ಠಾಣೆಯಲ್ಲಿ ಇಲಿಗಳ ಕಾಟಕ್ಕೆ ಹೈರಾಣಾದ ಖಾಕಿ ಪಡೆ; ಬೆಕ್ಕು ಸಾಕಿದ ಪೊಲೀಸರು

ಚಿಕ್ಕಬಳ್ಳಾಪುರ: ಪೊಲೀಸ್ ಠಾಣೆಯಲ್ಲಿ ಇಲಿಗಳ ಕಾಣಕ್ಕೆ ಬೇಸತ್ತ ಪೊಲೀಸರು ಠಾಣೆಯಲ್ಲಿಯೇ ಬೆಕ್ಕು ಸಾಕಿರುವ ವಿಚಿತ್ರ ಘಟನೆ ಚಿಕ್ಕಬಳ್ಳಾಪುರ ಜಿಲ್ಲೆಯ ಗೌರಿಬಿದನೂರು ಗ್ರಾಮಾಂತರ ಠಾಣೆಯಲ್ಲಿ ನಡೆದಿದೆ.

ಇಲಿಗಳು ಪೊಲೀಸ್ ಠಾಣೆಯಲ್ಲಿದ್ದ ದಾಖಲೆಗಳನ್ನು ತಿಂದು ತೇಗಿ ಹಾಳು ಮಾಡುತ್ತಿದ್ದಾರೆ. ಇಲಿಗಳ ಕಾಟಕ್ಕೆ ಹೈರಾಣಾಗಿರುವ ಪೊಲೀಸರು ಬೇರೆ ದಾರಿಯಿಲ್ಲದೇ ಬೆಕ್ಕನ್ನು ಸಾಕುತ್ತಿದ್ದಾರೆ.

ಇದೀಗ ಬೆಕ್ಕು ಕೂಡ ಪೊಲಿಸ್ ಠಾಣೆಯಲ್ಲಿ ಪೊಲೀಸರೊಂದಿಗೆ ರಾಜಾರೋಷವಾಗಿ ಓಡಾಡುತ್ತಿದ್ದು, ಕಳೆದ ಒಂದು ತಿಂಗಳಿಂದ ಇಲಿಗಳ ಕಾಟಕ್ಕೆ ಕೊಂಚ ಕಡಿವಾಣ ಬಿದ್ದಿದೆಯಂತೆ. ಹಾಗಾಗಿ ಠಾಣೆಯಲ್ಲಿನ ದಾಖಲೆಗಳು ಸೇಫ್ ಆಗಿವೆ ಎಂಬುದು ಪೊಲೀಸರ ನಿಟ್ಟುಸಿರು.