ಒಡಹುಟ್ಟಿದವರು ತಮ್ಮ ಸಹೋದರ – ಸಹೋದರಿಯರ ಜೀವ ಉಳಿಸಲಿಕ್ಕಾಗಿ ಇನ್ನಿಲ್ಲದ ಹೋರಾಟವನ್ನ ಮಾಡ್ತಾರೆ. ಈ ಮಾತಿಗೆ ಸಾಕ್ಷಿ ಎಂಬಂತೆ ಕೋವಿಡ್ನಿಂದ ಸಹೋದರಿಯನ್ನ ಉಳಿಸೋಕೆ ಇಬ್ಬರು ಸಹೋದರರು ಇನ್ನಿಲ್ಲದ ಹೋರಾಟ ಮಾಡಿದ್ದಾರೆ. ಮೇ 28ರಂದು 47 ವರ್ಷದ ರಿಂಕು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದ ಬಳಿಕ ಈ ಘಟನೆ ಬೆಳಕಿಗೆ ಬಂದಿದೆ.
ಈ ವರ್ಷದ ಏಪ್ರಿಲ್ ತಿಂಗಳಲ್ಲಿ ಬಿಹಾರದ ಮದಿಪುರದ ಗ್ರಾಮದ ರಿಂಕು ಕೋವಿಡ್ ಸೋಂಕಿಗೆ ಒಳಗಾಗಿದ್ದಳು. ಆಕೆ ಹಾಗೂ ಆಕೆಯ ಪತಿ ಸತೀಶ್ ಪ್ರಸಾದ್ರನ್ನ ಜೆಎಲ್ಎನ್ ಮೆಡಿಕಲ್ ಕಾಲೇಜು & ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಆದರೆ ಆಸ್ಪತ್ರೆಯಲ್ಲಿ ಸಿಬ್ಬಂದಿ ಕೊರತೆಯಿಂದಾಗಿ ರಿಂಕು ಜನರಲ್ ವಾರ್ಡ್ನಲ್ಲೇ ಇರಬೇಕಾಗಿ ಬಂತು.
ಆದರೆ ಆಕೆಯ ಕಿರಿಯ ಸಹೋದರ ರಜನೀಶ್ ಆಸ್ಪತ್ರೆಗೆ ಬಂದು ಆಕೆಯನ್ನ ಕೋವಿಡ್ ಕೇರ್ ವಾರ್ಡ್ಗೆ ಶಿಫ್ಟ್ ಮಾಡಿಸಿದ್ದ. ಆಕೆ ಕೊರೊನಾದ ಗಂಭೀರ ಲಕ್ಷಣ ಹೊಂದಿದ್ದ ವೇಳೆ ರಜನೀಶ್ ತೆಗೆದುಕೊಂಡ ಈ ನಿರ್ಧಾರ ಬಹಳ ಅಪಾಯಕಾರಿಯಾಗಿತ್ತು.
ರಿಂಕು ಹಾಗೂ ರಜನೀಶ್ಗೆ ಸ್ಥಳೀಯ ನಿವಾಸಿಯಾದ ಸತೀಶ್ ಆಹಾರದ ವ್ಯವಸ್ಥೆ ಮಾಡಿದ್ದರು. ಆಕೆಯ ಆಮ್ಲಜನಕ ಮಟ್ಟ 40ಕ್ಕೆ ಇಳಿದಿತ್ತು. ಇದಾದ ಬಳಿಕ ಐಸಿಯುಗೆ ಶಿಫ್ಟ್ ಮಾಡಲಾಯ್ತು. ಈ ವೇಳೆಗಾಗಲೇ ಆಮ್ಲಜನಕ ಮಟ್ಟ 18ಕ್ಕೆ ಇಳಿದಿತ್ತು. ಇದರಿಂದ ಆತಂಕಕ್ಕೆ ಈಡಾದ ರಜನೀಶ್ ಅಣ್ಣ ರಾಕೇಶ್ಗೆ ಫೋನಾಯಿಸಿದ್ದ.
ಸುಪ್ರೀಂ ಕೋರ್ಟ್ ವಕೀಲನಾಗಿದ್ದ ರಾಕೇಶ್ ದೆಹಲಿಯಿಂದ ಪಾಟ್ನಾಗೆ ಆಗಮಿಸಿದ ತನ್ನ ಸಹೋದರಿಯನ್ನ ದೆಹಲಿಯ ಏಮ್ಸ್ ಆಸ್ಪತ್ರೆಯಲ್ಲಿ ದಾಖಲು ಮಾಡಿಸಲು ತೆರಳುತ್ತಿದ್ದ ವೇಳೆ ಆಂಬುಲೆನ್ಸ್ ಹಾಳಾಗಿತ್ತು. ಇದಾದ ಬಳಿಕ ರಿಂಕು ವೆಂಟಿಲೇಷನ್ನಲ್ಲಿ ಇರಬೇಕಾಗಿ ಬಂತು. ಬರೋಬ್ಬರಿ 53 ದಿನಗಳ ಹೋರಾಟದ ಬಳಿಕ ರಿಂಕು ಆಸ್ಪತ್ರೆಯಿಂದ ಡಿಸ್ವಾರ್ಜ್ ಆಗುವಲ್ಲಿ ಯಶಸ್ವಿಯಾಗಿದ್ದಾರೆ.
Loading ...