ಕೇವಲ 15 ಗಂಟೆಯಲ್ಲಿ ಒಂದು ಮಿಲಿಯನ್ ಡೌನ್‌ಲೋಡ್: ಸದ್ಗುರು ಆಪ್ ಸೂಪರ್ ಹಿಟ್ !

ಇತ್ತೀಚಿನ ದಿನಗಳಲ್ಲಿ ಟೆನ್ಷನ್, ಆತಂಕ ಜಾಸ್ತಿಯಾಗಿದೆ. ಇಂಥ ಟೈಮ್‌ನಲ್ಲಿ ಸದ್ಗುರು ಜಗ್ಗಿ ವಾಸುದೇವ್ ಹೊಸ ಧ್ಯಾನ ಆ್ಯಪ್ ಬಿಟ್ಟಿದ್ದಾರೆ. ‘ಮಿರಾಕಲ್ ಆಫ್ ಮೈಂಡ್’ ಅನ್ನೋ ಈ ಆ್ಯಪ್ ಫ್ರೀಯಾಗಿ ಸಿಗತ್ತೆ.

ಇದ್ರಲ್ಲಿ ಉಸಿರಾಟದ ಬಗ್ಗೆ ಮತ್ತೆ ಧ್ಯಾನದ ಬಗ್ಗೆ ಹೇಳಿಕೊಡ್ತಾರೆ. ಕೇವಲ ಏಳು ನಿಮಿಷ ಧ್ಯಾನ ಮಾಡಿದ್ರೆ ಮನಸ್ಸಿಗೆ ಶಾಂತಿ ಸಿಗತ್ತೆ. ಫೆಬ್ರವರಿ 26ಕ್ಕೆ ಈ ಆ್ಯಪ್ ಬಿಟ್ಟಿದ್ರು, ಕೇವಲ 15 ಗಂಟೆಯಲ್ಲಿ ಒಂದು ಮಿಲಿಯನ್ ಡೌನ್‌ಲೋಡ್ ಆಗಿದೆ. ಚಾಟ್‌ಜಿಪಿಟಿ ಒಂದು ಮಿಲಿಯನ್ ಡೌನ್‌ಲೋಡ್ ಆಗೋಕೆ ಐದು ದಿನ ತಗೊಂಡಿತ್ತು.

ಸದ್ಗುರು ಮಾನಸಿಕ ಆರೋಗ್ಯದ ಬಗ್ಗೆ ತುಂಬಾ ವರ್ಷದಿಂದ ಮಾತಾಡ್ತಿದ್ದಾರೆ. ಈ ಆ್ಯಪ್ ಮೂಲಕ ಮೂರು ಬಿಲಿಯನ್ ಜನರಿಗೆ ಹೆಲ್ಪ್ ಮಾಡೋಕೆ ಟ್ರೈ ಮಾಡ್ತಿದ್ದಾರೆ. ಎರಡು ವಾರದಲ್ಲಿ ಈ ಆ್ಯಪ್ 1.9 ಮಿಲಿಯನ್ ಡೌನ್‌ಲೋಡ್ ಆಗಿದೆ. ಧ್ಯಾನದಿಂದ ಜೀವನ ಬದಲಾಯಿಸಬಹುದು ಅಂತಾ ಸದ್ಗುರು ಹೇಳ್ತಾರೆ.

ಸದ್ಗುರು, ಅಂದ್ರೆ ಜಗ್ಗಿ ವಾಸುದೇವ್, ಫೇಮಸ್ ಆಧ್ಯಾತ್ಮಿಕ ಲೀಡರ್, ಯೋಗಿ ಮತ್ತೆ ಇಶಾ ಫೌಂಡೇಶನ್ ಸಂಸ್ಥಾಪಕರು. ಇವರಿಗೆ ತುಂಬಾ ಜನ ಫಾಲೋವರ್ಸ್ ಇದ್ದಾರೆ. ಯೋಗಕ್ಷೇಮ, ಪರಿಸರ ಮತ್ತೆ ಧ್ಯಾನದ ಬಗ್ಗೆ ಮಾತಾಡ್ತಾರೆ. ಇವರ ವಿಡಿಯೋಗಳು ಯೂಟ್ಯೂಬ್‌ನಲ್ಲಿ ಒಂದು ಬಿಲಿಯನ್ ವ್ಯೂಸ್ ಆಗಿದೆ, ಇನ್‌ಸ್ಟಾಗ್ರಾಮ್‌ನಲ್ಲಿ 13 ಮಿಲಿಯನ್ ಫಾಲೋವರ್ಸ್ ಇದ್ದಾರೆ.

1957 ಸೆಪ್ಟೆಂಬರ್ 3ಕ್ಕೆ ಮೈಸೂರಿನಲ್ಲಿ ಹುಟ್ಟಿದ ಸದ್ಗುರು, ಐದು ಜನ ಮಕ್ಕಳಲ್ಲಿ ಕಿರಿಯವರು. ಇವರ ತಂದೆ ಡಾ.ಬಿ.ವಿ. ವಾಸುದೇವ್ ರೈಲ್ವೆ ಆಸ್ಪತ್ರೆಯಲ್ಲಿ ಡಾಕ್ಟರ್, ತಾಯಿ ಸುಶೀಲಾ ವಾಸುದೇವ್ ಹೌಸ್‌ವೈಫ್.

