ಬೆಂಗಳೂರು : ರೀಲ್ಸ್ ರಾಣಿ ಸೋನುಗೌಡಗೆ ನಟ ದರ್ಶನ್ ಅಭಿಮಾನಿಗಳಿಂದ ಕಿರುಕುಳ ನೀಡಲಾಗುತ್ತಿದೆ ಎಂಬ ಆರೋಪ ಕೇಳಿಬಂದಿದೆ. ಈ ಬಗ್ಗೆ ಸ್ವತಹ ಸೋನು ಗೌಡ ಅವರೇ ಸೋಶಿಯಲ್ ಮೀಡಿಯಾದಲ್ಲಿ ಹೇಳಿಕೊಂಡಿದ್ದಾರೆ.
ದರ್ಶನ್ ಪರ ಮಾತನಾಡಿಲ್ಲ ಎಂದು ಸೋನುಗೌಡ ಅವರ ಇನ್ ಸ್ಟಾಗ್ರಾಂ ರೀಲ್ಸ್ ಗೆ ಕೆಟ್ಟದಾದ ಕಮೆಂಟ್ ಬರುತ್ತಿದೆ ಎಂದು ಆರೋಪ ಮಾಡಿದ್ದಾರೆ.
ದರ್ಶನ್ ಬಗ್ಗೆ ಮಾತನಾಡುವಷ್ಟು ನಾವು ದೊಡ್ಡವರಲ್ಲ, ನಾನು ತುಂಬಾ ಚಿಕ್ಕವಳು. ತಪ್ಪು ಮಾಡಿದವರಿಗೆ ಶಿಕ್ಷೆಯಾಗುತ್ತೆ, ತೀರ್ಪು ಬರುವವರೆಗೂ ಕಾಯಿರಿ, ಯಾರೂ ಕೂಡ ಕೆಟ್ಟದಾಗಿ ಕಮೆಂಟ್ ಮಾಡಬೇಡಿ. ನಮ್ಮ ಬಾಸ್ ದರ್ಶನ್ ಇಂತಹ ಕೆಲಸ ಮಾಡಿಲ್ಲ ಎಂಬ ಹೋಪ್ ಇಟ್ಟುಕೊಂಡಿದ್ದೇನೆ, ತೀರ್ಪು ಬರುವವರೆಗೂ ಕಾಯಿರಿ ಎಂದು ಮನವಿ ಮಾಡಿದ್ದಾರೆ.
ಬಿಗ್ ಬಾಸ್ ಮನೆಗೆ ಹೋದ ಸೋನುಗೌಡ ಬಳಿಕ ಅಕ್ರಮವಾಗಿ ದತ್ತು ಪಡೆದ ಪ್ರಕರಣದಲ್ಲಿ ಸೋನುಗೌಡ ಜೈಲು ಸೇರಿ ನಂತರ ಬಿಡುಗಡೆಯಾಗಿ ಬಂದಿದ್ದರು. ಸೋಶಿಯಲ್ ಮೀಡಿಯಾದಲ್ಲಿ ರೀಲ್ಸ್ ಮಾಡುತ್ತಾ ಸದಾ ಸಕ್ರಿಯವಾಗಿರುವ ಸೋನುಗೌಡ ರೀಲ್ಸ್ ರಾಣಿಯೆಂದೇ ಫೇಮಸ್ ಆಗಿದ್ದಾರೆ.
Loading ...