ರಾಕೇಶ್ ರೋಷನ್’ ಭಾರತ ಹೇಗೆ ಕಾಣುತ್ತಿದೆ ? ಚಂದ್ರಯಾನ-3 ಲ್ಯಾಂಡಿಂಗ್ ಬಳಿಕ ಮಮತಾ ಬ್ಯಾನರ್ಜಿ ವಿಡಿಯೋ ವೈರಲ್!

ಕೋಲ್ಕತ್ತಾ : ಬಾಹ್ಯಾಕಾಶದಿಂದ ಭಾರತ ಹೇಗೆ ಕಾಣುತ್ತದೆ ಎಂದು ಇಂದಿರಾ ಗಾಂಧಿ ‘ರಾಕೇಶ್ ರೋಷನ್’ ಅವರನ್ನು ಕೇಳಿದರು ಎಂದು ಮಮತಾ ಬ್ಯಾನರ್ಜಿ ಹೇಳಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

ಚಂದ್ರಯಾನ-3 ಯಶಸ್ಸಿನ ಬಳಿಕ ಮಾತನಾಡಿದ ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ, ರಾಕೇಶ್ ರೋಷನ್ ಚಂದ್ರನನ್ನು ತಲುಪಿದಾಗ, ಅಲ್ಲಿಂದ ಭಾರತ ಹೇಗೆ ಕಾಣುತ್ತದೆ ಎಂದು ಇಂದಿರಾ ಗಾಂಧಿ ಕೇಳಿದರು ಎಂದು  ಹೇಳಿರುವ ವಿಡಿಯೋ ವೈರಲ್ ಆಗಿದೆ.

ಇಸ್ರೋದ ಚಂದ್ರಯಾನ 3 ಬುಧವಾರ ಚಂದ್ರನ ದಕ್ಷಿಣ ಧ್ರುವದಲ್ಲಿ ಯಶಸ್ವಿಯಾಗಿ ಮೃದುವಾಗಿ ಇಳಿದ ನಂತರ ನಡೆದ ಕಾರ್ಯಕ್ರಮದಲ್ಲಿ ಬ್ಯಾನರ್ಜಿ ಈ ವಿಷಯ ತಿಳಿಸಿದರು. ಮಮತಾ ಬ್ಯಾನರ್ಜಿ ಗಗನಯಾತ್ರಿ ರಾಕೇಶ್ ಶರ್ಮಾ ಅವರ ಹೆಸರಿನ ಬದಲು ಹೃತಿಕ್ ರೋಷನ್ ಅವರ ತಂದೆ ಬಾಲಿವುಡ್ ನಟ ರಾಕೇಶ್ ರೋಷನ್ ಅವರ ಹೆಸರು ಹೇಳಿರುವುದು ವೈರಲ್ ಆಗಿದೆ.

ಅಲ್ಲದೆ, ರಾಕೇಶ್ ಶರ್ಮಾ ಚಂದ್ರನಿಗೆ ಹೋಗಲಿಲ್ಲ. ಇಂದಿರಾ ಗಾಂಧಿ ಅವರೊಂದಿಗಿನ ಅವರ ಸಂಭಾಷಣೆ ಬಾಹ್ಯಾಕಾಶದಿಂದ ನಡೆಯಿತು. “ಸಾರೆ ಜಹಾನ್ ಸೀ ಅಚ್ಚಾ” ಎಂಬ ಇಂದಿರಾ ಗಾಂಧಿಯವರ ಪ್ರಶ್ನೆಗೆ ಉತ್ತರಿಸಿದ ರಾಕೇಶ್ ಶರ್ಮಾ, “ಉಪಾರ್ ಸೆ ಭಾರತ್ ಕೈಸಾ ದಿಖ್ತಾ ಹೈ ಆಪ್ಕೊ (ಬಾಹ್ಯಾಕಾಶದಿಂದ ಭಾರತ ಹೇಗೆ ಕಾಣುತ್ತದೆ?)” ಎಂದು ಹೇಳಿದ್ದರು.‌