ಕೆಲಸದ ನಿರೀಕ್ಷೆಯಲ್ಲಿದ್ದವರಿಗೆ ಶುಭ ಸುದ್ದಿ: ಅಂಚೆ ಇಲಾಖೆಯಲ್ಲಿ ನೇಮಕಾತಿಗೆ ಅರ್ಜಿ

ನವದೆಹಲಿ: ಮೇಲ್ ಮೋಟಾರ್ ಸೇವಾ ಇಲಾಖೆಯಡಿಯಲ್ಲಿ ಸ್ಟಾಫ್ ಕಾರ್ ಡ್ರೈವರ್ ಹುದ್ದೆಗಳ ನೇಮಕಾತಿಗಾಗಿ ಅರ್ಹ ಅಭ್ಯರ್ಥಿಗಳಿಂದ ಭಾರತೀಯ ಅಂಚೆ ಅರ್ಜಿಗಳನ್ನು ಆಹ್ವಾನಿಸಿದೆ.

ಈ ನೇಮಕಾತಿ ಡ್ರೈವ್ ಮೂಲಕ 17 ಹುದ್ದೆಗಳನ್ನು ಭರ್ತಿ ಮಾಡಲಾಗುವುದು. ಆಸಕ್ತ ಅಭ್ಯರ್ಥಿಗಳು ಅಧಿಕೃತ ವೆಬ್‌ಸೈಟ್ indiapost.gov.in ಮೂಲಕ ಅರ್ಜಿ ಸಲ್ಲಿಸಬಹುದು. ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಮಾರ್ಚ್ 10, 2022.

ಹುದ್ದೆ ವಿವರ

ಹುದ್ದೆ: ಸ್ಟಾಫ್ ಕಾರ್ ಡ್ರೈವರ್(ಆರ್ಡಿನರಿ ಗ್ರೇಡ್)

ಹುದ್ದೆಯ ಸಂಖ್ಯೆ: 17

ವೇತನ ಶ್ರೇಣಿ: ಹಂತ-2

ವಿಭಾಗವಾರು ಹುದ್ದೆ ವಿವರ

ಅಂಚೆ ಮೋಟಾರ್ ಸೇವೆ ಕೊಯಮತ್ತೂರು: 11

ಈರೋಡ್ ವಿಭಾಗ 02

ನೀಲಗಿರಿ ವಿಭಾಗ: 01

ಸೇಲಂ ಪಶ್ಚಿಮ ವಿಭಾಗ: 02

ತಿರುಪುರ್ ವಿಭಾಗ: 01

ಆಸಕ್ತ ಅಭ್ಯರ್ಥಿಯು ಮಾನ್ಯತೆ ಪಡೆದ ಬೋರ್ಡ್‌ನಿಂದ ಮೆಟ್ರಿಕ್ಯುಲೇಷನ್ ಹೊಂದಿರಬೇಕು ಮತ್ತು ಲೈಟ್ ಮತ್ತು ಹೆವಿ ಮೋಟಾರು ವಾಹನಗಳಿಗೆ ಮಾನ್ಯವಾದ ಚಾಲನಾ ಪರವಾನಗಿಯನ್ನು ಹೊಂದಿರಬೇಕು ಮತ್ತು ಕನಿಷ್ಠ ಮೂರು ವರ್ಷಗಳ ಚಾಲನಾ ಅನುಭವವನ್ನು ಹೊಂದಿರಬೇಕು.

ಆಸಕ್ತ ಅಭ್ಯರ್ಥಿಗಳು ನಿಗದಿತ ಅರ್ಜಿ ನಮೂನೆಯಲ್ಲಿ ವಯಸ್ಸು, ಜಾತಿ, ವಿದ್ಯಾರ್ಹತೆ, ಅನುಭವ, ಮಾನ್ಯ ಡ್ರೈವಿಂಗ್ ಲೈಸೆನ್ಸ್ ಇತ್ಯಾದಿಗಳ ಪುರಾವೆಗಳ ಪ್ರಮಾಣಪತ್ರಗಳ ಸ್ವಯಂ-ದೃಢೀಕರಿಸಿದ ನಕಲು ಪ್ರತಿಗಳೊಂದಿಗೆ ಮ್ಯಾನೇಜರ್, ಮೇಲ್ ಮೋಟಾರ್ ಸೇವೆ, ಗೂಡ್ಸ್ ಶೆಡ್ ರಸ್ತೆ, ಕೊಯಮತ್ತೂರು, 641001 ಗೆ ಕಳುಹಿಸಬಹುದು.