ಆಟೋರಿಕ್ಷಾ ಹತ್ತಿ ಹೊರಟ ‘ಬಿಗ್ ಬಾಸ್’ ಸ್ಪರ್ಧಿ..!

ಬಿಗ್ ಬಾಸ್ ಹಿಂದಿ ವರ್ಷನ್ ನ 15 ನೇ ಸೀಸನ್ ಕೊನೆಗೊಂಡಿರಬಹುದು ಆದರೆ ಕಾರ್ಯಕ್ರಮದ ಸ್ಪರ್ಧಿಗಳು ಇನ್ನೂ ಸಾಮಾಜಿಕ ಮಾಧ್ಯಮದಲ್ಲಿ ಸದ್ದು ಮಾಡುತ್ತಿದ್ದಾರೆ.

ಇತ್ತೀಚೆಗೆ, ಶಮಿತಾ ಶೆಟ್ಟಿ ಅವರ ಹುಟ್ಟುಹಬ್ಬದ ಪಾರ್ಟಿಯಲ್ಲಿ, ಪ್ರತೀಕ್ ಸೆಹಜ್‌ಪಾಲ್, ನಿಶಾಂತ್ ಭಟ್, ಉಮರ್ ರಿಯಾಜ್, ರಾಖಿ ಸಾವಂತ್, ರಾಜೀವ್ ಅದಾತಿಯಾ, ನೇಹಾ ಭಾಸಿನ್ ಮತ್ತು ರಶ್ಮಿ ದೇಸಾಯಿ ಅವರ ಪುನರ್ಮಿಲನವು ಸುದ್ದಿ ಮಾಡಿದೆ.

ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಬಿಗ್ ಬಾಸ್ ಸೀಸನ್‌ನಿಂದ ಹೆಚ್ಚು ಚರ್ಚಿತವಾದ ಹೆಸರುಗಳಲ್ಲಿ ಪ್ರತೀಕ್ ಸೆಹಜ್‌ಪಾಲ್ ಕೂಡ ಒಬ್ಬರು. ಪ್ರತೀಕ್ ಬಿಗ್ ಬಾಸ್ 15ರ ಟ್ರೋಫಿ ಎತ್ತಿ ಹಿಡಿಯದಿದ್ದರೂ ತಮ್ಮ ಚಾರ್ಮ್ ಹಾಗೂ ಟಫ್ ಮ್ಯಾನ್ ವ್ಯಕ್ತಿತ್ವದಿಂದ ಪ್ರೇಕ್ಷಕರ ಮನಗೆದ್ದಿದ್ದಾರೆ. ಅಲ್ಪಾವಧಿಯಲ್ಲಿಯೇ ದೊಡ್ಡ ಹೆಸರು ಗಳಿಸಿದ್ದಾರೆ. ಇದೀಗ ಪ್ರತೀಕ್ ಅವರ ವಿಡಿಯೋವೊಂದು ಹೊರಬಿದ್ದಿದ್ದು, ಅವರ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ. ಪ್ರತೀಕ್ ಆಟೋದಲ್ಲಿ ಪ್ರಯಾಣಿಸುತ್ತಿರುವ ವಿಡಿಯೋ ವೈರಲ್ ಆಗಿದೆ.

BIG NEWS: ಬಸಿದ ನೀರಲ್ಲೇ ಕುಮಾರಸ್ವಾಮಿ, ಗೌಡರ ಕೊಡ ತುಂಬ್ತಿದೆ; 2023 ರ ಚುನಾವಣೆಯಲ್ಲಿ JDS ಮೊದಲ ಸ್ಥಾನಕ್ಕೆ; ಸಿ.ಎಂ. ಇಬ್ರಾಹಿಂ ಭವಿಷ್ಯ

ವೈರಲ್ ವಿಡಿಯೊವನ್ನು ಸಾಮಾಜಿಕ ಮಾಧ್ಯಮ ಹ್ಯಾಂಡಲ್ ವೈರಲ್ ಭಯಾನಿ ಅವರು ಹಂಚಿಕೊಂಡಿದ್ದಾರೆ, “ಬಿಗ್ ಬಾಸ್ ಮನೆಯಲ್ಲಿ ನೋಡಿದ ರಫ್ ಅಂಡ್ ಟಫ್ ಪ್ರತೀಕ್, ನಿಜ ಜೀವನದಲ್ಲಿ ಭಿನ್ನ ವ್ಯಕ್ತಿ. ವಿನಮ್ರತೆ ಇರುವ ಅವರು ಅಷ್ಟೇ ಸಿಹಿಯಾದ ವ್ಯಕ್ತಿತ್ವ ಹೊಂದಿದ್ದಾರೆ. ಬಹುಶಃ ಯಾರೋ ದಾರಿಹೋಕರು ಈ ವಿಡಿಯೋ ಚಿತ್ರೀಕರಿಸಿದ್ದಾರೆ‌. ಓಡುತ್ತಿರುವ ಆಟೋದಲ್ಲಿದ್ದ ಪ್ರತೀಕ್ ಅವರೊಂದಿಗೆ ಸಂಭಾಷಣೆ ನಡೆಸಿದ್ದಾರೆ.‌

ವಿಡಿಯೋ ಚಿತ್ರೀಕರಿಸಿದವರು ಪ್ರತೀಕ್ ಅವರನ್ನು ಬಿಗ್ ಬಾಸ್ ಮನೆಯಿಂದ ನೇರವಾಗಿ ಆಟೋದಲ್ಲಿ ಪ್ರಯಾಣಿಸುತ್ತಿರುವುದು ಹೇಗೆ ಅನಿಸುತ್ತದೆ ಎಂದು ಕೇಳಿದರು. ಅದಕ್ಕೆ ಪ್ರತೀಕ್, ಆ ಮನೆಯಲ್ಲಿ ಕಾಣೆಯಾಗಿದ್ದು ಇದೆ ಸರಳತೆ ಎಂದರು. ವಿಡಿಯೊ 10 ಗಂಟೆಗಳಲ್ಲಿ 67,900 ಲೈಕ್‌ಗಳ ಜೊತೆಗೆ, ಹಲವಾರು ಕಾಮೆಂಟ್‌ಗಳನ್ನು ಗಳಿಸಿದೆ. ಕಾರ್ ಬಿಟ್ಟು, ಆಟೋದಲ್ಲಿ ಪ್ರಯಾಣಿಸಿರುವ ಪ್ರತೀಕ್ ಅವ್ರಿಗೆ ಪ್ರಶಂಸೆ ವ್ಯಕ್ತವಾಗಿದೆ. ಪ್ರತೀಕ್ ಅವರ ವೃತ್ತಿಜೀವನದ ಪ್ರಯಾಣವು ಎಂಟಿವಿ ಲವ್ ಸ್ಕೂಲ್‌ನೊಂದಿಗೆ ಪ್ರಾರಂಭವಾಯಿತು. ಬಿಗ್ ಬಾಸ್ 15 ಮನೆಗೆ ಪ್ರವೇಶಿಸುವ ಮೊದಲು, ಅವರು ಟಿವಿ ಶೋ ಬೆಬಾಕೀಯಲ್ಲೂ ಕಾಣಿಸಿಕೊಂಡಿದ್ದಾರೆ.

https://www.youtube.com/watch?v=6pnsxIGtTqQ&feature=youtu.be