ನಾವು ಶ್ರದ್ಧಾ ವಾಲ್ಕರ್ ಅವರ ಕುಟುಂಬದೊಂದಿಗೆ ಇದ್ದೇವೆ; ಡೇಟಿಂಗ್ ಆಪ್ ಬಂಬಲ್ ಹೇಳಿಕೆ

ತನ್ನ ಗೆಳತಿಯನ್ನು ಕೊಂದು ತುಂಡು ತುಂಡಾಗಿ ಕತ್ತರಿಸಿದ ಅಫ್ತಾಬ್ ಪೂನಾವಾಲಾ ಬಳಸಿದ ಡೇಟಿಂಗ್ ಆ್ಯಪ್ ಬಂಬಲ್, ಪ್ರಕರಣದ ಬಗ್ಗೆ ಆಘಾತ ವ್ಯಕ್ತಪಡಿಸಿದೆ. ಶ್ರದ್ಧಾ ವಾಲ್ಕರ್ ಅವರ ಕುಟುಂಬದೊಂದಿಗೆ ನಾವು ಇರುತ್ತೇವೆಂದು ಹೇಳಿದೆ. ಈ ಕ್ರೂರ ಅಪರಾಧದ ಬಗ್ಗೆ ಕೇಳಿ ಘಾಸಿಗೊಂಡಿದ್ದು, ಯಾವಾಗ ಬೇಕಾದರೂ ಪೊಲೀಸರಿಗೆ ಲಭ್ಯವಿರುವುದಾಗಿ ಬಂಬಲ್ ಹೇಳಿದೆ.

ಆರೋಪಿ ಅಫ್ತಾಬ್ ಪೂನಾವಾಲಾ, ಶ್ರದ್ಧಾ ವಾಕರ್ ಅವರನ್ನು ಬಂಬಲ್‌ನಲ್ಲಿ ಭೇಟಿಯಾಗಿದ್ದ. ಇವರಿಬ್ಬರ ಸಂಬಂಧಕ್ಕೆ ಪೋಷಕರು ವಿರೋಧ ವ್ಯಕ್ತಪಡಿಸಿದ ಹಿನ್ನೆಲೆಯಲ್ಲಿ ಇಬ್ಬರೂ ಮುಂಬೈನಿಂದ ದೆಹಲಿಗೆ ಬಂದಿದ್ದರು. ಅಫ್ತಾಬ್ ಪೂನಾವಾಲಾ ತನಗೆ ಮೋಸ ಮಾಡುತ್ತಿದ್ದಾನೆ ಎಂದು ಆರೋಪಿಸಿ ಇಬ್ಬರು ಆಗಾಗ್ಗೆ ಜಗಳವಾಡುತ್ತಿದ್ದರು.

ಈ ಅಪರಾಧದ ಬಗ್ಗೆ ಬಂಬಲ್‌ನಲ್ಲಿರುವ ಪ್ರತಿಯೊಬ್ಬರೂ ಆಘಾತಕ್ಕೊಳಗಾಗಿದ್ದಾರೆ. ನಮ್ಮ ಹೃದಯಗಳು ಶ್ರದ್ಧಾ ವಾಕರ್ ಅವರ ಕುಟುಂಬ ಮತ್ತು ಪ್ರೀತಿಪಾತ್ರರ ಜೊತೆಯಲ್ಲಿವೆ ಎಂದು ಬಂಬಲ್ ವಕ್ತಾರರು ತಿಳಿಸಿದ್ದಾರೆ.

ಅವರು ನಮ್ಮ ಬೆಂಬಲವನ್ನು ವಿನಂತಿಸಿದರೆ ನಾವು ನಿಕಟವಾಗಿ ಅನುಸರಿಸುವುದನ್ನು ಮುಂದುವರಿಸುತ್ತೇವೆ ಮತ್ತು ಕಾನೂನು ಜಾರಿ ಮಾಡುವವರಿಗೆ ಲಭ್ಯವಿರುತ್ತೇವೆ. ನಮ್ಮ ಸದಸ್ಯರ ಸುರಕ್ಷತೆ ಮತ್ತು ಯೋಗಕ್ಷೇಮವು ನಮ್ಮ ಪ್ರಮುಖ ಆದ್ಯತೆಯಾಗಿದೆ ಮತ್ತು ಅವರ ಅಗತ್ಯಗಳನ್ನು ಪೂರೈಸಲು ನಾವು ಸಮರ್ಪಿತ ಜಾಗತಿಕ ತಂಡವನ್ನು ಹೊಂದಿದ್ದೇವೆ ಎಂದು ವಕ್ತಾರರು ಹೇಳಿದರು.

ಅಫ್ತಾಬ್ ಪೂನಾವಾಲಾ ಅವರ ಪ್ರೊಫೈಲ್‌ನ ಹೆಚ್ಚಿನ ವಿವರಗಳಿಗಾಗಿ ಪೊಲೀಸರು ಬಂಬಲ್ ಅವರನ್ನು ಸಂಪರ್ಕಿಸುತ್ತಾರೆ ಎಂದು ಮೂಲಗಳು ತಿಳಿಸಿವೆ.
ಶ್ರದ್ಧಾ ವಾಕರ್‌ನನ್ನು ಕೊಂದ 20 ದಿನಗಳ ನಂತರ, ಅದೇ ಆ್ಯಪ್‌ನಲ್ಲಿ ಮತ್ತೊಬ್ಬ ಮಹಿಳೆಯನ್ನು ಭೇಟಿಯಾಗಿ ಅಫ್ತಾಬ್ ಆಕೆಯೊಂದಿಗೆ ಡೇಟಿಂಗ್ ಆರಂಭಿಸಿದ್ದ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಬಂಬಲ್ ಅನ್ನು 2014 ರಲ್ಲಿ ಉದ್ಯಮಿ ವಿಟ್ನಿ ವೋಲ್ಫ್ ಹರ್ಡ್ ಸ್ಥಾಪಿಸಿದರು. ಇದು US ನಲ್ಲಿ ನೆಲೆಗೊಂಡಿದೆ.
ಆರೋಪಿಗೆ ನಾರ್ಕೋ ಅನಾಲಿಸಿಸ್ ಪರೀಕ್ಷೆ ನಡೆಸಲು ಪೊಲೀಸರು ದೆಹಲಿ ನ್ಯಾಯಾಲಯದ ಅನುಮತಿ ಕೋರಿದ್ದಾರೆ.