ವಿಮಾನದಲ್ಲಿ ದಾಂಧಲೆ ಮಾಡಿದ ಪ್ರಯಾಣಿಕ ಅರೆಸ್ಟ್

ಪ್ರಯಾಣಿಕ ವಿಮಾನದಲ್ಲಿ ದಾಂಧಲೆ ಮಾಡುವುದು ಭಾರೀ ಶಿಕ್ಷೆಗೆ ಕಾರಣವಾಗುವ ವಿಷಯಗಳಲ್ಲಿ ಒಂದಾಗಿದೆ.

ಫಿಲಡೆಲ್ಫಿಯಾದ ಪ್ರಯಾಣಿಕನೊಬ್ಬ ವಿಮಾನದ ಸಿಬ್ಬಂದಿಯೊಬ್ಬರ ಮುಖದ ಮೇಲೆ ಪಂಚ್‌ ಕೊಟ್ಟದ್ದಲ್ಲದೇ ಮಹಿಳಾ ಸಿಬ್ಬಂದಿಯೊಬ್ಬರಿಗೆ ಕಿರುಕುಳ ಕೊಟ್ಟ ಕಾರಣ ಆತನನ್ನು ಡಕ್ಟ್‌ ಟೇಪ್‌ನಲ್ಲಿ ಕಟ್ಟಿ ಹಾಕಿ ಪ್ರಯಾಣ ಮುಂದುವರೆಸಬೇಕಾದ ಪ್ರಸಂಗ ಫ್ರಾಂಟಿಯರ್‌ ಏರ್‌ಲೈನ್ಸ್‌ ವಿಮಾನವೊಂದರಲ್ಲಿ ಜರುಗಿದೆ.

ಫಿಲಡೆಲ್ಫಿಯಾದಿಂದ ಮಿಯಾಮಿಯತ್ತ ಹೊರಟಿದ್ದ ಫ್ಲೈಟ್‌ ಏರಿದ ಮ್ಯಾಕ್ಸ್‌ವೆಲ್ ಬೆರ‍್ರಿ, ಪಾನೀಯ ಹೀರುತ್ತಲೇ ವಿಮಾನದೊಳಗಿದ್ದ ಪ್ರಯಾಣಿಕರಿಗೆ ಕಿರಿಕಿರಿ ಮಾಡಲು ಆರಂಭಿಸಿದ.

ಮಾಜಿ ಪ್ರೇಯಸಿ ಮನೆಗೆ ನುಗ್ಗಲು ಮುಂದಾದವನ ಸ್ಥಿತಿ ಹೀಗಾಯ್ತು….!

ಇಷ್ಟು ಸಾಲದೆಂಬಂತೆ, ಬಾತ್‌ರೂಂನಿಂದ ಮರಳುವ ವೇಳೆ ಅಂಗಿ ಬಿಚ್ಚಿ ಬಂದ ಈತನಿಗೆ ಬೇರೊಂದು ಅಂಗಿಯನ್ನು ಕೊಡಲು ಸಿಬ್ಬಂದಿ ಮುಂದಾದಾಗ ಅವರ ಮೇಲೂ ಕಿರುಕುಳ ನಡೆಸಿದ್ದಾನೆ. ಪರಿಸ್ಥಿತಿ ನಿಭಾಯಿಸಲು ಆಗಮಿಸಿದ ಪುರುಷ ಸಿಬ್ಬಂದಿಯೊಬ್ಬರಿಗೆ ಪಂಚ್‌ ಸಹ ಮಾಡಿದ್ದಾನೆ.

ಘಟನೆಯ ವಿಡಿಯೋವನ್ನು ಸಹ ಪ್ರಯಾಣಿಕರೊಬ್ಬರು ರೆಕಾರ್ಡ್ ಮಾಡಿದ್ದಾರೆ.

ಸದ್ಯ ಬೆರ‍್ರಿಯನ್ನು ಬಂಧಿಸಲಾಗಿದ್ದು, ವಿಮಾನದಲ್ಲಿದ್ದ ಸಿಬ್ಬಂದಿ ವಿರುದ್ಧ ತನಿಖೆ ಮುಗಿಯುವವರೆಗೂ ಅವರನ್ನು ಸೇವೆಯಿಂದ ಅಮಾನತುಗೊಳಿಸಲಾಗಿದೆ ಎಂದು ವಿಮಾನಯಾನದ ಆಡಳಿತ ತಿಳಿಸಿದೆ.

https://twitter.com/SweeneyABC/status/1422537706173775875?ref_src=twsrc%5Etfw%7Ctwcamp%5Etweetembed%7Ctwterm%5E1422537706173775875%7Ctwgr%5E%7Ctwcon%5Es1_&ref_url=https%3A%2F%2Fwww.timesnownews.com%2Fthe-buzz%2Farticle%2Frowdy-plane-passenger-punches-and-gropes-flight-attendants-gets-duct-taped-to-his-seat-watch%2F794710