ಆಕ್ಸಿಮೀಟರ್‌ ರೀಡಿಂಗ್‌ ಕುರಿತು ಕುತೂಹಲಕಾರಿ ಮಾಹಿತಿ ಬಹಿರಂಗ

ಕಳೆದ 24 ಗಂಟೆಗಳಲ್ಲಿ ದೇಶದಲ್ಲಿ 40,134 ಹೊಸ ಕೊರೊನಾ ಪ್ರಕರಣಗಳು ವರದಿಯಾಗಿದೆ. ಕೊರೊನಾ ಸೋಂಕು ಆರಂಭವಾದಾಗಿನಿಂದ ಆಕ್ಸಿಮೀಟರ್​ಗಳಿಗೆ ಬೇಡಿಕೆ ಹೆಚ್ಚಾಗಿದೆ ದೇಹದಲ್ಲಿ ಆಮ್ಲಜನಕದ ಮಟ್ಟವನ್ನು ಪರಿಶೀಲನೆ ಮಾಡಲಿಕ್ಕಿಸ್ಕೋರ ಇದನ್ನು ವ್ಯಾಪಕವಾಗಿ ಖರೀದಿ ಮಾಡಲಾಗ್ತಿದೆ.

ಆದರೆ ಬ್ರಿಟನ್​​​ನ ರಾಷ್ಟ್ರೀಯ ಆರೋಗ್ಯ ಸೇವೆ ನಡೆಸಿದ ಅಧ್ಯಯನದಲ್ಲಿ ಆಕ್ಸಿಮೀಟರ್​ಗಳ ಕುರಿತಾದ ಶಾಕಿಂಗ್​ ಮಾಹಿತಿಯೊಂದು ಬಯಲಿದೆ ಬಂದಿದೆ.

ಈ ಅಧ್ಯಯನದಲ್ಲಿ ಆಕ್ಸಿಮೀಟರ್​ಗಳು ಗಾಢ ಬಣ್ಣದ ವ್ಯಕ್ತಿಗಳಲ್ಲಿ ಸರಿಯಾದ ಆಮ್ಲಜನಕ ಮಟ್ಟವನ್ನು ತೋರಿಸೋದಿಲ್ಲ ಎಂದು ತಿಳಿದುಬಂದಿದೆ. ತಪ್ಪಾದ ಆಮ್ಲಜನಕ ಮಟ್ಟವನ್ನು ತೋರಿಸುವ ಕಾರಣದಿಂದಾಗಿ ಚಿಕಿತ್ಸೆ ನೀಡೋದ್ರಲ್ಲಿಯೂ ದೋಷ ಕಂಡುಬರ್ತಿದೆ. ಇದರಿಂದ ವ್ಯಕ್ತಿ ಸಾವಿಗೀಡಾಗುವ ಸಾಧ್ಯತೆ ಕೂಡ ಹೆಚ್ಚಾಗಿದೆ ಎಂದು ಈ ಅಧ್ಯಯನ ಹೇಳಿದೆ.

ನ್ಯೂ ಇಂಗ್ಲೆಂಡ್​ ಜರ್ನಲ್​ ಆಫ್​ ಮೆಡಿಸಿನ್​ನಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ ಮಿಷಿಗನ್​ ವಿಶ್ವವಿದ್ಯಾಲಯವು ಗಾಢ ಬಣ್ಣದ ವ್ಯಕ್ತಿಗಳಲ್ಲಿ ಆಕ್ಸಿಮೀಟರ್​ ತಪ್ಪು ಆಮ್ಲಜನಕ ಪ್ರಮಾಣವನ್ನು ಸೂಚಿಸುತ್ತದೆ ಎಂದು ಪ್ರತಿಪಾದಿಸಿದೆ.

ನೀವು ಕಂದು ಇಲ್ಲವೇ ಕಪ್ಪು ಬಣ್ಣದ ವ್ಯಕ್ತಿಯಾಗಿದ್ದರೆ ಆಕ್ಸಿಮೀಟರ್​ನಲ್ಲಿ ನಿಮ್ಮ ಆಮ್ಲಜನಕ ಮಟ್ಟವು ನಿಖರವಾಗಿ ತೋರಿಸೋದಿಲ್ಲ. ನಿಮ್ಮ ರಕ್ತದಲ್ಲಿರುವ ಆಕ್ಸಿಜನ್​ ಪ್ರಮಾಣಕ್ಕಿಂತಲೂ ಹೆಚ್ಚಿನ ಪ್ರಮಾಣದ ಸೂಚ್ಯಂಕವು ಆಕ್ಸಿಮೀಟರ್​ನಲ್ಲಿ ಗೋಚರವಾಗ್ತಿದೆ ಎಂದು ರಾಷ್ಟ್ರೀಯ ಆರೋಗ್ಯ ಸೇವೆ ಹೇಳಿದೆ.