ತಮಿಳು ಚಿತ್ರರಂಗದ ಸೂಪರ್‌ ಸ್ಟಾರ್‌ ರಜನಿಕಾಂತ್ ಇತ್ತೀಚೆಗಷ್ಟೇ ತಮ್ಮ 74 ನೇ ಹುಟ್ಟುಹಬ್ಬ (ಡಿಸೆಂಬರ್ 12) ಆಚರಿಸಿಕೊಂಡಿದ್ದಾರೆ. ದಕ್ಷಿಣ ಭಾರತ ಚಿತ್ರರಂಗದಲ್ಲಿ ಪ್ರಖ್ಯಾತರಾಗಿರುವ ರಜನಿಕಾಂತ್ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರಾಗಿದ್ದು, ಅವರು ಹೊಂದಿರುವ ಆಸ್ತಿ ಮತ್ತು ಕಾರುಗಳ ಕುರಿತು ಒಂದಷ್ಟು ವಿವರಗಳು ಇಲ್ಲಿವೆ.
ಭಾರತೀಯ ಚಿತ್ರರಂಗದ ಅತ್ಯಂತ ಪ್ರೀತಿಯ ಮತ್ತು ಪ್ರಭಾವಿ ನಟರಲ್ಲಿ ಒಬ್ಬರಾದ ರಜನಿ ಅವರ ಚಿತ್ರರಂಗದ ವೃತ್ತಿಜೀವನವು ನಾಲ್ಕು ದಶಕಗಳವರೆಗೆ ವ್ಯಾಪಿಸಿದೆ. ಅವರು ತಮಿಳು, ತೆಲುಗು, ಕನ್ನಡ, ಹಿಂದಿ ಮತ್ತು ಇಂಗ್ಲಿಷ್ ಸೇರಿದಂತೆ ಹಲವಾರು ಚಿತ್ರಗಳಲ್ಲಿ ನಟಿಸಿದ್ದಾರೆ.
1950 ರಲ್ಲಿ ಜನಿಸಿದ ಶಿವಾಜಿ ರಾವ್ ಗಾಯಕ್ವಾಡ್, ಬೆಂಗಳೂರಿನ ಮರಾಠಿ ಕುಟುಂಬದಿಂದ ಬಂದವರು. ಚಿತ್ರರಂಗಕ್ಕೆ ಬರುವ ಮುನ್ನ ಬಸ್ ಕಂಡಕ್ಟರ್ ಆಗಿ ಕೆಲಸ ಮಾಡುತ್ತಿದ್ದರು. ಈ ಅವಧಿಯಲ್ಲಿ ಅವರು ಕನ್ನಡ ಪೌರಾಣಿಕ ನಾಟಕಗಳಲ್ಲಿಯೂ ಪಾತ್ರಗಳನ್ನು ನಿರ್ವಹಿಸಿದ್ದು, ಇದು ಅವರ ನಟನೆಯ ಆಸಕ್ತಿಯನ್ನು ಹುಟ್ಟುಹಾಕಿತ್ತು. ತಮಿಳು ಚಲನಚಿತ್ರ ಖ್ಯಾತ ನಿರ್ಮಾಪಕ ಕೆ. ಬಾಲಚಂದರ್ ರಜನಿಯವರ ಪ್ರತಿಭೆ ಗುರುತಿಸಿ, 1975 ರಲ್ಲಿ ಮೊದಲಿಗೆ ʼಅಪೂರ್ವ ರಾಗಂಗಳ್‌ʼ ನಲ್ಲಿ ಅವಕಾಶ ನೀಡಿದ್ದರು.
