ಉಕ್ರೇನ್ ಮೇಲೆ ಮುಗಿಬಿದ್ದ ರಷ್ಯಾಗೆ ಬಿಗ್ ಶಾಕ್: ಯಾವುದೇ ಸಂಘರ್ಷದಲ್ಲಿ ಕಳೆದುಕೊಳ್ಳದಷ್ಟು ಸೈನಿಕರನ್ನು ಕಳೆದುಕೊಂಡ ರಷ್ಯಾ, 1 ಸಾವಿರಕ್ಕೂ ಅಧಿಕ ಯೋಧರ ಸಾವು

ಉಕ್ರೇನ್ ಸಂಘರ್ಷದಲ್ಲಿ ಇದುವರೆಗೆ 1,000 ಕ್ಕೂ ಹೆಚ್ಚು ರಷ್ಯಾದ ಸೈನಿಕರು ಸಾವನ್ನಪ್ಪಿದ್ದಾರೆ ಎಂದು ಉಕ್ರೇನ್ ರಕ್ಷಣಾ ಸಚಿವಾಲಯ ಹೇಳಿದೆ.

ಉಕ್ರೇನ್ ರಕ್ಷಣಾ ಸಚಿವರು, ಉಕ್ರೇನ್ ಸಂಘರ್ಷದಲ್ಲಿ ಇದುವರೆಗೆ 1,000 ಕ್ಕೂ ಹೆಚ್ಚು ರಷ್ಯಾದ ಸೈನಿಕರು ಸಾವನ್ನಪ್ಪಿದ್ದಾರೆ ಎಂದು ತಿಳಿಸಿದ್ದಾರೆ.

ರಷ್ಯಾ ತನ್ನ ಪ್ರಾರಂಭದಿಂದಲೂ ತನ್ನ ಯಾವುದೇ ಸಶಸ್ತ್ರ ಸಂಘರ್ಷಗಳ ಹೋರಾಟದ ಸಮಯದಲ್ಲಿ ಇಷ್ಟೊಂದು ಸಾವುನೋವುಗಳನ್ನು ಅನುಭವಿಸಿಲ್ಲ ಎಂದು ಉಕ್ರೇನ್ ರಕ್ಷಣಾ ಸಚಿವಾಲಯ ಹೇಳಿದೆ.

ರಷ್ಯಾ ಸೇನೆ ಉಕ್ರೇನ್ ರಾಜಧಾನಿ ಕೀವ್ ನಗರವನ್ನು ಪ್ರವೇಶಿಸಿದೆ. ಬೆಲಾರಸ್ ಮೂಲಕ ಪ್ರವೇಶಿಸಿದ ರಷ್ಯಾ ಸೇನೆ ಯುದ್ಧ ಟ್ಯಾಂಕರ್ ಗಳು ರಷ್ಯಾದ ಧ್ವಜ ಹೊತ್ತು ಪ್ರವೇಶಿಸಿದ್ದು, ವಿಮಾನನಿಲ್ದಾಣವನ್ನು ವಶಕ್ಕೆ ಪಡೆದುಕೊಂಡಿದೆ.