ತಮಿಳು ಹಾಗೂ ತೆಲಗು ಸಿನಿಮಾ ಇಂಡಸ್ಟ್ರಿಯಲ್ಲಿ ನಟಿ ಸಮಂತಾ ಅಕ್ಕಿನೇನಿ ತಮ್ಮದೇ ಆದ ಛಾಪನ್ನ ಮೂಡಿಸಿದ್ದಾರೆ. ಈ ನಟಿ ಇದೀಗ ಇನ್ಸ್ಟಾಗ್ರಾಂ ಹಾಗೂ ಟ್ವಿಟರ್ನಲ್ಲಿ ಅಕ್ಕಿನೇನಿ ಹೆಸರನ್ನು ಅಳಿಸಿ ಹಾಕುವ ಮೂಲಕ ಸುದ್ದಿಯಾಗಿದ್ದಾರೆ. ಫೇಸ್ಬುಕ್ನಲ್ಲಿ ಮಾತ್ರ ಹೆಸರು ಸಮಂತಾ ಅಕ್ಕಿನೇನಿ ಅಂತಲೇ ಇದೆ. 2017ರಲ್ಲಿ ನಾಗ ಚೈತನ್ಯರನ್ನು ವಿವಾಹವಾದ ಬಳಿಕ ಅವರು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹೆಸರನ್ನು ಸಮಂತಾ ಅಕ್ಕಿನೇನಿ ಎಂದು ಬದಲಾಯಿಸಿಕೊಂಡಿದ್ದರು.
ಸಮಂತಾ ಸದ್ಯ ನಿರ್ದೇಶಕ ಗುಣಶೇಖರ್ ನಿರ್ದೇಶನದ ಶಾಕುಂತಲಂ ಸಿನಿಮಾದ ಎರಡನೇ ಶೆಡ್ಯೂಲ್ ಶೂಟಿಂಗ್ಗಾಗಿ ಹೈದರಾಬಾದ್ನಲ್ಲಿದ್ದಾರೆ. ಕೆಲ ದಿನಗಳ ಹಿಂದಷ್ಟೇ ಈ ಸಿನಿತಂಡ ತಮ್ಮ ಸಿನಿಮಾಗೆ ಅಲ್ಲು ಅರ್ಜುನ್ರ ಪುತ್ರಿ ಅರ್ಹಾರನ್ನು ಸ್ವಾಗತಿಸಿತ್ತು.
ಸಮಂತಾ ಅನೇಕ ಕಾರಣಗಳಿಂದ ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಲೇ ಇರ್ತಾರೆ. ಇವರು ಇನ್ಸ್ಟಾಗ್ರಾಂ ಹಾಗೂ ಟ್ವಿಟರ್ನಲ್ಲಿ ಸದಾ ಆ್ಯಕ್ಟಿವ್ ಆಗಿ ಇರ್ತಾರೆ. ಇದೀಗ ಫ್ಯಾನ್ಸ್ಗೆ ಅಚ್ಚರಿಯಾಗುವ ರೀತಿಯಲ್ಲಿ ಸಮಂತಾ ತಮ್ಮ ಡಿಸ್ಪ್ಲೇ ಹೆಸರನ್ನು ಎಸ್ ಎಂದಷ್ಟೇ ಇಟ್ಟುಕೊಂಡಿದ್ದಾರೆ. ಏಕಾ ಏಕಿ ತಮ್ಮ ಹೆಸರಿನಿಂದ ಅಕ್ಕಿನೇನಿಯನ್ನು ತೆಗೆದು ಹಾಕಿರೋದು ಸಾಕಷ್ಟು ಅನುಮಾನಕ್ಕೆ ಎಡೆ ಮಾಡಿದೆ.
Loading ...