ವಿಶ್ವದ ಅತಿ ಎತ್ತರದ ಕುದುರೆ ʼಬಿಗ್​ ಜೇಕ್ʼ ಇನ್ನಿಲ್ಲ

ಆರು ಅಡಿ ಹತ್ತು ಇಂಚು ಎತ್ತರ ಹೊಂದಿದ್ದ ವಿಶ್ವದ ಅತೀ ಎತ್ತರದ ಕುದುರೆಯು ವಿಸ್ಕಾನ್ಸಿನ್​ನಲ್ಲಿ ಕೊನೆಯುಸಿರೆಳೆದಿದೆ. 1136 ಕೆಜಿ ತೂಕದ ಈ ಬಿಗ್​ ಜೇಕ್​​​ಗೆ 20 ವರ್ಷ ವಯಸ್ಸಾಗಿತ್ತು.

20 ವರ್ಷದ ಬೆಲ್ಜಿಯಂ ಕುದುರೆಯು ಪೊರೆನೆಟ್​​ನ ಸ್ಮೋಕಿ ಹಾಲೋ ಫಾರ್ಮ್​ನಲ್ಲಿ ಜೆರ್ರಿ ಗಿಲ್ಬರ್ಟ್​ ಮತ್ತವರ ಪತ್ನಿ ವ್ಯಾಲಿಷಿಯಾ ಗಿಲ್ಬರ್ಟ್​ ಜೊತೆ ವಾಸವಾಗಿತ್ತು.

ಇನ್ನು ಕುದುರೆ ಸಾವನ್ನಪ್ಪಿದ ಬಗ್ಗೆ ಮಾತನಾಡಿದ ವ್ಯಾಲಿಷಿಯಾ, ಬಿಗ್​ ಜೇಕ್​ 2 ವಾರಗಳ ಹಿಂದೆ ಸಾವನ್ನಪ್ಪಿದೆ. ನಾವು ಕುದುರೆ ಸಾವಿನ ನಿಖರವಾದ ದಿನಾಂಕವನ್ನ ಹಂಚಿಕೊಂಡಿಲ್ಲ. ಕೇವಲ ಅದೊಂದು ದಿನಾಂಕದಂದು ಕುದುರೆಯನ್ನ ಸ್ಮರಿಸೋದು ಬೇಡ. ನಮ್ಮ ಕುಟುಂಬಕ್ಕೆ ಇದೊಂದು ಅತ್ಯಂತ ಆಘಾತಕಾರಿ ಘಟನೆ ಎಂದು ಹೇಳಿದ್ದಾರೆ.

2010ರಲ್ಲಿ ಗಿನ್ನೆಸ್​ ವಿಶ್ವ ದಾಖಲೆ ಪುಸ್ತಕದಲ್ಲಿ ವಿಶ್ವದ ಅತೀ ಎತ್ತರದ ಕುದುರೆ ಎಂಬ ದಾಖಲೆಯನ್ನ ಬಿಗ್​ ಜೇಕ್​ ನಿರ್ಮಿಸಿತ್ತು. ಆಗ ಜೇಕ್​ಗೆ ಕೇವಲ 9 ವರ್ಷ ವಯಸ್ಸಾಗಿತ್ತು.