ರಕ್ಷಣಾ ಕ್ಷೇತ್ರದಲ್ಲಿ ಹೊಸ ಹೊಸ ಆವಿಷ್ಕಾರಗಳು ನಡೆಯುತ್ತಿದ್ದು, ತಂತ್ರಜ್ಞಾನ ಬಳಕೆ ಹೆಚ್ಚೆಚ್ಚು ಮಾಡಲಾಗುತ್ತಿದೆ. ರಷ್ಯಾದ ವಾರ್ಷಿಕ ಅಂತರಾಷ್ಟ್ರೀಯ ವೆಪನ್ ಎಕ್ಸ್ಪೋದಲ್ಲಿ ರೋಬೋಟ್ ನಾಯಿ ಆಂಟಿ-ಟ್ಯಾಂಕ್ ರಾಕೆಟ್ ಲಾಂಚರ್ ಅನ್ನು ಪ್ರದರ್ಶಿಸಿದ್ದು, ಅದರ ಬೆನ್ನಿನಲ್ಲಿ ಕಟ್ಟಿಕೊಂಡಿರುವ ಹೊಸ ಉತ್ಪನ್ನ ಸಹ ಅನಾವರಣಗೊಂಡಿದೆ.
ನಿಂಜಾ ಉಡುಗೆಯಲ್ಲಿ ರೋಬೋಟ್ ನಾಯಿಯನ್ನು ರಷ್ಯಾ ಪ್ರದರ್ಶಿಸಿದ್ದು, ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಚೀನೀ ಆನ್ಲೈನ್ ಮಾರುಕಟ್ಟೆಗಳಲ್ಲಿ ಮಾರಾಟವಾಗುವ ಗ್ರಾಹಕ ಮಟ್ಟದ ರೋಬೋಟಿಕ್ ನಾಯಿಯ ಹೋಲಿಕೆಯಿದ್ದು, ಇದರ ಪಾತ್ರ ಮಾತ್ರ ಬಹಳ ದೊಡ್ಡದು.
“ಎಂ-81 ಕಾಂಪ್ಲೆಕ್ಸ್” ಎಂದು ಕರೆಯಲ್ಪಡುವ ಪ್ರಾಣಿ ರೂಪದ ಈ ಉತ್ಪನ್ನವನ್ನು ರಷ್ಯಾದ ಸರ್ಕಾರಿ ಸುದ್ದಿ ಸಂಸ್ಥೆ ಬಿಡುಗಡೆ ಮಾಡಿದ ವಿಡಿಯೊದಲ್ಲಿ ಕಾಣುತ್ತದೆ.
ಅದು ನಡೆಯುವುದು, ಮಲಗುವುದು ಮತ್ತು ತಿರುಗುವುದನ್ನು ನೋಡಬಹುದಾಗಿದೆ. ರೋಬೋಟಿಕ್ ನಾಯಿಯ ಸೃಷ್ಟಿಕರ್ತ ಮೆಷಿನ್ ಇಂಟೆಲೆಕ್ಟ್ ಎಂಬ ಸಣ್ಣ ತಾಂತ್ರಿಕ ಸಂಸ್ಥೆ. ಈ ನಾಯಿಯು ಶಸ್ತ್ರಾಸ್ತ್ರಗಳನ್ನು ಸಾಗಿಸುವ ಮತ್ತು ಶೂಟ್ ಮಾಡುವ ಸಾಮರ್ಥ್ಯದ ಬಗ್ಗೆ ಹೆಮ್ಮೆ ವ್ಯಕ್ತಪಡಿಸಿದೆ.
ಗುರಿ ಆಯ್ಕೆ, ಗಸ್ತು ತಿರುಗುವಿಕೆ ಮತ್ತು ಭದ್ರತೆ, ನಾಗರಿಕ ಕರ್ತವ್ಯಗಳಲ್ಲಿ ಔಷಧಿಯನ್ನು ಒಯ್ಯುವುದು, ಸುತ್ತಲೂ ನೋಡುವುದು ಮತ್ತು ವಿಪತ್ತು ಪ್ರದೇಶಗಳಲ್ಲಿ ಕಡಿದಾದ ಪ್ರದೇಶ ದಾಟುವುದು ಸೇರಿ ಅನೇಕ ಕೆಲಸ ಮಾಡಲಿದೆ.
ಟ್ಯಾಂಕರ್ ಉಡಾಯಿಸಲು ಬಳಸುವ ರಾಕೆಟ್ ಲಾಂಚರ್ನೊಂದಿಗೆ ಅದು ಶಸ್ತ್ರಸಜ್ಜಿತವಾಗಿದೆ, ಅದು ಲೋಡ್ ಮಾಡಿದಾಗ 3 ಕೆಜಿ ವರೆಗೆ ತೂಗುತ್ತದೆ ಮತ್ತು ಆಪ್ಟಿಕಲ್ ಗುರಿ ವ್ಯವಸ್ಥೆಯನ್ನು ಹೊಂದಿದೆ. ರೊಬೊಟಿಕ್ ನಾಯಿಯ ಆಪ್ಟಿಕಲ್ ಸೆನ್ಸರ್ಗಳ ಮೇಲ್ಭಾಗವನ್ನು ಅದು ಧರಿಸಿದ್ದ ಕಪ್ಪು ಬಟ್ಟೆಯ ಕವರ್ನಿಂದ ಮುಚ್ಚಲಾಗಿದೆ.
Loading ...