ರಾಯಲ್‌ ಎನ್ಫೀಲ್ಡ್ ಬೈಕ್‌ ಪ್ರಿಯರಿಗೆ ಭರ್ಜರಿ ಗುಡ್‌ ನ್ಯೂಸ್

ರಾಯಲ್‌ ಎನ್ಫೀಲ್ಡ್ ಕಂಪನಿಯು ತನ್ನ ಹೊಸ ಮಾಡೆಲ್ ಗಳನ್ನ ಅಭಿವೃದ್ಧಿಪಡಿಸುತ್ತಿದೆ ಎನ್ನುವುದು ರಹಸ್ಯವಾಗಿ ಉಳಿದಿಲ್ಲ. ಈಗಾಗ್ಲೇ ಹೊಸ ಬೈಕ್ ಗಳು ಭಾರತೀಯ ರಸ್ತೆಗಳಲ್ಲಿ ಟೆಸ್ಟ್ ರೈಡ್ ನಡೆಸಿರುವುದು ಬಹಿರಂಗವಾಗಿದೆ. ಈಗ ರಾಯಲ್ ಎನ್ಫೀಲ್ಡ್ ಪ್ರೊಡಕ್ಷನ್ ಪೋರ್ಟ್ ಫೋಲಿಯೊ ಹೆಚ್ಚಿಸಲು ಮುಂದಾಗಿದ್ದು ನಾಲ್ಕು ಹೊಸ ಮಾದರಿಗಳನ್ನ ಭಾರತೀಯ ಮಾರುಕಟ್ಟೆಗೆ ಪರಿಚಯಿಸಲಿದೆ. 2022ರಲ್ಲಿ ಭಾರತದಲ್ಲಿ ಬಿಡುಗಡೆಯಾಗಲಿರುವ ಹೊಸ ರಾಯಲ್ ಎನ್ಫೀಲ್ಡ್ ಬೈಕುಗಳ ವಿವರ ಇಲ್ಲಿದೆ.

ಸ್ಕ್ರಾಮ್ 411 (Scram411)

ರಾಯಲ್ ಎನ್‌ಫೀಲ್ಡ್ ಸ್ಕ್ರಾಮ್ 411 ವಾಸ್ತವವಾಗಿ ಹಿಮಾಲಯನ್ ಟೂರರ್ ನಂತೆಯೆ ಡಿಸೈನ್ ಆಗಿದೆ. ಆದರೆ ಈ ಆವೃತ್ತಿಯು ಹೆಚ್ಚು ರಸ್ತೆ ಕೇಂದ್ರಿಕೃತವಾಗಿದೆ. ಸ್ಕ್ರಾಮ್ 411 ನ ಒಟ್ಟಾರೆ ವಿನ್ಯಾಸವು ಹಿಮಾಲಯನ್ ನಂತೆಯೇ ಇದೆ ಆದರೆ, ಇದು ಅದಕ್ಕಿಂತ ಚಿಕ್ಕದಾದ ಚಕ್ರಗಳನ್ನು ಪಡೆಯುವ ಸಾಧ್ಯತೆಯಿದೆ.‌

ಮೋಟಾರ್‌ ಸೈಕಲ್‌ನಲ್ಲಿ ಸ್ಥಾಪಿಸಲಾದ ಎಂಜಿನ್ ಮತ್ತು ಸಸ್ಪೆನ್ಷನ್ ಕೂಡ ಹಿಮಾಲಯದಂತೆಯೇ ಇರುವ ಸಾಧ್ಯತೆಯಿದೆ. ಸ್ಕ್ರಾಮ್ 411 ಈ ಫೆಬ್ರವರಿಯಲ್ಲಿ ಬಿಡುಗಡೆಯಾಗಲಿದೆ.

