ಅಮೆರಿಕದ ಮಾಜಿ ಹೈ ಡೈವರ್ ರಿಕ್ ವಿಂಟರ್ಸ್ ಎತ್ತರದಿಂದ ಜಿಗಿದ ಹಳೆಯ ವೀಡಿಯೊ ಮತ್ತೆ ಆನ್‌ಲೈನ್‌ನಲ್ಲಿ ವೈರಲ್ ಆಗುತ್ತಿದೆ. ಅಥ್ಲೀಟ್‌ನ ಡೈವಿಂಗ್ ಪರಾಕ್ರಮ ಇದರಲ್ಲಿ ನೋಡಬಹುದು.
ವಿಂಟರ್ಸ್ 172 ಅಡಿ ಎತ್ತರದಿಂದ ಸರೋವರದೊಳಗೆ ಧುಮುಕಿದ್ದಾರೆ. ಈ ವಿಡಿಯೋ ಹೈ ಡೈವ್ ಚಾಲೆಂಜ್ 1983 ರಲ್ಲಿ ಮಾಡಲಾಗಿರುವ ದಾಖಲೆಯ ಭಾಗವಾಗಿದೆ, ಇದರಲ್ಲಿ ಐದು ಡೈವರ್‌ಗಳು 172 ಅಡಿ ಎತ್ತರದಲ್ಲಿ ಡೈವಿಂಗ್‌ಗಾಗಿ ವಿಶ್ವ ದಾಖಲೆಯನ್ನು ನಿರ್ಮಿಸಿದ್ದಾರೆ. ಈ ಐದು ಡೈವರ್‌ಗಳು ಮೈಕ್ ಫೋಲೆ, ರಿಕ್ ಚಾರ್ಲ್ಸ್, ಡಾನಾ ಕುಂಜೆ, ಬ್ರೂಸ್ ಬೊಕಿಯಾ ಮತ್ತು ರಿಕ್ ವಿಂಟರ್ಸ್.
ವೀಡಿಯೋ ಜನಪ್ರಿಯತೆ ಎಷ್ಟಿದೆ ಎಂದರೆ ಅದು 30 ವರ್ಷವಾದರೂ ಮತ್ತೊಮ್ಮೆ ವೈರಲ್ ಆಗಿದೆ. ವೀಡಿಯೊವನ್ನು 5 ಮಿಲಿಯನ್ ಬಾರಿ ವೀಕ್ಷಿಸಲಾಗಿದೆ, ಸುಮಾರು 30,000 ಜನರು ಇಷ್ಟಪಟ್ಟಿದ್ದಾರೆ ಮತ್ತು ಹಲವಾರು ಪ್ರತಿಕ್ರಿಯೆಗಳನ್ನು ಸ್ವೀಕರಿಸಿದ್ದಾರೆ.
Loading ...