1984ರಲ್ಲಿ ಸದ್ಗುರು ವಿಜಯಕುಮಾರಿ ಜೊತೆ ಮದುವೆ ಆಗಿದ್ರು. ಅವರಿಗೆ ರಾಧೆ ಅನ್ನೋ ಮಗಳಿದ್ದಾಳೆ. ವಿಜಯಕುಮಾರಿ 1997ರಲ್ಲಿ ತೀರಿಕೊಂಡ್ರು.

ಸದ್ಗುರು ಮೈಸೂರು ಯೂನಿವರ್ಸಿಟಿಯಲ್ಲಿ ಇಂಗ್ಲಿಷ್ ಲಿಟರೇಚರ್ ಓದಿದ್ದಾರೆ. ಆಮೇಲೆ ಬಿಸಿನೆಸ್ ಮಾಡಿದ್ರು. ಕೋಳಿ ಫಾರ್ಮ್ ಶುರು ಮಾಡಿದ್ರು, ಬಿಲ್ಡಿಂಗ್ ಬಿಸಿನೆಸ್ ಮಾಡಿದ್ರು. ಆಮೇಲೆ ಪೂರ್ತಿ ಆಧ್ಯಾತ್ಮಿಕಕ್ಕೆ ಟೈಮ್ ಕೊಟ್ರು. 1983ರಲ್ಲಿ ಮೊದಲ ಯೋಗ ಕ್ಲಾಸ್ ಶುರು ಮಾಡಿದ್ರು.

ಸದ್ಗುರು ಐಷಾರಾಮಿ ಗಾಡಿಗಳನ್ನ ಓಡಿಸ್ತಾರೆ. ಮರ್ಸಿಡಿಸ್-ಬೆಂಝ್, ಟೊಯೋಟಾ, ಡುಕಾತಿ ಗಾಡಿಗಳು ಅವರ ಬಳಿ ಇವೆ. ಆದ್ರೆ ಅವರೆಲ್ಲಾ ಅವರ ಗಾಡಿ ಅಲ್ಲ, ಅವರ ಟ್ರಾವೆಲ್‌ಗೆ ಬೇಕಾದ್ರೆ ಬೇರೆಯವರು ಕೊಡ್ತಾರೆ.

1992ರಲ್ಲಿ ಇಶಾ ಫೌಂಡೇಶನ್ ಶುರು ಮಾಡಿದ್ರು. ಇದು ಧ್ಯಾನ, ಯೋಗ ಮತ್ತೆ ಸಮಾಜಕ್ಕೆ ಸಹಾಯ ಮಾಡೋ ಆರ್ಗನೈಸೇಶನ್. ತಮಿಳುನಾಡಿನಲ್ಲಿ ಇಶಾ ಯೋಗ ಸೆಂಟರ್ ಇದೆ.

ಸದ್ಗುರು ಪರಿಸರ ಬಗ್ಗೆ ತುಂಬಾ ಮಾತಾಡ್ತಾರೆ. ರ‍್ಯಾಲಿ ಫಾರ್ ರಿವರ್ಸ್, ಕಾವೇರಿ ಕೂಗುತ್ತದೆ, ಪ್ರಾಜೆಕ್ಟ್ ಗ್ರೀನ್ ಹ್ಯಾಂಡ್ಸ್ ಅನ್ನೋ ಕ್ಯಾಂಪೇನ್ ಶುರು ಮಾಡಿದ್ದಾರೆ. 2017ರಲ್ಲಿ ಅವರಿಗೆ ಪದ್ಮವಿಭೂಷಣ ಅವಾರ್ಡ್ ಸಿಕ್ಕಿದೆ.

ಸದ್ಗುರುಗೆ ಬಾಲಿವುಡ್ ಸೆಲೆಬ್ರಿಟಿಗಳ ಜೊತೆ ಫ್ರೆಂಡ್‌ಶಿಪ್ ಇದೆ. ಆರ್. ಮಾಧವನ್, ಅಜಯ್ ದೇವ್‌ಗನ್, ಕಂಗನಾ ರಣಾವತ್, ರಣವೀರ್ ಸಿಂಗ್, ಜೂಹಿ ಚಾವ್ಲಾ, ಅನುಪಮ್ ಖೇರ್ ಅವರ ಜೊತೆ ಮಾತಾಡಿದ್ದಾರೆ.

ಸದ್ಗುರು ಆ್ಯಪ್‌ನಿಂದ ನಿದ್ದೆ ಚೆನ್ನಾಗಿ ಬರುತ್ತೆ, ಟೆನ್ಷನ್ ಕಡಿಮೆ ಆಗತ್ತೆ ಅಂತಾ ಹಾರ್ವರ್ಡ್ ಮೆಡಿಕಲ್ ಸ್ಕೂಲ್‌ನವರು ಸ್ಟಡಿ ಮಾಡಿ ಹೇಳಿದ್ದಾರೆ.