ಹಿಂದೆ ಕೋವಿಡ್ ಸೋಂಕಿಗೆ ಒಳಗಾದವರಿಗೆ ಆನೆ ಬಲ: ಕೋವಾಕ್ಸಿನ್ ಸಿಂಗಲ್ ಡೋಸ್ ನಿಂದ 2 ಡೋಸ್ ಗೆ ಸಮನಾದ ಪ್ರತಿಕಾಯ

ನವದೆಹಲಿ: ಐಸಿಎಂಆರ್ ಅಧ್ಯಯನದ ಪ್ರಕಾರ, ಈ ಹಿಂದೆ ಕೊರೋನಾ ಸೋಂಕು ತಗುಲಿದವರಿಗೆ ಕೋವ್ಯಾಕ್ಸಿನ್ ಸಿಂಗಲ್ ಡೋಸ್ ಸಾಕು ಎಂದು ಹೇಳಲಾಗಿದೆ.

ರೋಗದ ಹಿಂದಿನ ಇತಿಹಾಸವಿಲ್ಲದವರಲ್ಲಿ ಎರಡು ಡೋಸ್ ಲಸಿಕೆಯೊಂದಿಗೆ ಪಡೆದಂತಹ ಪ್ರತಿಕಾಯ ಪ್ರತಿಕ್ರಿಯೆಯನ್ನು ಈ ಹಿಂದೆ ಕೋವಿಡ್ -19 ಸೋಂಕಿತ ವ್ಯಕ್ತಿಗಳಲ್ಲಿ ಭಾರತ್ ಬಯೋಟೆಕ್‌ ನ ಕೋವಾಕ್ಸಿನ್‌ ಸಿಂಗಲ್ ಡೋಸ್ ಉಂಟುಮಾಡುತ್ತದೆ ಎಂದು ಗೊತ್ತಾಗಿದೆ. ಈ ಅಧ್ಯಯನವನ್ನು ಶನಿವಾರ ಇಂಡಿಯನ್ ಜರ್ನಲ್ ಆಫ್ ಮೆಡಿಕಲ್ ರಿಸರ್ಚ್‌ನಲ್ಲಿ ಪ್ರಕಟಿಸಲಾಗಿದೆ.

ದೊಡ್ಡ ಜನಸಂಖ್ಯೆಯ ಅಧ್ಯಯನಗಳಲ್ಲಿ ನಮ್ಮ ಪ್ರಾಥಮಿಕ ಸಂಶೋಧನೆಗಳು ದೃಢಪಟ್ಟರೆ, ಸೀಮಿತ ಲಸಿಕೆ ಪೂರೈಕೆಯಿಂದ ಹೆಚ್ಚಿನ ಲಾಭವನ್ನು ಪಡೆಯಲು ಈ ಹಿಂದೆ ದೃಢಪಡಿಸಿದ SARS-CoV-2 ಸೋಂಕಿತ ವ್ಯಕ್ತಿಗಳಿಗೆ BBV152 ಲಸಿಕೆಯ ಒಂದು ಡೋಸ್ ಅನ್ನು ಶಿಫಾರಸು ಮಾಡಬಹುದು ಎಂದು ಹೇಳಲಾಗಿದೆ.

ಅಧ್ಯಯನದ ಬಗ್ಗೆ

ಅಧ್ಯಯನವು SARS-CoV-2 ನಿರ್ದಿಷ್ಟ ದಿನದ ಪ್ರತಿಕಾಯಗಳನ್ನು ಶೂನ್ಯ ದಿನದ ನಂತರ (ಬೇಸ್‌ಲೈನ್, ವ್ಯಾಕ್ಸಿನೇಷನ್ ಮೊದಲು), ದಿನ 28 ಪ್ಲಸ್/ಮೈನಸ್ ಎರಡು ದಿನಗಳ ನಂತರದ ಮೊದಲ ಡೋಸ್(ತಿಂಗಳು 1), ಮತ್ತು ದಿನ 56 ಪ್ಲಸ್/ಮೈನಸ್ ಎರಡು ದಿನಗಳ ನಂತರ ಪರೀಕ್ಷಿಸಲು ಕೈಗೊಳ್ಳಲಾಯಿತು.