ಹಲವಾರು ಮಾಧ್ಯಮ ವರದಿಗಳ ಪ್ರಕಾರ, ರಜನಿಕಾಂತ್ ಅವರ ನಿವ್ವಳ ಆಸ್ತಿ ಮೌಲ್ಯ ಸುಮಾರು ₹ 430 ಕೋಟಿ. ಅವರು ಭಾರತದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರ ಪೈಕಿ ಒಬ್ಬರಾಗಿದ್ದು, ಫೋರ್ಬ್ಸ್ ಪಟ್ಟಿಯ ಪ್ರಕಾರ, ರಜನಿಕಾಂತ್ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಾಲ್ಕನೇ ನಟ. ಅವರು ಚಿತ್ರವೊಂದಕ್ಕೆ ₹ 125-270 ಕೋಟಿ ಚಾರ್ಜ್ ಮಾಡುತ್ತಾರೆ ಎಂದು ವರದಿಯಾಗಿದೆ.
ರಜನಿಕಾಂತ್ ಚೆನ್ನೈನ ಪೋಯಸ್ ಗಾರ್ಡನ್‌ನಲ್ಲಿ ಐಷಾರಾಮಿ ಮನೆಯನ್ನು ಹೊಂದಿದ್ದು, 2023 ರಲ್ಲಿ ಇದರ ಅಂದಾಜು ಮಾರುಕಟ್ಟೆ ಬೆಲೆ ₹ 35 ಕೋಟಿ ರೂಪಾಯಿ ಎಂದು ಲೈಫ್‌ಸ್ಟೈಲ್ ಏಷ್ಯಾ ಹೇಳಿತ್ತು.
₹ 6 ಕೋಟಿ ಮೌಲ್ಯದ ರೋಲ್ಸ್ ರಾಯ್ಸ್ ಘೋಸ್ಟ್ ಮತ್ತು ₹ 16.5 ಕೋಟಿ ಮೌಲ್ಯದ ರೋಲ್ಸ್ ರಾಯ್ಸ್ ಫ್ಯಾಂಟಮ್ ಸೇರಿದಂತೆ ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ.
ಅವರ ಐಷಾರಾಮಿ ಕಾರು ಸಂಗ್ರಹವು ₹ 1.77 ಕೋಟಿ ಬೆಲೆಯ BMW X5 ಮತ್ತು ₹ 2.55 ಕೋಟಿ ಮೌಲ್ಯದ Mercedes Benz G-Wagon ಅನ್ನು ಒಳಗೊಂಡಿದೆ. ವರದಿಗಳ ಪ್ರಕಾರ, ಅವರು ₹ 3.10 ಕೋಟಿ ಬೆಲೆಯ ಲಂಬೋರ್ಗಿನಿ ಉರುಸ್ ಮತ್ತು ₹ 6 ಕೋಟಿ ಮೌಲ್ಯದ ಬೆಂಟ್ಲಿ ಲುಮಿನಸ್ ಅನ್ನು ಹೊಂದಿದ್ದಾರೆ. ಇದರ ಜೊತೆಗೆ, ನಟ ಟೊಯೊಟಾ ಇನ್ನೋವಾ, ಹೋಂಡಾ ಸಿವಿಕ್, ಪ್ರೀಮಿಯರ್ ಪದ್ಮಿನಿ ಮತ್ತು ಅಂಬಾಸಿಡರ್ ಹೊಂದಿದ್ದಾರೆ.
ಇದಲ್ಲದೆ, ರಾಘವೇಂದ್ರ ಮಂಟಪ ಎಂಬ ಹೆಸರಿನ ಐಷಾರಾಮಿ ಕಲ್ಯಾಣ ಮಂಟಪವನ್ನು ಸಹ ರಜನಿಕಾಂತ್ ಹೊಂದಿದ್ದಾರೆ, ಇದರ ಮಾರುಕಟ್ಟೆ ಬೆಲೆ ₹ 20 ಕೋಟಿ ಎಂದು ಅಂದಾಜಿಸಲಾಗಿದ್ದು, ಮದುವೆ ಮಂಟಪವು 1,000 ಕ್ಕೂ ಹೆಚ್ಚು ಆಸನ ಸಾಮರ್ಥ್ಯವನ್ನು ಹೊಂದಿದೆ ಎಂದು ವರದಿಗಳು ಹೇಳುತ್ತವೆ.
Loading ...