ʼಮಾನವೀಯತೆʼಗೆ ಸಿಕ್ತು ಮತ್ತೊಂದು ಉದಾಹರಣೆ

ಪೊಲೀಸರು ಎಂದರೆ ಗುಮ್ಮನನ್ನು ಕಂಡಂತೆ ಆಗುವ ವಾಸ್ತವಿಕ ಜಗತ್ತಿನಲ್ಲಿ, ಅಲ್ಲಲ್ಲಿ ಮಾನವೀಯತೆ ಮೆರೆಯುವ ಪೊಲೀಸ್ ಸಿಬ್ಬಂದಿಯ ವಿಡಿಯೋಗಳು ವೈರಲ್ ಆಗುತ್ತಿರುತ್ತವೆ.

ವೃದ್ಧೆಯೊಬ್ಬರಿಗೆ ಉಪಹಾರ ಸೇವಿಸಲು ನೆರವಾಗುತ್ತಿರುವ ಪೊಲೀಸ್ ಅಧಿಕಾರಿಯೊಬ್ಬರ ಚಿತ್ರವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಪ್ಯಾರಾಲಿಂಪಿಯನ್ ರಿಂಕು ಹೂಡಾ ಈ ಚಿತ್ರವನ್ನು ಶೇರ್‌ ಮಾಡಿಕೊಂಡಿದ್ದಾರೆ.

ಮರದ ಕೆಳಗೆ ಕುಳಿತ ವೃದ್ಧ ಮಹಿಳೆಗೆ ಪೊಲೀಸಪ್ಪ ಪೂರಿ-ಸಬ್ಜೀ ತಿನ್ನಿಸುತ್ತಿದ್ದಾರೆ.

“ಪೊಲೀಸರಿಗೆ ಇಂಥ ಒಂದು ಮುಖವೂ ಇದೆ. #ಸಲ್ಯೂಟ್,” ಎಂದು ಹೂಡಾ ಈ ಚಿತ್ರಕ್ಕೆ ಕ್ಯಾಪ್ಷನ್ ಕೊಟ್ಟು ಶೇರ್‌ ಮಾಡಿಕೊಂಡಿದ್ದಾರೆ.

ಪೊಲೀಸ್ ಅಧಿಕಾರಿಯ ಈ ಔದಾರ್ಯಕ್ಕೆ ನೆಟ್ಟಿಗರು ಮನದುಂಬಿ ಶ್ಲಾಘನೆಗಳ ಸುರಿಮಳೆಯನ್ನೇ ಹರಿಸಿದ್ದಾರೆ.