ಅಧ್ಯಯನದ ಒಂದು ಭಾಗವಾಗಿ, 114 ಆರೋಗ್ಯ ವೃತ್ತಿಪರರು ಮತ್ತು ಮುಂಚೂಣಿಯ ಕೆಲಸಗಾರರಿಂದ ರಕ್ತದ ಮಾದರಿಗಳನ್ನು ಸಂಗ್ರಹಿಸಲಾಗಿದ್ದು, ಅವರು ಚೆನ್ನೈನ ವ್ಯಾಕ್ಸಿನೇಷನ್ ಕೇಂದ್ರಗಳಲ್ಲಿ 2021 ರ ಫೆಬ್ರವರಿಯಿಂದ ಮೇ ವರೆಗೆ ಕೋವಾಕ್ಸಿನ್ ಪಡೆದವರಾಗಿದ್ದರು.

ಒಟ್ಟಾರೆಯಾಗಿ, ಉತ್ತಮ ಲಸಿಕೆ-ಪ್ರೇರಿತ ಪ್ರತಿಕಾಯ ಪ್ರತಿಕ್ರಿಯೆಗಳನ್ನು ಹಿಂದಿನ SARS-CoV-2- ಸೋಂಕಿತ ವ್ಯಕ್ತಿಗಳಲ್ಲಿ ಕಾಣಬಹುದು, ಇಬ್ಬರನ್ನು ಹೊರತುಪಡಿಸಿ, BBV152 ಲಸಿಕೆ ಒಂದೇ ಡೋಸ್ ಪಡೆದಿದ್ದು, ಎರಡು-ಡೋಸ್ ವ್ಯಾಕ್ಸಿನೇಷನ್ ಕೋರ್ಸ್ ನಂತರ ನೀಡಿದ ಪ್ರತಿಕಾಯ ಪ್ರತಿಕ್ರಿಯೆಗಳನ್ನು ಹೋಲುತ್ತದೆ ಎಂದು ಅಧ್ಯಯನ ಹೇಳಿದೆ.

ವೈವಿಧ್ಯಮಯ ಆರೋಗ್ಯ ವೃತ್ತಿಪರರು ಮತ್ತು ಮುಂಚೂಣಿಯ ಕೆಲಸಗಾರರಲ್ಲಿನ ನಮ್ಮ ಫಲಿತಾಂಶಗಳು ಹಿಂದಿನ ಅಧ್ಯಯನಗಳಿಗೆ ಬೆಂಬಲವನ್ನು ನೀಡುತ್ತವೆ(ಮುಖ್ಯವಾಗಿ mRNA ಲಸಿಕೆಗಳ ಮೇಲೆ ಕೇಂದ್ರೀಕೃತವಾಗಿದ್ದರೂ) SARS-CoV-2 ಪ್ರತಿಕಾಯಗಳ ಹೆಚ್ಚಿದ ಮಟ್ಟಗಳು ಹಿಂದೆ ಸೋಂಕಿಗೆ ಒಳಗಾದ ಒಂದೇ ಡೋಸ್ ನಂತರವೂ ಇರುತ್ತದೆ. ಮುಂಚೆ ಸೋಂಕು ಇಲ್ಲದವರಲ್ಲಿ ಎರಡು ಡೋಸ್‌ಗಳ ನಂತರ ಕಂಡುಬರುವ ಮಟ್ಟಕ್ಕೆ ಸಮಾನವಾಗಿ ಹೋಲಿಸಬಹುದು ಎಂದು ಹೇಳಲಾಗಿದೆ.

ಭಾರತದ ಮೊದಲ ಸ್ಥಳೀಯ ಕೋವಿಡ್ -19 ಲಸಿಕೆ ಕೊವಾಕ್ಸಿನ್ ನ್ನು ಜನವರಿಯಲ್ಲಿ ಸರ್ಕಾರವು ತುರ್ತು ಬಳಕೆಗಾಗಿ ಅನುಮೋದಿಸಿತು. ನಾಲ್ಕರಿಂದ ಆರು ವಾರಗಳ ಅಂತರದೊಂದಿಗೆ ಎರಡು ಡೋಸ್ ನೀಡಲಾಗುತ್ತದೆ.