ರಾವಗಳನ್ನ ತಡೆಯಲು ಬಳಕೆ ಮಾಡಬಹುದಾಗಿದೆ.
ಲ್ಯಾನ್ಸ್ಹೆಡ್ ಹಾವುಗಳು ಹೆಚ್ಚಾಗಿ ದಕ್ಷಿಣ ಅಮೆರಿಕ ಉತ್ತರ ಭಾಗಗಳಲ್ಲಿ ಕಂಡುಬರುತ್ತದೆ. ಇವುಗಳು 30ರಿಂದ 50 ಇಂಚುಗಳವರೆಗೆ ಬೆಳೆಯಬಲ್ಲವು. ಇವುಗಳು ಸಾಮಾನ್ಯವಾಗಿ ಬಾಳೆಹಣ್ಣು ಹಾಗೂ ಕಾಫಿ ತೋಟಗಳಲ್ಲಿ ಕಂಡುಬರುತ್ತವೆ. ಕಣ್ಣಿಗೆ ಕಾಣಿಸದಂತೆ ಇರುವ ಈ ಹಾವುಗಳು ತೋಟದ ಕೆಲಸಗಾರರನ್ನ ಕಚ್ಚುತ್ತವೆ.
Loading ...