‘ಈರುಳ್ಳಿ’ ಸೇವನೆಯಿಂದ ಏನೆಲ್ಲಾ ಲಾಭವಿದೆ ಗೊತ್ತಾ…?

ಈರುಳ್ಳಿಯಲ್ಲಿ ಅಧಿಕ ಮಟ್ಟದ ವಿಟಮಿನ್ ಹಾಗೂ ಮಿನರಲ್ಸ್ ಗಳಿವೆ. ಹಸಿ ಈರುಳ್ಳಿಯನ್ನು ಹಸುವಿನ ತುಪ್ಪದಲ್ಲಿ ಹುರಿದು ಸೇವಿಸಿದರೆ ಕೆಮ್ಮು ದಮ್ಮು ಇದ್ದರೆ ಕಡಿಮೆಯಾಗುತ್ತದೆ. ಹಾಗೇ ಈರುಳ್ಳಿಯಿಂದ ಇನ್ನೇನೆಲ್ಲಾ ಪ್ರಯೋಜನಗಳಿವೆ ಅನ್ನುವುದನ್ನು ತಿಳಿಯೋಣ.

* ಹಸಿ ಕೆಂಪು ಈರುಳ್ಳಿಯನ್ನು ಮುಟ್ಟು ಆಗುವ 1 ವಾರದ ಮುಂಚೆ ಸೇವಿಸಿದರೆ ಮುಟ್ಟು ಸರಿಯಾಗಿ ಆಗುತ್ತದೆ.

* ಮುಖದ ಮೇಲೆ ಕಪ್ಪು ಕಲೆಗಳು ಇದ್ದರೆ ಈರುಳ್ಳಿ ಪೇಸ್ಟನ್ನು ಹಚ್ಚಿದರೆ ಕಪ್ಪು ಕಲೆಗಳು ಕ್ರಮೇಣವಾಗಿ ಶಮನವಾಗುತ್ತದೆ.

* ಒಂದು ಚಮಚ ಹಸಿ ಈರುಳ್ಳಿ ರಸಕ್ಕೆ ಅರ್ಧ ಚಮಚ ಸಕ್ಕರೆ ಸೇರಿಸಿ ಮಕ್ಕಳಿಗೆ ಪ್ರತಿದಿನ ಕೊಟ್ಟರೆ ಮಕ್ಕಳ ತೂಕ ಹೆಚ್ಚುತ್ತದೆ.

* ಸೊಂಟದಿಂದ ಕಾಲುಗಳವರೆಗೆ ನೋವು ಇದ್ದರೆ ಸೊಂಟಕ್ಕೆ ಈರುಳ್ಳಿ ಪೇಸ್ಟನ್ನು ಬಿಸಿ ಮಾಡಿ ಲೇಪಿಸಿದರೆ ನೋವು ಕಡಿಮೆಯಾಗುತ್ತದೆ.

* ನಿದ್ದೆ ಸರಿಯಾಗಿ ಬಾರದಿದ್ದರೆ ದಿನಕ್ಕೆ ಒಂದು ಹಸಿ ಈರುಳ್ಳಿಯನ್ನು ಸೇವಿಸಿದರೆ ನಿದ್ದೆ ಚೆನ್ನಾಗಿ ಬರುತ್ತದೆ.

* ಒಂದು ಬಟ್ಟಲು ಹೆಚ್ಚಿದ ಈರುಳ್ಳಿಯನ್ನು 2 ಬಟ್ಟಲು ಹಸುವಿನ ಹಾಲಿನೊಂದಿಗೆ ಕುದಿಸಿ ಆ ಹಾಲನ್ನು ಕುಡಿದರೆ ದೇಹದಲ್ಲಿ ಎಲ್ಲಾದರೂ ರಕ್ತಸ್ರಾವ ಆಗುತ್ತಿದ್ದರೆ ನಿಲ್ಲುತ್ತದೆ.

* ಮೂತ್ರ ಮಾರ್ಗದಲ್ಲಿ ಉರಿ ಮತ್ತು ಸೋಂಕು ಇದ್ದರೆ 2 ಲೋಟ ನೀರಿಗೆ ಒಂದು ಈರುಳ್ಳಿಯನ್ನು ಹಾಕಿ ಒಂದು ಲೋಟ ಆಗುವ ತನಕ ಚೆನ್ನಾಗಿ ಕುದಿಸಿ ಆ ನೀರನ್ನು ಸೇವಿಸಿದರೆ ಉರಿ ಮತ್ತು ಸೋಂಕು ನಿವಾರಣೆಯಾಗುತ್ತದೆ.

* ಮಕ್ಕಳಲ್ಲಿ ಹೊಟ್ಟೆ ಹುಳು ಇದ್ದರೆ 10 ದಿನ ಹಸಿ ಈರುಳ್ಳಿ ರಸವನ್ನು ಒಂದು ಚಮಚ ಕುಡಿಸಿದರೆ ಹೊಟ್ಟೆ ಹುಳು ನಾಶವಾಗುತ್ತದೆ.