ಎವರ್ ಬ್ಯೂಟಿ ನಟಿ ರೇಖಾಗಿತ್ತಂತೆ 12 ಮಕ್ಕಳನ್ನು ಪಡೆಯುವ ಆಸೆ….!

ಬಾಲಿವುಡ್‌ನ ಎವರ್‌ಗ್ರೀನ್ ನಟಿ ರೇಖಾ ಅವರ ವೈಯಕ್ತಿಕ ಜೀವನವು ಅವರ ಚಲನಚಿತ್ರ ವೃತ್ತಿಜೀವನಕ್ಕಿಂತ ಹೆಚ್ಚು ಚರ್ಚೆಯಲ್ಲಿರುತ್ತೆ. 60ರ ಹರೆಯದಲ್ಲೂ ಕೋಟ್ಯಂತರ ಹೃದಯವನ್ನು ಮಿಡಿಯುವಂತೆ ಮಾಡುವ ರೇಖಾ ಅವರ ಜೀವನ ಸಿನಿಮಾ ಕಥೆಗಿಂತ ಕಡಿಮೆಯಿಲ್ಲ.

ಅಮಿತಾಬ್ ಬಚ್ಚನ್ ಜೊತೆಗಿನ ರೇಖಾ ಅವರ ಅಫೇರ್ ಕೂಡ ಹೆಚ್ಚು ಚರ್ಚೆಗೆ ಒಳಗಾಗಿತ್ತು. ಉದ್ಯಮಿ ಮುಖೇಶ್ ಅಗರ್ವಾಲ್ ಅವರೊಂದಿಗಿನ ಅವರ ಮದುವೆ ಕೂಡ ಸಾಕಷ್ಟು ಸುದ್ದಿ ಮಾಡಿದೆ. ರೇಖಾ ತಮ್ಮ ಹಣೆಯ ಮೇಲೆ ಹಾಕಿಕೊಳ್ಳುವ ಸಿಂಧೂರದ ಬಗ್ಗೆಯೂ ಹಲವು ಚರ್ಚೆಗಳಿವೆ. ಇದೆಲ್ಲದರ ನಡುವೆ ರೇಖಾರವರಿಗೆ ಇದ್ದ ಅದೊಂದು ಆಸೆ ಈಡೇರಿಲ್ಲ. ಈ ಬಗ್ಗೆ ಅವರೇ ಸಂದರ್ಶವೊಂದರಲ್ಲಿ ಹೇಳಿದ್ದು, ತನಗೆ ಹೆಚ್ಚು ಮಕ್ಕಳು ಬೇಕೆಂದು ಬಯಸಿದ್ದಾಗಿ ಬಹಿರಂಗಪಡಿಸಿದ್ದಾರೆ.

ಅನೇಕ ಮಕ್ಕಳನ್ನು ಹೊಂದುವುದು ನನ್ನ ಫ್ಯಾಂಟಸಿ, ಆದರೆ ಅದು ಕೇವಲ ಕಲ್ಪನೆಯಾಗಿ ಉಳಿಯಬಾರದು ಎಂದು ನಾನು ಭಾವಿಸುತ್ತೇನೆ. ನನ್ನ ತಾಯಿ ಕೂಡ 30 ವರ್ಷದೊಳಗೆ ಮಕ್ಕಳಾಗಬೇಕು ಎಂದು ಹೇಳುತ್ತಿದ್ದರು. ನನ್ನ ಮಗು ನನ್ನೊಂದಿಗೆ ದೈಹಿಕವಾಗಿ ಬೆಳೆಯಬೇಕು ಎಂದು ನಾನು ಬಯಸುತ್ತೇನೆ. ನಮ್ಮ ನಡುವೆ ಯಾವುದೇ ಸಂವಹನ ಗ್ಯಾಪ್ ಆಗುವುದಿಲ್ಲ ಎಂದು ನಾನು ಭಾವಿಸುತ್ತೇನೆ. ಏಕೆಂದರೆ ನಾನು ತುಂಬಾ ಮುಂದುವರಿದಿದ್ದು ಮುಂದಿನ 100 ವರ್ಷದ ಬಗ್ಗೆ ಈಗಲೇ ಯೋಚಿಸುತ್ತೇನೆ ಎಂದಿದ್ದಾರೆ.

ನನ್ನ ಮನೆಯಲ್ಲಿ ಗೌಪ್ಯತೆಯನ್ನು ನಾನು ತುಂಬಾ ಇಷ್ಟಪಡುತ್ತೇನೆ ಆದರೆ ನನ್ನ ಮನೆಯಲ್ಲಿ ಮಕ್ಕಳು ಇರಬೇಕು ಎಂದು ರೇಖಾ ಹೇಳಿದ್ದರು. ಮನೆಯಲ್ಲಿ ಆಟವಾಡುವ ಮತ್ತು ಮೆಟ್ಟಿಲುಗಳ ಮೇಲೆ ಓಡುವ ಮಕ್ಕಳು ಇರುತ್ತಾರೆ. ಆದರೆ ನನಗೆ ಎಲ್ಲರಂತೆ 2 ಮಕ್ಕಳು ಮಾತ್ರ ಬೇಡ. ಕನಿಷ್ಠ 12 ಮಕ್ಕಳು ಬೇಕು. ಆದರೆ ನಾನು ಮದುವೆಯಾಗಲಿಲ್ಲ , ಮಕ್ಕಳೂ ಆಗಲಿಲ್ಲ ಎಂದು ನಾನು ವಿಷಾದಿಸುತ್ತೇನೆ. ಮದುವೆಯಾಗದೆ ಮಕ್ಕಳು ಮಾಡಿಕೊಳ್ಳಬಾರದು ಎಂದು ಅವರು ಹೇಳಿದ್ದರು ಎಂದಿದ್ದಾರೆ. ಜೊತೆಗೆ ಈ ಬಗ್ಗೆ ತಮ್ಮ ವೈಯಕ್ತಿಕ ಕಾರಣಗಳನ್ನು ನೀಡಿದ ರೇಖಾ, ನನ್ನ ತಾಯಿ ನರಳುವುದನ್ನು ನಾನು ನೋಡಿದ್ದೇನೆ. ಅವರು ತಂದೆಯಿಲ್ಲದೆ ಮಗುವನ್ನು ಬೆಳೆಸಿದ್ದನ್ನು ನಾನು ನೋಡಿದ್ದೇನೆ. ಇಂದಿನ ಮಕ್ಕಳು ತುಂಬಾ ಸ್ವಾರ್ಥಿಗಳು ಮತ್ತು ಬೇಡಿಕೆಯುಳ್ಳವರು. ಇಂದಿನ ಮಕ್ಕಳಿಗೆ ಒಂದೂವರೆ ತಿಂಗಳಲ್ಲಿ ತಮ್ಮ ಸುತ್ತಮುತ್ತ ಯಾರು ಇದ್ದಾರೆ ಎಂಬುದು ಗೊತ್ತಾಗುತ್ತದೆ ಎಂದು ರೇಖಾ ಹೇಳಿದ್ದಾರೆ.