ಬೆಂಗಳೂರು: ಆರ್.ಎಸ್.ಎಸ್. ಬಗ್ಗೆ ಆರೋಪ ಮಾಡುವ ಮಾಜಿ ಸಿಎಂ ಹೆಚ್.ಡಿ. ಕುಮಾರಸ್ವಾಮಿ ಆರ್.ಎಸ್.ಎಸ್ ಶಾಖೆಗೆ ಬರಲಿ ಎಂಬ ಬಿಜೆಪಿ ನಾಯಕರ ಹೇಳಿಕೆಗೆ ತಿರುಗೇಟು ನೀಡಿರುವ ಕುಮಾರಸ್ವಾಮಿ, ’ಅಯ್ಯೋ….. ನನಗೆ ಆ ಆರ್.ಎಸ್.ಎಸ್ ಶಾಖೆ ಸಹವಾಸವೇ ಬೇಡ’ ಎಂದಿದ್ದಾರೆ.
ಸುದ್ದಿಗಾರರೊಂದಿಗೆ ಮಾತನಾಡಿದ ಕುಮಾರಸ್ವಾಮಿ, ಆರ್.ಎಸ್.ಎಸ್. ಶಾಖೆಯಿಂದ ಕಲಿಸಿದ್ದನ್ನು ನೋಡಿದ್ದೇವಲ್ಲಾ…ವಿಧಾನಸೌಧದಲ್ಲಿ ಯಾವ ರೀತಿ ನಡೆದುಕೊಳ್ಳಬೇಕು ? ವಿಧಾನಸಭೆಯಲ್ಲಿ ಹೇಗಿರಬೇಕು ? ಎಂಬುದನ್ನು ಕಲಿಸಿದ್ದನ್ನು ಎಲ್ಲರೂ ನೋಡಿಲ್ಲವೇ ? ವಿಧಾನಸಭೆ ಕಲಾಪ ನಡೆಯುತ್ತಿದ್ದರೆ ನೀಲಿ ಚಿತ್ರ ನೋಡಿಕೊಂಡು ಕುಳಿತುಕೊಳ್ಳುವುದು….. ಇಂಥದ್ದನ್ನೆ ಅಲ್ಲವೇ ಅವರ ಶಾಖೆಯಲ್ಲಿ ಕಲಿಸುವುದು ? ಅದನ್ನು ಕಲಿತುಕೊಳ್ಳಲು ನಾನು ಆರ್.ಎಸ್.ಎಸ್. ಶಾಖೆಗೆ ಹೋಗಲೇ ? ಎಂದು ಕಿಡಿಕಾರಿದರು.
ʼಸಾಕ್ಸ್ʼ ಆರ್ಡರ್‌ ಮಾಡಿದ್ದ ಕಮೆಡಿಯನ್‌ ಗೆ ಬಂದಿದ್ದು ಕಪ್ಪು ಬಣ್ಣದ ಬ್ರಾ…!
ನಾನು ಆ ಆರ್.ಎಸ್.ಎಸ್. ಶಾಖೆಯಲ್ಲಿ ಕಲಿಯಬೇಕಿರುವುದು ಏನೂ ಇಲ್ಲ, ನನಗೆ ಈ ಬಡವರ ಶಾಖೆಯಲ್ಲಿ ಕಲಿತಿರೋದೆ ಸಾಕು. ಹಾಗಾಗಿ ಆರ್.ಎಸ್.ಎಸ್. ಶಾಖೆ ಸಹವಾಸ ನನಗೆ ಬೇಡ ಎಂದು ಹೇಳಿದರು.
Loading ...