ಮಳೆಯಿಂದ ಏಕಾಏಕಿ ಹೆಚ್ಚಾದ ಹಳ್ಳದ ನೀರು: ಒಂದೇ ಕುಟುಂಬದ ಮೂವರು ನೀರು ಪಾಲು

ಬೀದರ್: ಬೀದರ್ ಜಿಲ್ಲೆ ಕಮಲನಗರ ತಾಲೂಕಿನ ಹೆಡಗಾಪುರ ಸಣ್ಣ ಹಳ್ಳದ ಸೇತುವೆ ನೀರಿನಲ್ಲಿ ಒಂದೇ ಕುಟುಂಬದ ಮೂವರು ಕೊಚ್ಚಿ ಹೋದ ಘಟನೆ ಭಾನುವಾರ ನಡೆದಿದೆ.

ಹೊಲದಲ್ಲಿ ಕೆಲಸ ಮುಗಿಸಿ ಮನೆಗೆ ಹಿಂತಿರುಗುವ ವೇಳೆ ಸೇತುವೆ ದಾಟುವಾಗ ಏಕಾಏಕಿ ಮಳೆಯಿಂದ ನೀರು ಹೆಚ್ಚಾಗಿ ದುರ್ಘಟನೆ ಸಂಭವಿಸಿದೆ ಎಂದು ಹೇಳಲಾಗಿದೆ.

ಸುನಂದಾ(48), ಐಶ್ವರ್ಯಾ(16), ಸುಮಿತ್(10) ನಾಪತ್ತೆಯಾದವರು. ಎತ್ತುಗಳ ಸಹಾಯದಿಂದ ಸೇತುವೆ ದಾಟಿಕೊಂಡು ಸಂಗಪ್ಪ ಪಾರಾಗಿದ್ದಾರೆ. ನೀರಿನಲ್ಲಿ ಕೊಚ್ಚಿ ಹೋದವರಿಗಾಗಿ ಅಗ್ನಿಶಾಮಕ ದಳ ಸಿಬ್ಬಂದಿ, ಸ್ಥಳೀಯರು, ಪೊಲೀಸರು ಹುಡುಕಾಟ ನಡೆಸಿದ್ದಾರೆ. ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.