ನಾಳೆ ರಾಮಲಲ್ಲಾ ಪ್ರಾಣಪ್ರತಿಷ್ಠಾಪನೆ : ಮದುವಣಗಿತ್ತೆಯಂತೆ ಸಿಂಗಾರಗೊಂಡ ʻಅಯೋಧ್ಯೆ ನಗರಿʼ

ಅಯೋಧ್ಯೆ : ಜನವರಿ 22 ರ ನಾಳೆ ಅಯೋಧ್ಯೆಯ ರಾಮಮಂದಿರ ಉದ್ಘಾಟನೆಯಾಗಲಿದ್ದು, ಶ್ರೀರಾಮಮಂದಿರಕ್ಕೆ ಬಗೆ ಬಗೆಯ ಹೂವು-ದೀಪಗಳಿಂದ ಮದುವಣಗಿತ್ತಿಯಂತೆ ಅಲಂಕೃಗೊಂಡಿದೆ.

ಶ್ರೀರಾಮ ಜನ್ಮಭೂಮಿ ಟ್ರಸ್ಟ್‌ನ ಅಧಿಕಾರಿಗ ನೇತೃತ್ವದಲ್ಲಿ ಮಂದಿರದ ಪುಷ್ಪಾಲಂಕಾರ ಮತ್ತು ದೀಪಾಲಂಕಾರಕ್ಕಾಗಿ ಅನೇಕ ತಂಡಗಳನ್ನು ರಚಿಸಲಾಗಿದೆ. ದೇವಾಲಯವನ್ನು ವಿಶೇಷವಾದ ಸುಂದರ ಹೂವುಗಳಿಂದ ಅಲಂಕರಿಸಲಾಗಿದೆ. ಇವೆಲ್ಲವೂ ನೈಸರ್ಗಿಕ ಹೂವುಗಳು. ದೇವಾಲಯದ ಇತರೆ ಭಾಗಗಳಲ್ಲಿ ಬಣ್ಣ ಬಣ್ಣದ ಲೈಟ್‌ ಗಳನ್ನು ಅಳವಡಿಸಲಾಗಿದೆ.

ಪ್ರಧಾನಿ ಮೋದಿ ವೇಳಾಪಟ್ಟಿ

ಪ್ರಧಾನಿ ಮೋದಿ ಸೋಮವಾರ ಅಯೋಧ್ಯೆಗೆ ತಲುಪಲಿದ್ದು, ಸೋಮವಾರ ಮಧ್ಯಾಹ್ನ 12:05 ಕ್ಕೆ ನಡೆಯಲಿರುವ ಪ್ರಾಣ ಪ್ರತಿಷ್ಠಾ ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ. ದೇವಾಲಯದ ಒಳಗೆ ರಾಮ್ ಲಲ್ಲಾ ವಿಗ್ರಹವನ್ನು ಪ್ರತಿಷ್ಠಾಪಿಸಿದ ಪ್ರಧಾನಿ ಸಾರ್ವಜನಿಕ ಸಭೆಯನ್ನುದ್ದೇಶಿಸಿ ಮಾತನಾಡಲಿದ್ದಾರೆ. ಈ ಭಾಷಣ ಮಧ್ಯಾಹ್ನ 1 ಗಂಟೆಗೆ ಪ್ರಾರಂಭವಾಗುವ ನಿರೀಕ್ಷೆಯಿದೆ.

ಪ್ರಾಣ ಪ್ರತಿಷ್ಠಾ ಸಮಾರಂಭ ಮುಗಿದ ನಂತರ ಪ್ರಧಾನಿ ಕುಬೇರ ತಿಲಕಕ್ಕೆ ತೆರಳಲಿದ್ದಾರೆ. ಮಧ್ಯಾಹ್ನ 2:15 ಕ್ಕೆ ಸ್ಥಳಕ್ಕೆ ತಲುಪಲಿದ್ದು, ಭಗವಾನ್ ಶಜರ್ ದೇವಾಲಯದಲ್ಲಿ ಪೂಜೆ ಸಲ್ಲಿಸಲಿದ್ದಾರೆ. ವಿಶೇಷ ಗಣ್ಯರು ಸೇರಿದಂತೆ ಸಾವಿರಾರು ಜನರು ಪ್ರಧಾನಿಗೆ ಸಾಥ್ ನೀಡಲಿದ್ದಾರೆ. ಅತಿಥಿಗಳು ಮುಕೇಶ್ ಅಂಬಾನಿ ಮತ್ತು ಗೌತಮ್ ಅದಾನಿ ಅವರಂತಹ ಉದ್ಯಮಿಗಳಿಂದ ಹಿಡಿದು ಅಮಿತಾಬ್ ಬಚ್ಚನ್ ಮತ್ತು ಅನುಷ್ಕಾ ಶರ್ಮಾ ಅವರಂತಹ ಚಲನಚಿತ್ರ ತಾರೆಯರು ಮತ್ತು ಸಚಿನ್ ತೆಂಡೂಲ್ಕರ್ ಮತ್ತು ವಿರಾಟ್ ಕೊಹ್ಲಿ ಸೇರಿದಂತೆ ಹಲವರಿಗೆ ಆಹ್ವಾನ ನೀಡಲಾಗಿದೆ.

