ಒಂದು ಟೊಯೊಟಾ ಫಾರ್ಚೂನರ್‌ ಮಾರಾಟವಾದರೆ ಸರ್ಕಾರಕ್ಕೆ 18 ಲಕ್ಷ ರೂ., ಕಂಪನಿಗೆ 40,000 ರೂ. ಮಾತ್ರ….!

ಸರ್ಕಾರ ಹಾಕುವ ತೆರಿಗೆ ಬಗ್ಗೆ ಇತ್ತೀಚೆಗೆ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ತೆರಿಗೆ ಪ್ರಮಾಣದ ಬಗ್ಗೆ ಆಕ್ಷೇಪಗಳಿವೆ. ಈ ನಡುವೆ ಗ್ರಾಹಕರು ಒಂದು ಟೊಯೊಟಾ ಫಾರ್ಚೂನರ್‌ ಖರೀದಿ ಮಾಡಿದರೆ ಸರ್ಕಾರದ ಬೊಕ್ಕಸಕ್ಕೆ ಆಗುವ ಆದಾಯವೆಷ್ಟು ಎಂಬ ಮಾಹಿತಿ ಅಚ್ಚರಿ ಹುಟ್ಟಿಸುವಂತಿದೆ.

ಪ್ರೀಮಿಯಂ ವಾಹನಕ್ಕೆ ಖರೀದಿದಾರರು 20 ಲಕ್ಷ ರೂಪಾಯಿಗಿಂತ ಕಡಿಮೆಯಿಲ್ಲದಂತೆ ಪಾವತಿಸುವುದರಿಂದ ಎಸ್‌ಯುವಿ ಖರೀದಿ ಭಾರೀ ವ್ಯವಹಾರವಾಗಿದೆ. ಉದಾಹರಣೆಗೆ, ಟೊಯೊಟಾ ಫಾರ್ಚುನರ್ ಹೆಚ್ಚು ಜನಪ್ರಿಯ ಉತ್ಪನ್ನವಾಗಿದ್ದು, ಮಾರುಕಟ್ಟೆಯಲ್ಲಿ 31 ಲಕ್ಷ ರೂಪಾಯಿಂದ 48 ಲಕ್ಷ ರೂಪಾಯಿವರೆಗಿನ (ಎಕ್ಸ್ ಶೋ ರೂಂ, ದೆಹಲಿ) ದರದಲ್ಲಿ ಲಭ್ಯವಿದೆ.

ಇತ್ತೀಚೆಗೆ ಪ್ರಕಟವಾಗಿರುವ ವಿವರಣಾತ್ಮಕ ವಿಡಿಯೋದ ವಿವರ ನಂಬುವುದಾದರೆ, ಟೊಯೊಟಾ ಫಾರ್ಚುನರ್ ಮಾರಾಟವಾದಾಗ, ತಯಾರಕರು ಒಟ್ಟು 35,000-40,000 ರೂಪಾಯಿ ಗಳಿಸುತ್ತಾರೆ. ಸರ್ಕಾರಕ್ಕೆ ಸೆಸ್ ಮತ್ತು ತೆರಿಗೆಗಳ ರೂಪದಲ್ಲಿ 18 ಲಕ್ಷ ರೂಪಾಯಿ ಸಿಗುತ್ತದೆ.

BIG NEWS: ಭಾಷೆಗಳ ಬಗ್ಗೆ ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ ಮಹತ್ವದ ಹೇಳಿಕೆ; ಎಲ್ಲಾ ಭಾರತೀಯ ಭಾಷೆಗಳು ರಾಷ್ಟ್ರ ಭಾಷೆಗಳು, ಯಾವುದೂ ಕಡಿಮೆಯಲ್ಲ

