ನಿಮ್ಮ ರಾಶಿಗಳಿಗನುಗುಣವಾಗಿ ಇಂದಿನ ದಿನಭವಿಷ್ಯ

ಮೇಷ : ಕಚೇರಿ ಕೆಲಸವೇ ಆಗಿರಲಿ ಅಥವಾ ಉದ್ಯಮವೇ ಆಗಿರಲಿ ನೀವು ಕಷ್ಟಪಟ್ಟು ಪ್ರಯತ್ನಿಸದ ಹೊರತು ಪ್ರತಿಫಲ ಸಿಗಲು ಸಾಧ್ಯವೇ ಇಲ್ಲ. ಸದಾ ಅದೃಷ್ಟದ ಮೇಲೆ ನಂಬಿಕೆ ಇಟ್ಟರೆ ಸಾಲದು. ಕೈ ಕೆಸರಾದರೆ ಬಾಯಿ ಮೊಸರು ಎಂಬ ಮಾತು ತಲೆಯಲ್ಲಿರಲಿ.

ವೃಷಭ : ಕಚೇರಿ ಕೆಲಸದಲ್ಲಿ ನೀವಿಂದು ಎಚ್ಚರವಾಗಿದ್ದಷ್ಟೂ ಒಳ್ಳೆಯದು. ಕೆಲಸದಲ್ಲಿ ಒತ್ತಡ ಹೆಚ್ಚಾಗಿ ಮನೆಯವರಿಗೆ ಸಮಯಾವಕಾಶ ನೀಡಲು ಸಾಧ್ಯವಾಗದೇ ಹೋಗಬಹುದು. ವಿದ್ಯಾರ್ಥಿ ಜೀವನದಲ್ಲಿರುವ ಎಲ್ಲಾ ಅಡೆತಡೆಗಳು ನಿವಾರಣೆಯಾಗಲಿದೆ. ಆರ್ಥಿಕವಾಗಿ ಕೊಂಚ ಸಂಕಷ್ಟ ಇರಲಿದೆ.

ಮಿಥುನ : ನೀವು ಅನಾರೋಗ್ಯದಿಂದ ಬಳಲುತ್ತಿದ್ದರೆ ಖಂಡಿತವಾಗಿಯೂ ನಿರ್ಲಕ್ಷ್ಯ ಸಲ್ಲದು. ಕಚೇರಿಯಲ್ಲಿ ಮೇಲಾಧಿಕಾರಿಗಳಿಂದ ಪ್ರಶಂಸೆಗೆ ಒಳಗಾಗಲಿದ್ದೀರಿ. ರಿಯಲ್​ ಎಸ್ಟೇಟ್​ ಉದ್ಯಮಿಗಳಿಗೆ ಇದು ಲಾಭದ ದಿನವಾಗಿದೆ.

ಕಟಕ : ದೀರ್ಘಕಾಲದಿಂದ ಅಡಚಣೆ ನೀಡುತ್ತಿದ್ದ ಕೆಲಸವೊಂದು ಇಂದು ನಿವಾರಣೆಯಾಗಲಿದೆ. ಆರ್ಥಿಕ ಪರಿಸ್ಥಿತಿಯು ಚೆನ್ನಾಗಿ ಇರಲಿದೆ. ಸಂಗಾತಿಯೊಂದಿಗೆ ಉತ್ತಮ ಸಂಬಂಧವನ್ನು ಹೊಂದಿರಲಿದ್ದೀರಿ. ಕುಟುಂಬಸ್ಥರ ಜೊತೆ ಕೋಪದಲ್ಲಿ ಮಾತನಾಡಬೇಡಿ.

ಸಿಂಹ : ವ್ಯಾಪಾರಸ್ಥರು ತಮ್ಮ ವ್ಯವಹಾರದಲ್ಲಿ ನಿರೀಕ್ಷಿತ ಲಾಭ ಪಡೆಯಲಿದ್ದಾರೆ. ವೈದ್ಯಕೀಯ ವೃತ್ತಿಯವರಿಗೆ ಕೊಂಚ ಒತ್ತಡ ಇರಲಿದೆ. ಮನೆಯವರಿಗೆ ನಿಮ್ಮ ಸಮಯವನ್ನ ಮೀಸಲಿಡಿ. ಆಂಜನೇಯನ ಮಂತ್ರವನ್ನ ಪಠಿಸಿ.

ಕನ್ಯಾ : ವಿದ್ಯಾರ್ಥಿಗಳು ಯಾವುದೇ ಕಾರಣಕ್ಕೂ ನಿರಾಶೆಗೆ ಒಳಗಾಗುವ ಅಗತ್ಯವಿಲ್ಲ. ಪ್ರಯತ್ನ ಮುಂದುವರಿಸಿ. ಉದ್ಯೋಗಿಗಳು ಆತುರದಿಂದ ಯಾವುದೇ ನಿರ್ಧಾರ ಕೈಗೊಳ್ಳಬೇಡಿ. ದಾಂಪತ್ಯ ಜೀವನವು ಸುಖಮಯವಾಗಿ ಇರಲಿದೆ. ಹೃದಯ ಸಂಬಂಧಿ ಸಮಸ್ಯೆ ಹೊಂದಿರುವವರು ಜಾಗ್ರತೆಯಿಂದಿರಿ.

