ರಾಜ್‌ಕೋಟ್‌ ನ ಅಮೀನ್ ಮಾರ್ಗ್‌ನಲ್ಲಿರುವ ಬಟ್ಟೆ ಶೋರೂಮ್‌ನಲ್ಲಿ ಮಹಿಳೆಯೊಬ್ಬಳ ಮೇಲೆ ಆಕೆಯ ವ್ಯಾಪಾರ ಪಾಲುದಾರ ಚಿರಾಗ್ ಚಂದ್ರನಾ ಅಮಾನುಷವಾಗಿ ಹಲ್ಲೆ ನಡೆಸಿದ್ದಾನೆ. ಈ ಘಟನೆಯು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಆಗಸ್ಟ್ 23 ರಕ್ಷಾ ಬಂಧನದಂದು ನಡೆದಿದೆ.
ವ್ಯಕ್ತಿ ಕೇವಲ ಐದು ಸೆಕೆಂಡುಗಳಲ್ಲಿ ಎಂಟು ಬಾರಿ ಕಪಾಳಮೋಕ್ಷ ಮಾಡುವುದನ್ನು ವಿಡಿಯೋ ತೋರಿಸುತ್ತದೆ.
ಹಣಕಾಸಿನ ತೊಂದರೆಯಿಂದ ಚಿರಾಗ್ ಗೆ ಸಹಾಯ ಮಾಡಲು ಸಹಭಾಗಿತ್ವ ವಹಿಸಿದ್ದ ಮಹಿಳೆ 2 ಲಕ್ಷ ರೂಪಾಯಿ ನೀಡಿದ್ದರು. ಈ ಹಣಕಾಸಿನ ವಿಚಾರಕ್ಕೆ ಸಂಬಂಧಿಸಿದಂತೆ ಹಲ್ಲೆ ನಡೆಸಲಾಗಿದೆ. ಆತ ಬೆದರಿಕೆ ಹಾಕಿದ್ದರೂ, ಹಣಕ್ಕಾಗಿ ನಿರಂತರ ಕಿರುಕುಳವನ್ನು ಎದುರಿಸಿದ ನಂತರ ಧೈರ್ಯದಿಂದ ಮಹಿಳೆ ಸೆಪ್ಟೆಂಬರ್ 5 ರಂದು ಮಾಳವೀಯ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ, ಚಿರಾಗ್‌ನನ್ನು ಶೀಘ್ರದಲ್ಲೇ ಬಂಧಿಸುವ ನಿರೀಕ್ಷೆಯಿದೆ.
Loading ...