ಸಾಹಿಲ್ ಜೈನ್ ಕ್ಲಾಸಸ್ ಎಂಬ ಚಾನಲ್‌ನ ವಿಡಿಯೊದಲ್ಲಿರುವಂತೆ, ಟೊಯೊಟಾ ಫಾರ್ಚೂನರ್‌ನ ಎಕ್ಸ್ ಶೋ ರೂಂ ಬೆಲೆ 39,28,000 ರೂ. ಇದರಲ್ಲಿ, ಕಾರಿನ ನೈಜ ಬೆಲೆ ರೂ. 26,27,000 ಆಗಿದೆ. ಆದರೆ ಉಳಿದ ಮೊತ್ತದಲ್ಲಿ ಜಿಎಸ್‌ಟಿ, ಜಿಎಸ್‌ಟಿ ಪರಿಹಾರ ಸೆಸ್ ಶೇಕಡ 22 ಮತ್ತು ಜಿಎಸ್‌ಟಿ ಶೇಕಡ 28 ಸೇರಿಕೊಂಡಿದೆ.

ಟೊಯೊಟಾ ಫಾರ್ಚುನರ್‌ನ ಒಟ್ಟಾರೆ ವೆಚ್ಚದ ಮೇಲೆ ವಿಧಿಸಲಾದ ಇತರ ಶುಲ್ಕಗಳ ಬದಲಿಗೆ ಇದನ್ನು ಅನುಸರಿಸಲಾಗುತ್ತದೆ. ನೋಂದಣಿ, ಲಾಜಿಸ್ಟಿಕ್ಸ್, ಫಾಸ್ಟ್ಯಾಗ್, ಗ್ರೀನ್ ಸೆಸ್ (ಡೀಸೆಲ್ ವಾಹನಗಳಿಗೆ), TCS, ವಿಮೆ ಮತ್ತು ವಿಸ್ತೃತ ವಾರಂಟಿ ಇವೇ ಈ ಶುಲ್ಕಗಳು. ನೋಂದಣಿ ಶುಲ್ಕ ಮತ್ತು ಹಸಿರು ಸೆಸ್‌ನಿಂದ ಸಂಗ್ರಹಿಸಲಾದ ಹಣವನ್ನು ಮಾತ್ರ ಸರ್ಕಾರ ಪಡೆಯುತ್ತದೆ. ಆದ್ದರಿಂದ, ಎಲ್ಲಾ ತೆರಿಗೆಗಳು ಮತ್ತು ಶುಲ್ಕಗಳನ್ನು ಸೇರಿಸಿದರೆ, ಸರ್ಕಾರವು ಗಳಿಸುವ ಒಟ್ಟು ಮೊತ್ತವು 18 ಲಕ್ಷ ರೂಪಾಯಿಗಿಂತ ಸ್ವಲ್ಪ ಹೆಚ್ಚಾಗಿರುತ್ತದೆ.

ವಿತರಕರ ವಿಚಾರಕ್ಕೆ ಬರುವುದಾದರೆ, ಒಂದು ವಾಹನ ಮಾರಾಟದ ಮೇಲಿನ ಗಳಿಕೆಯು ಕಾರಿನ ಎಕ್ಸ್-‌ಶೋರೂಮ್ ಬೆಲೆಯಲ್ಲಿ ಅವರು ಪಡೆಯುವ ಕಮಿಷನ್ ಅನ್ನು ಅವಲಂಬಿಸಿರುತ್ತದೆ, ಇದು ನಿಜವಾದ ಬೆಲೆ ಮತ್ತು ಜಿಎಸ್ಟಿ ಮಾತ್ರ ಒಳಗೊಂಡಿರುತ್ತದೆ. ಅವರು ವಿಮೆ, ಬಿಡಿಭಾಗಗಳ ಮಾರಾಟ ಮತ್ತು ಹಣಕಾಸಿನ ವ್ಯವಹಾರದ ಮೇಲೆ ಕಮಿಷನ್ ಗಳಿಸುತ್ತಾರೆ. ಎಲ್ಲಾ ಲೆಕ್ಕಾಚಾರಗಳನ್ನು ಪರಿಗಣಿಸಿ, ಫಾರ್ಚುನರ್ ಅನ್ನು ಮಾರಾಟ ಮಾಡಿದ ನಂತರ ಡೀಲರ್ ಸರಿಸುಮಾರು 1 ಲಕ್ಷ ರೂಪಾಯಿ ಗಳಿಸುತ್ತಾರೆ.