ಕರಾವಳಿ ಭಾಗದಲ್ಲಿ ಈ ಬಾರಿ ಭರ್ಜರಿ ಮೀನುಗಾರಿಕೆ; 3 ಲಕ್ಷ ಟನ್ ಮೀನು ಹಿಡಿದು ಕಳೆದ ಬಾರಿಗಿಂತ ಪ್ರಗತಿ

ಕರ್ನಾಟಕ ಕರಾವಳಿ ಜಿಲ್ಲೆಗಳಾದ ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಗಳಲ್ಲಿ ಭರ್ಜರಿ ಮೀನುಗಾರಿಕೆ ನಡೆದಿದೆ. ಹಿಂದಿನ ವರ್ಷಗಳಿಗೆ ಹೋಲಿಸಿದರೆ 2022-23ರ ಸಾಲಿನಲ್ಲಿ ಮೀನು ಹಿಡಿಯುವಿಕೆಯಲ್ಲಿ ಏರಿಕೆಯಾಗಿದೆ.

ಮೀನುಗಾರಿಕೆ ಇಲಾಖೆಯ ಅಧಿಕಾರಿಗಳ ಪ್ರಕಾರ, 2022-23ರಲ್ಲಿ ದಕ್ಷಿಣ ಕನ್ನಡದಲ್ಲಿ 3,33,537.05 ಟನ್ ಮೀನು ಹಿಡಿಯಲಾಗಿದ್ದು, ಇದರ ಮೌಲ್ಯ 4,154 ಕೋಟಿ ರೂ. ಉಡುಪಿ ಜಿಲ್ಲೆಯಲ್ಲಿ ಇದೇ ಅವಧಿಯಲ್ಲಿ 2,12,081 ಟನ್ ಮೀನು ಹಿಡಿಯಲಾಗಿದ್ದು ಇದರ ಮೌಲ್ಯ 2,655.28 ಕೋಟಿ ರೂ. ಆಗಿದೆ.

2021-22ರಲ್ಲಿ ಈ ಅಂಕಿಅಂಶಗಳು ದಕ್ಷಿಣ ಕನ್ನಡದಲ್ಲಿ 3,801.60 ಕೋಟಿ ಮೌಲ್ಯದ 2,91,812 ಟನ್‌ಗಳಾಗಿದ್ದು, ಉಡುಪಿ ಜಿಲ್ಲೆಯಲ್ಲಿ 1,80,035 ಟನ್ ಮೀನು ಹಿಡಿಯಲಾಗಿದ್ದು ಅದರ ಮೌಲ್ಯ 1,850.18 ಕೋಟಿ ರೂ. ಆಗಿತ್ತು.

2020-21ರಲ್ಲಿ ದಕ್ಷಿಣ ಕನ್ನಡದಲ್ಲಿ 1,39,714 ಟನ್ ಹಾಗೂ ಉಡುಪಿ ಜಿಲ್ಲೆಯಲ್ಲಿ 1,109 1,04,453 ಟನ್ ಮೀನು ಹಿಡಿಯಲಾಗಿತ್ತು.

ಮೀನುಗಾರಿಕಾ ದೋಣಿಗಳಿಗೆ 10 ಎಚ್‌ಪಿ ವರೆಗಿನ ಎಂಜಿನ್‌ಗಳನ್ನು ಅಳವಡಿಸಲಾಗಿದ್ದು ಮೀನುಗಾರಿಕೆಯನ್ನು ಕೈಗೊಳ್ಳಲು ಅನುಮತಿಸಲಾಗಿದೆ. ಸರ್ಕಾರದ ಆದೇಶವನ್ನು ಉಲ್ಲಂಘಿಸುವ ಮೀನುಗಾರರಿಗೆ ಒಂದು ವರ್ಷದವರೆಗೆ ಡೀಸೆಲ್ ಸಬ್ಸಿಡಿ ಸಿಗುವುದಿಲ್ಲ ಎಂದು ಮೀನುಗಾರಿಕೆ ಇಲಾಖೆಯ ಜಂಟಿ ನಿರ್ದೇಶಕ ಹರೀಶ್ ಕುಮಾರ್ ಅವರು ತಿಳಿಸಿದ್ದಾರೆ.