‘ಕಳ್ಳ, ಕಳ್ಳ, ಕಳ್ಳ’: ಪಾಕ್ ಪ್ರಧಾನಿ ನೇತೃತ್ವದ ನಿಯೋಗ ನೋಡಿ ಯಾತ್ರಿಕರ ಘೋಷಣೆ

ಸೌದಿಯ ಮದೀನಾದಲ್ಲಿ ಪಾಕ್ ಪ್ರಧಾನಿ ಶೆಹಬಾಜ್ ಷರೀಫ್ ನೇತೃತ್ವದ ನಿಯೋಗವನ್ನು ‘ಚೋರ್-ಚೋರ್’ ಘೋಷಣೆಗಳೊಂದಿಗೆ ಸ್ವಾಗತಿಸಿದ ವಿಡಿಯೋ ವೈರಲ್ ಆಗಿದೆ

ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್ ಷರೀಫ್ ಅವರು ಮದೀನಾದ ಮಸ್ಜಿದ್-ಎ-ನಬವಿಯನ್ನು ಪ್ರವೇಶಿಸುತ್ತಿದ್ದಂತೆ ಅವರ ನಿಯೋಗದ ಮೇಲೆ “ಚೋರ್-ಚೋರ್” ಎಂಬ ಘೋಷಣೆಗಳೊಂದಿಗೆ ಸೌದಿ ಅರೇಬಿಯಾದ ಮದೀನಾದಲ್ಲಿ ವಿಚಿತ್ರ ಸ್ವಾಗತ ಸಿಕ್ಕಿದೆ.

ಸಾಮಾಜಿಕ ಮಾಧ್ಯಮ ಪ್ಲಾಟ್‌ ಫಾರ್ಮ್‌ ಗಳಲ್ಲಿ ಹರಿದಾಡುತ್ತಿರುವ ವೈರಲ್ ವೀಡಿಯೊದಲ್ಲಿ ನೂರಾರು ಯಾತ್ರಾರ್ಥಿಗಳು ಮಸೀದಿ-ಎ-ನಬವಿಯತ್ತ ಸಾಗುತ್ತಿರುವ ನಿಯೋಗವನ್ನು ನೋಡಿ “ಚೋರ್ ಚೋರ್”  ಎಂದು ಘೋಷಣೆ ಕೂಗುವುದನ್ನು ತೋರಿಸಿದೆ. ಮದೀನಾದ ಪಾವಿತ್ರ್ಯತೆ ಉಲ್ಲಂಘಿಸಿದ್ದಕ್ಕಾಗಿ ಪ್ರತಿಭಟನಾಕಾರರನ್ನು ನಂತರ ಬಂಧಿಸಲಾಯಿತು ಎಂದು ವರದಿಯಾಗಿದೆ.

ಪಾಕ್ ಪ್ರಧಾನಿ ನಿಯೋಗದಲ್ಲಿ ಮಾಹಿತಿ ಸಚಿವ ಮರಿಯುಮ್ ಔರಂಗಜೇಬ್ ಮತ್ತು ರಾಷ್ಟ್ರೀಯ ಅಸೆಂಬ್ಲಿಯ ಸದಸ್ಯ ಶಹಜೈನ್ ಬುಗ್ತಿ ಕೂಡ ಇದ್ದರು. ಪ್ರತಿಭಟನೆಗೆ ಔರಂಗಜೇಬ್ ಪರೋಕ್ಷವಾಗಿ ಇಮ್ರಾನ್ ಖಾನ್ ಅವರನ್ನು ದೂಷಿಸಿದ್ದಾರೆ.

ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್ ಷರೀಫ್ ಅವರು ಸೌದಿ ಅರೇಬಿಯಾಕ್ಕೆ ತಮ್ಮ ಮೊದಲ ಮೂರು ದಿನಗಳ ಅಧಿಕೃತ ಪ್ರವಾಸದಲ್ಲಿರುವಾಗ ಇದು ನಡೆದಿದೆ.

https://twitter.com/RealYasir__Khan/status/1519719969956798467