ತುಲಾ : ವೈಯಕ್ತಿಕ ಜೀವನ ಹಾಗೂ ವೃತ್ತಿ ಜೀವನದಲ್ಲಿ ಸಮತೋಲನ ಕಾಪಾಡಿಕೊಳ್ಳದ ಹೊರತು ಮಾನಸಿಕ ನೆಮ್ಮದಿ ಸುಧಾರಿಸೋಕೆ ಸಾಧ್ಯವೇ ಇಲ್ಲ. ಈ ದಿನದ ಆರಂಭ ನಿಮಗೆ ಕೊಂಚ ಕಷ್ಟ ಎನಿಸಿದರೂ ಸಹ ಕ್ರಮೇಣವಾಗಿ ಪರಿಸ್ಥಿತಿ ನಿಮ್ಮ ಕಡೆಗೆ ವಾಲಲಿದೆ.

ವೃಶ್ಚಿಕ : ವಕೀಲ ವೃತ್ತಿಯನ್ನ ಮಾಡುತ್ತಿರುವವರಿಗೆ ಇಂದು ಒಳ್ಳೆ ಅವಕಾಶ ಕೂಡಿ ಬರಲಿದೆ. ನಿಮ್ಮ ಕೆಲಸವನ್ನ ಸಮಯಕ್ಕೆ ಸರಿಯಾಗಿ ಪೂರ್ಣಗೊಳಿಸಲಿದ್ದೀರಿ. ಹಣಕಾಸಿನ ಸ್ಥಿತಿಯನ್ನ ಬಲಗೊಳಿಸಬೇಕು ಎಂಬ ನಿಮ್ಮ ಪ್ರಯತ್ನಕ್ಕೆ ಯಶಸ್ಸು ಸಿಗಲಿದೆ.

ಧನು : ಸಂಗಾತಿಯ ಆರೋಗ್ಯ ಹದಗೆಡೋದ್ರಿಂದ ನಿಮ್ಮ ನೆಮ್ಮದಿ ಹಾಳಾಗಲಿದೆ. ಕಚೇರಿಯ ಕೆಲಸಗಳು ಅಡೆತಡೆ ಇಲ್ಲದೇ ಸಾಗಲಿದೆ. ವ್ಯಾಪಾರಸ್ಥರು ಇಂದು ಲಾಭ ಗಳಿಸಲಿದ್ದಾರೆ. ಉದ್ಯೋಗ ಅರಸುತ್ತಿರುವವರಿಗೆ ಇಂದು ಶುಭ ಸುದ್ದಿ ಸಿಗಲಿದೆ.

ಮಕರ : ಅವಕಾಶ ಸಿಕ್ಕಾಗೆಲ್ಲ ಸಹಾಯಕ್ಕೆ ಧಾವಿಸುವ ನಿಮ್ಮ ಮನಸ್ಸು ಸಾರ್ವಜನಿಕ ವಲಯದಲ್ಲಿ ಪ್ರಶಂಸೆ ಗಿಟ್ಟಿಸಿಕೊಳ್ಳಲಿದೆ. ಆದರೆ ಆಡುವ ಮಾತಿನ ಬಗ್ಗೆ ಎಚ್ಚರ ವಹಿಸಿ. ಇಲ್ಲವಾದಲ್ಲಿ ಮುಖಭಂಗ ಅನುಭವಿಸುವ ಸಾಧ್ಯತೆ ಇದೆ.

ಕುಂಭ : ಗ್ರಹಗಳ ಸ್ಥಾನವು ಸರಿಯಾಗಿ ಇಲ್ಲದ ಕಾರಣ ಈ ದಿನ ನಿಮಗೆ ಕಠಿಣ ಎನಿಸಲಿದೆ. ಹಣದ ವಿಚಾರದಲ್ಲಿ ಈ ದಿನ ನಿಮಗೆ ಖಂಡಿತವಾಗಿಯೂ ಒಳ್ಳೆಯದಲ್ಲ. ಆದಷ್ಟು ಸರಿಯಾದ ಸಮಯಕ್ಕೆ ಸಾಲ ಮರುಪಾವತಿ ಮಾಡುವ ಅಭ್ಯಾಸ ರೂಢಿ ಮಾಡಿಕೊಳ್ಳಿ.

ಮೀನ : ಮೇಲಾಧಿಕಾರಿಗಳು ಹಾಗೂ ಸಹೋದ್ಯೋಗಿಗಳ ಜೊತೆ ಸಮನ್ವಯ ಸಾಧಿಸಲಿದ್ದೀರಿ. ಕೋರ್ಟ್​ – ಕಚೇರಿ ಕೆಲಸಗಳು ಸುಲಭವಾಗಿ ನೆರವೇರಲಿದೆ. ಆಸ್ತಿ ಖರೀದಿ ಮಾಡುವ ಪ್ರಯತ್ನದಲ್ಲಿ ನೀವಿದ್ದರೆ ಕಾನೂನು ವಿಷಯದಲ್ಲಿ ಜಾಗ್ರತೆ ವಹಿಸಿ.