ವಧು ಮನೆಯ ಬಾಲ್ಕನಿ ಕುಸಿದು ಗಾಯಗೊಂಡ 24 ಮಂದಿ; ಶಾಕಿಂಗ್ ದೃಶ್ಯ ಕ್ಯಾಮರಾದಲ್ಲಿ ಸೆರೆ

ಆಘಾತಕಾರಿ ಘಟನೆಯೊಂದರಲ್ಲಿ ಮದುವೆ ನಡೆಯುತ್ತಿದ್ದಾಗಲೇ ವಧುವಿನ ಮನೆಯ ಬಾಲ್ಕನಿ ಕುಸಿದುಬಿದ್ದ ಪರಿಣಾಮ 24 ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದು, ಗಂಭೀರವಾಗಿ ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಬಿಹಾರದ ಔರಂಗಾಬಾದ್ ಜಿಲ್ಲೆಯ ಹರಿಬರಿ ಗ್ರಾಮದಲ್ಲಿ ಸೋಮವಾರ ರಾತ್ರಿ ಈ ಘಟನೆ ನಡೆದಿದ್ದು, ಬಾಲ್ಕನಿಯಲ್ಲಿ ನಿಂತುಕೊಂಡು 20ಕ್ಕೂ ಅಧಿಕ ಮಂದಿ ಮದುವೆ ಸಮಾರಂಭವನ್ನು ವೀಕ್ಷಿಸುತ್ತಿದ್ದರು.

ಈ ವೇಳೆ ಭಾರ ತಾಳಲಾರದೆ ಬಾಲ್ಕನಿ ಕುಸಿದಿದ್ದು, ಜಯಮಾಲಾ ಸಮಾರಂಭ ನಡೆಯುವಾಗಲೇ ಈ ಘಟನೆ ನಡೆದಿದೆ. ಇದೀಗ ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಬಾಲ್ಕನಿ ಕುಸಿದುಬಿದ್ದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.