ತಲೆಗೆ ಫ್ಯಾನ್​ ಧರಿಸಿ ಓಡಾಟ: ಅಮಿತಾಭ್​ ಶೇರ್​ ಮಾಡಿದ ದೇಸಿ ಜುಗಾಡ್​ಗೆ ನೆಟ್ಟಿಗರು ಫಿದಾ

ನಟ ಅಮಿತಾಭ್​ ಬಚ್ಚನ್ ಒಂದರ ನಂತರ ಒಂದರಂತೆ ತಮ್ಮ ಶಕ್ತಿ ತುಂಬಿದ ಅಭಿನಯದಿಂದ ನಮ್ಮನ್ನು ರಂಜಿಸುತ್ತಲೇ ಇದ್ದಾರೆ.

ತಮ್ಮ ವೈಯಕ್ತಿಕ ಮತ್ತು ವೃತ್ತಿಪರ ಅಪ್‌ಡೇಟ್‌ಗಳೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಉತ್ಸುಕರಾಗಿರುವ ಬಾಲಿವುಡ್ ಮೆಗಾಸ್ಟಾರ್ ಕುತೂಹಲಕಾರಿ ವೈರಲ್ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.

ಅಮಿತಾಭ್ ಬಚ್ಚನ್ ಅವರು ಮುಂಭಾಗದಲ್ಲಿ ಫ್ಯಾನ್ ಮತ್ತು ಅದರ ಹಿಂದೆ ಸೋಲಾರ್ ಪ್ಯಾನೆಲ್​ನೊಂದಿಗೆ ತಲೆಗೆ ಶಿರವಸ್ತ್ರವನ್ನು ಧರಿಸಿರುವ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಈಗ ವೈರಲ್ ಆಗಿರುವ ವೀಡಿಯೊದ ಶೀರ್ಷಿಕೆಯು “ಭಾರತ ಆವಿಷ್ಕಾರದ ತಾಯಿ……ಭಾರತ್ ಮಾತಾ ಕಿ ಜಯ್‌” ಎಂದಿದ್ದಾರೆ.

ಅಮಿತಾಭ್ ಬಚ್ಚನ್ ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ವೀಡಿಯೊವನ್ನು ಹಂಚಿಕೊಂಡ ನಂತರ ವೀಡಿಯೊ ತಕ್ಷಣ ಜನರನ್ನು ಸೆಳೆದಿದೆ. ಅನೇಕ ಬಳಕೆದಾರರು ಅಜ್ಜನ ದೇಸಿ ಜುಗಡ್ ಬಗ್ಗೆ ಮೆಚ್ಚುಗೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ.