ಸೋರಿಕೆಯಾಯ್ತು ರಷ್ಯಾ ಅಧ್ಯಕ್ಷ ಪುಟಿನ್ ಕುರಿತ ಆಡಿಯೋ ಟೇಪ್: ಉಕ್ರೇನ್ ಮೇಲೆ ಯುದ್ಧ ಕೈಗೊಂಡ ಬಳಿಕ ಆರೋಗ್ಯ ಕ್ಷೀಣ

ಮಾಸ್ಕೋ/ಕೀವ್: ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಆರೋಗ್ಯ ಕ್ಷೀಣಿಸುತ್ತಿದೆ. ರಕ್ತ ಕ್ಯಾನ್ಸರ್ ನಿಂದ ಅವರು ಬಳಲುತ್ತಿದ್ದಾರೆ. ರಕ್ತಕ್ಯಾನ್ಸರ್ ಮಾತ್ರವಲ್ಲದೆ, ಇನ್ನಿತರ ಗಂಭೀರ ಕಾಯಿಲೆಗಳಿಂದ ಬಳಲುತ್ತಿರುವ ಪುಟಿನ್ ಅವರಿಗೆ ಅಧಿಕಾರ ಕಳೆದುಕೊಳ್ಳುವ ಸಮಯ ಬಂದಿದೆ.

ಉಕ್ರೇನ್ ಸೇನೆಯ ಬೇಹುಗಾರಿಕೆ ವಿಭಾಗದ ಮುಖ್ಯಸ್ಥ ಕಿರಿಲ್ ಬುಡಾನೋವ್ ಈ ಬಗ್ಗೆ ಮಾತನಾಡಿ, ಪುಟಿನ್ ಅವಸಾನಕ್ಕೆ ಯುದ್ಧವೇ ಕಾರಣವಾಗುತ್ತದೆ. ರಷ್ಯಾದಲ್ಲಿ ಜನರ ದಂಗೆ ತಡೆಯಲು ಯಾರಿಂದಲೂ ಆಗುವುದಿಲ್ಲ ಎಂದು ಅವರು ಹೇಳಿದ್ದಾರೆ.

ಉಕ್ರೇನ್‌ ನೊಂದಿಗಿನ ಯುದ್ಧದ ಮಧ್ಯೆ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ ಆರೋಗ್ಯದ ವದಂತಿಗಳು ಮತ್ತೊಮ್ಮೆ ಚರ್ಚೆಗೆ ಬಂದಿದೆ. ಹೆಸರಿಸದ ಒಲಿಗಢದ ಆಡಿಯೊ ಟೇಪ್ ಸೋರಿಕೆಯಾಗಿದ್ದು, ಪುಟಿನ್ ಗಂಭೀರವಾಗಿ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ ಎಂದು ಹೇಳಲಾಗಿದೆ. ಯುಎಸ್ ಮ್ಯಾಗಜೀನ್ ನ್ಯೂ ಲೈನ್ಸ್‌ ನಿಂದ ಪಡೆದ ರೆಕಾರ್ಡಿಂಗ್ ವರದಿಯ ಪ್ರಕಾರ ‘ಯೂರಿ’ ಎಂಬ ಕೋಡ್-ಹೆಸರಿನ ಒಲಿಗಢ್, ಪುಟಿನ್ ರಕ್ತದ ಕ್ಯಾನ್ಸರ್‌ನಿಂದ ತುಂಬಾ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ” ಎಂದು ಹೇಳಿದೆ.

ಪುಟಿನ್ ಗಂಭೀರವಾಗಿ ಅಸ್ವಸ್ಥರಾಗಿರುವುದರಿಂದ ಉಕ್ರೇನ್ ಮೇಲೆ ಆಕ್ರಮಣ ಮಾಡುವ ನಿರ್ಧಾರವನ್ನು ತಳ್ಳಿಹಾಕಿದೆ ಎಂದು ಇನ್ನೊಬ್ಬ ಮಾಜಿ ಬ್ರಿಟಿಷ್ ಗೂಢಚಾರರು ಹೇಳಿದ್ದಾರೆ.

ಮೇ 9 ರಂದು ಮಾಸ್ಕೋದಲ್ಲಿ ವಿಕ್ಟರಿ ಡೇ ಸ್ಮರಣಾರ್ಥ ಸಂದರ್ಭದಲ್ಲಿ 69 ವರ್ಷದ ರಷ್ಯಾದ ಅಧ್ಯಕ್ಷರು ಕುಂಟುತ್ತಾ ನಡೆಯುತ್ತಿದ್ದರು ಮತ್ತು ಅವರು ಅಸ್ವಸ್ಥರಾಗಿರುವಂತೆ ಕಂಡು ಬಂದರು ಎಂದು ವರದಿಯಾದ ನಂತರ ಪುಟಿನ್ ಅವರ ಆರೋಗ್ಯದ ಬಗ್ಗೆ ವದಂತಿಗಳು ಹೆಚ್ಚಾಗಿವೆ.