ಪ್ಯಾರಿಸ್ ಒಲಿಂಪಿಕ್ಸ್: 28 ಸದಸ್ಯರ ಅಥ್ಲೆಟಿಕ್ಸ್ ತಂಡ ಮುನ್ನಡೆಸಲಿದ್ದಾರೆ ನೀರಜ್ ಚೋಪ್ರಾ

ನವದೆಹಲಿ: ಜುಲೈ 26 ರಿಂದ ಪ್ರಾರಂಭವಾಗುವ ಪ್ಯಾರಿಸ್ ಒಲಿಂಪಿಕ್ಸ್‌ ನಲ್ಲಿ 28 ಸದಸ್ಯರ ಭಾರತೀಯ ಅಥ್ಲೆಟಿಕ್ಸ್ ತಂಡವನ್ನು ಒಲಿಂಪಿಕ್ ಚಿನ್ನದ ಪದಕ ವಿಜೇತ ನೀರಜ್ ಚೋಪ್ರಾ ಮುನ್ನಡೆಸಲಿದ್ದಾರೆ.

ಭಾರತ ತಂಡವು 17 ಪುರುಷರು ಮತ್ತು 11 ಮಹಿಳಾ ಅಥ್ಲೀಟ್‌ಗಳನ್ನು ಒಳಗೊಂಡಿದೆ. ರೇಸ್ ವಾಕರ್‌ಗಳಾದ ಪ್ರಿಯಾಂಕಾ ಗೋಸ್ವಾಮಿ ಮತ್ತು ಅಕ್ಷದೀಪ್ ಸಿಂಗ್ ಅವರು ಈ ವರ್ಷ ಅಥ್ಲೆಟಿಕ್ಸ್‌ಗೆ ಅರ್ಹತೆ ಪಡೆದ ಮೊದಲಿಗರಾಗಿದ್ದಾರೆ. ಇತರ ಗಮನಾರ್ಹ ಹೆಸರುಗಳಲ್ಲಿ ಅವಿನಾಶ್ ಸೇಬಲ್, ತೇಜಿಂದರ್‌ಪಾಲ್ ಸಿಂಗ್ ತೂರ್ ಅವರು ಹ್ಯಾಂಗ್‌ಝೌ ಏಷ್ಯನ್ ಗೇಮ್ಸ್‌ನಲ್ಲಿ ಚಿನ್ನದ ಪದಕಗಳನ್ನು ಗೆದ್ದಿದ್ದಾರೆ.

ಆಗಸ್ಟ್ 1 ರಿಂದ ಆಗಸ್ಟ್ 11 ರವರೆಗೆ ನಿಗದಿಪಡಿಸಲಾದ ಟ್ರ್ಯಾಕ್ ಮತ್ತು ಫೀಲ್ಡ್ ಸ್ಪರ್ಧೆಯನ್ನು ಸ್ಟೇಡ್ ಡಿ ಫ್ರಾನ್ಸ್‌ನಲ್ಲಿ ನಡೆಸಲಾಗುವುದು ಎಂದು ಪಿಟಿಐ ವರದಿ ಮಾಡಿದೆ.

ಪುರುಷರ ತಂಡ: 

ಅವಿನಾಶ್ ಸಾಬಲ್(3,000 ಮೀ ಸ್ಟೀಪಲ್ ಚೇಸ್), ನೀರಜ್ ಚೋಪ್ರಾ, ಕಿಶೋರ್ ಕುಮಾರ್ ಜೆನಾ(ಜಾವೆಲಿನ್ ಎಸೆತ), ತಜಿಂದರ್ ಪಾಲ್ ಸಿಂಗ್ ತೂರ್(ಶಾಟ್ ಪುಟ್), ಪ್ರವೀಣ್ ಚಿತ್ರವೇಲ್, ಅಬುಲ್ಲಾ ಅಬೂಬಕರ್(ಟ್ರಿಪಲ್ ಜಂಪ್), ಅಕ್ಷದೀಪ್ ಸಿಂಗ್, ವಿಕಾಶ್ ಸಿಂಗ್, ಪರಮಜೀತ್ ಸಿಂಗ್ ಬಿಶ್ತ್(20 ಕಿಮೀ ಓಟದ ನಡಿಗೆ). ಮುಹಮ್ಮದ್ ಅನಾಸ್, ಮುಹಮ್ಮದ್ ಅಜ್ಮಲ್, ಅಮೋಜ್ ಜಾಕೋಬ್, ಸಂತೋಷ್ ತಮಿಳರಸನ್, ರಾಜೇಶ್ ರಮೇಶ್(4×400 ಮೀ ರಿಲೇ), ಮಿಜೋ ಚಾಕೋ ಕುರಿಯನ್(4×400 ಮೀ ರಿಲೇ), ಸೂರಜ್ ಪನ್ವಾರ್(ರೇಸ್ ವಾಕ್ ಮಿಶ್ರ ಮ್ಯಾರಥಾನ್), ಸರ್ವೇಶ್ ಅನಿಲ್ ಕುಶಾರೆ(ಹೈ ಜಂಪ್).

ಮಹಿಳೆಯರ ತಂಡ: 

ಕಿರಣ್ ಪಹಲ್(400 ಮೀ), ಪಾರುಲ್ ಚೌಧರಿ(3,000 ಮೀ ಸ್ಟೀಪಲ್ ಚೇಸ್ ಮತ್ತು 5,000 ಮೀ), ಜ್ಯೋತಿ ಯರ್ರಾಜಿ(100 ಮೀ ಹರ್ಡಲ್ಸ್), ಅಣ್ಣು ರಾಣಿ(ಜಾವೆಲಿನ್ ಎಸೆತ), ಅಭಾ ಖಾತುವಾ(ಶಾಟ್ ಪಟ್), ಜ್ಯೋತಿಕಾ ಶ್ರೀ ದಂಡಿ, ಸುಭಾ ವೆಂಕಟೇಶನ್, ವಿತ್ಯಾ ರಾಮರಾಜ್, ಪೂವಮ್ಮ ರಾಮರಾಜ್(4×400ಮೀ ರಿಲೇ), ಪ್ರಾಚಿ (4×400ಮೀ), ಪ್ರಿಯಾಂಕಾ ಗೋಸ್ವಾಮಿ (20 ಕಿಮೀ ಓಟದ ನಡಿಗೆ/ರೇಸ್ ನಡಿಗೆ ಮಿಶ್ರ ಮ್ಯಾರಥಾನ್.