ದೇವಾಲಯದ ವಿಗ್ರಹ ಅನಾವರಣ

ಅಯೋಧ್ಯೆ ದೇವಾಲಯದ ಒಳಗೆ ಸ್ಥಾಪಿಸಲಾಗುವ ರಾಮ್ ಲಲ್ಲಾ ವಿಗ್ರಹವನ್ನು ಶುಕ್ರವಾರ ಬಹಿರಂಗಪಡಿಸಲಾಯಿತು. ಕಪ್ಪು ಬಣ್ಣದ ಈ ವಿಗ್ರಹವನ್ನು ಮೈಸೂರಿನ ಪ್ರಸಿದ್ಧ ಶಿಲ್ಪಿ ಅರುಣ್ ಯೋಗಿರಾಜ್ ತಯಾರಿಸಿದ್ದಾರೆ. ಸುಮಾರು 150 ರಿಂದ 200 ಕೆಜಿ ತೂಕ ಮತ್ತು 4 ಅಡಿ 3 ಇಂಚು ಎತ್ತರವಿರುವ ವಿಗ್ರಹವನ್ನು 3 ಅಂತಸ್ತಿನ ದೇವಾಲಯದ ಮೇಲಿನ ಮಹಡಿಯಲ್ಲಿ ಇರಿಸಲಾಗುವುದು.

ದೇಶಾದ್ಯಂತ ದೇವಾಲಯಗಳು ಏಕಕಾಲದಲ್ಲಿ ಗಂಟೆ ಬಾರಿಸುವ ಮೂಲಕ ಸಮಾರಂಭದಲ್ಲಿ ಭಾಗವಹಿಸಲಿವೆ. ದೇಶಾದ್ಯಂತ ದೇವಾಲಯಗಳಲ್ಲಿ ಪ್ರತಿಷ್ಠಾಪನಾ ಸಮಾರಂಭದ ದಿನದಂದು ಇತರ ಅನೇಕ ಆಚರಣೆಗಳು ಸಹ ನಡೆಯಲಿದೆ.

ಜನವರಿ 22 ರಂದು ರಾಮ ಮಂದಿರದ ಪ್ರತಿಷ್ಠಾಪನೆಗೆ 84 ಸೆಕೆಂಡುಗಳ ಸೂಕ್ಷ್ಮ ಸಮಯವಿರುತ್ತದೆ. ಈ ಮುಹೂರ್ತವು 12.29 ನಿಮಿಷ 8 ಸೆಕೆಂಡುಗಳಿಂದ ಪ್ರಾರಂಭವಾಗುತ್ತದೆ ಮತ್ತು ಇದು 12.30 ನಿಮಿಷ 32 ಸೆಕೆಂಡುಗಳಲ್ಲಿ ಕೊನೆಗೊಳ್ಳುತ್ತದೆ.

22 ಜನವರಿ 2024 ಶುಭ ಮುಹೂರ್ತ

ಅಭಿಜಿತ್ ಮುಹೂರ್ತ ಮಧ್ಯಾಹ್ನ 12:11 ರಿಂದ 12:54

ಸರ್ವಾರ್ಥ ಸಿದ್ಧಿ ಯೋಗ ಜನವರಿ 23 ರಂದು ಬೆಳಿಗ್ಗೆ 07:14 ರಿಂದ 04:58 ರವರೆಗೆ

ಅಮೃತ ಸಿದ್ಧಿ ಯೋಗ ಜನವರಿ 23 ರಂದು ಬೆಳಿಗ್ಗೆ 07:14 ರಿಂದ 04:58 ರವರೆಗೆ

ರವಿ ಯೋಗ ಬೆಳಗ್ಗೆ 04:58, ಜನವರಿ 23 ರಿಂದ 07:13, ಜನವರಿ 23