ಸೂಪರ್ ಮೆಟಿಯಾರ್ 650 (Super meteor 650)

ರಾಯಲ್ ಎನ್‌ಫೀಲ್ಡ್‌ ನ ಈ 650-ಸಿಸಿ ಕ್ರೂಸರ್ ಮೋಟಾರ್‌ಸೈಕಲ್ ಅನ್ನು ವ್ಯಾಪಕವಾಗಿ ಪರೀಕ್ಷಿಸಲಾಗುತ್ತಿದೆ. ಈ 65-cc ಕ್ರೂಸರ್, ತಯಾರಕರ ಪ್ರಸಿದ್ಧ 650-cc ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ. ಸೂಪರ್ ಮೆಟಿಯರ್ 650 ಅನ್ನು ಇಂಟರ್‌ಸೆಪ್ಟರ್ 650 ಗಿಂತ ಪ್ರೀಮಿಯಂ ಮಾಡೆಲ್‌ನಂತೆ ನೀಡಲಾಗುವುದು. ಸೂಪರ್ ಮೆಟಿಯಾರ್ ಅನ್ನು ಭಾರತದಲ್ಲಿ ಈ ವರ್ಷದ ಏಪ್ರಿಲ್ ತಿಂಗಳಲ್ಲಿ‌ ಲಾಂಚ್ ಮಾಡಬಹುದು ಎನ್ನಲಾಗ್ತಿದೆ.

ಹಂಟರ್ (Hunter)

ರಾಯಲ್ ಎನ್‌ಫೀಲ್ಡ್ 350-ಸಿಸಿ ರೋಡ್‌ ಸ್ಟರ್ ಮೋಟಾರ್‌ ಸೈಕಲ್‌ ಅನ್ನು ಅಭಿವೃದ್ಧಿಪಡಿಸುತ್ತಿದೆ. ಇದನ್ನು ಪ್ರಸ್ತುತ ಹಂಟರ್ ಎಂದು ಕರೆಯಲಾಗುತ್ತಿದೆ ಆದರೆ, ಮಾರ್ಕೆಟ್ ಸಾಲಿಗೆ ಬಂದಾಗ ಮೋಟಾರ್‌ ಸೈಕಲ್‌ನ ಹೆಸರು ಬದಲಾಗಬಹುದು. ಈ ಮಾದರಿಯನ್ನು ರಾಯಲ್ ಎನ್ಫೀಲ್ಡ್ ನ ಬಜೆಟ್ ಬೈಕ್ ಎಂದು ಹೇಳಲಾಗ್ತಿದ್ದು, ಮಧ್ಯಮ ವರ್ಗದವರಿಗೂ ಕೈಗೆಟುಕುವ ಬೆಲೆಯಲ್ಲಿ ಸಿಗುತ್ತದೆ ಎಂಬ ಲೆಕ್ಕಾಚಾರ ಹಾಕಲಾಗಿದೆ. ಇದರ ಮಾರಾಟ ಈ ವರ್ಷದ ಮಧ್ಯದಲ್ಲಿ ಶುರುವಾಗಬಹುದು ಎಂದು ವರದಿಯಾಗಿದೆ.

ಶಾಟ್‌ಗನ್ 650 (Shotgun 650)

ಇ ಶಾಟ್‌ಗನ್ 650 ವಾಸ್ತವವಾಗಿ ಸಿಂಗಲ್ ಸೀಟರ್ ಆಗಿದೆ. SG650 ಹೆಸರಿನ ಈ ಮೋಟಾರ್‌ ಸೈಕಲ್‌ನ ಪರಿಕಲ್ಪನೆಯನ್ನು 2021 ರಲ್ಲಿ ಪ್ರದರ್ಶಿಸಲಾಯಿತು. ಈ ಮೋಟಾರ್‌ ಸೈಕಲ್ ಇಂಟರ್‌ಸೆಪ್ಟರ್ 650 ಮತ್ತು ಕಾಂಟಿನೆಂಟಲ್ GT 650 ನಂತೆ ಅವಳಿ ಸಿಲಿಂಡರ್ ಎಂಜಿನ್ ಅನ್ನು ಹೊಂದಿದೆ. ಈ ವರ್ಷದ ನಂತರ ಭಾರತೀಯ ಮಾರುಕಟ್ಟೆಯಲ್ಲಿ ಶಾಟ್‌ಗನ್ 650 ಅನ್ನು ಬಿಡುಗಡೆಯಾಗುವ ನಿರೀಕ್ಷೆಯಿದೆ.