ಒಂದೇ ಮೊಬೈಲ್ ಸಂಖ್ಯೆಯಲ್ಲಿ ಇಡೀ ಕುಟುಂಬಕ್ಕೆ ‌ʼಆಧಾರ್‌ʼ ಪಿವಿಸಿ ಪಡೆಯಲು ಇಲ್ಲಿದೆ ಟಿಪ್ಸ್

ಆಧಾರ್ ವಿತರಣಾ ಸಂಸ್ಥೆಯು ಪಿವಿಸಿ ಕಾರ್ಡ್ ಎಂಬ ಹೆಚ್ಚು ಸುರಕ್ಷಿತವಾದ ಆಧಾರ್ ಕಾರ್ಡ್ ಅನ್ನು ಪರಿಚಯಿಸಿದೆ. ಮೂಲಭೂತವಾಗಿ ಇದು ನೀವು ಹೊಂದಿರುವ ಅದೇ ಆಧಾರ್ ಕಾರ್ಡ್ ಆಗಿದೆ, ಆದಾಗ್ಯೂ ಆಧಾರ್ ಪಿವಿಸಿ ಕಾರ್ಡ್ ಅದರ ಭೌತಿಕ ಸಾಗಿಸುವಿಕೆಯನ್ನು ಇನ್ನಷ್ಟು ಅನುಕೂಲಕರವಾಗಿಸಿದೆ ಮತ್ತು ಇದು ಉತ್ತಮ ಭದ್ರತಾ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

“ನಿಮ್ಮ ಆಧಾರ್‌ನೊಂದಿಗೆ ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ಗಣನೆಗೆ ತೆಗೆದುಕೊಳ್ಳದೇ, ದೃಢೀಕರಣಕ್ಕಾಗಿ ಓಟಿಪಿ ಸ್ವೀಕರಿಸಲು ನೀವು ಯಾವುದೇ ಮೊಬೈಲ್ ಸಂಖ್ಯೆಯನ್ನು ಬಳಸಬಹುದು. ಆದ್ದರಿಂದ, ಒಬ್ಬ ವ್ಯಕ್ತಿಯು ಇಡೀ ಕುಟುಂಬಕ್ಕೆ ಆಧಾರ್ ಪಿವಿಸಿ ಕಾರ್ಡ್‌ಗಳನ್ನು ಆನ್‌ಲೈನ್‌ನಲ್ಲಿ ಆರ್ಡರ್ ಮಾಡಬಹುದು” ಎಂದು ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (ಯುಐಡಿಎಐ) ಟ್ವೀಟ್ ಮಾಡಿದೆ.

ಆಧಾರ್ ಪಿವಿಸಿ ಕಾರ್ಡ್ ಎಂದರೇನು ?

ಆಧಾರ್ ಪಿವಿಸಿ ಕಾರ್ಡ್ ಸಾಗಿಸಲು ಸುಲಭ ಮತ್ತು ಬಾಳಿಕೆ ಬರುವುದು ಮಾತ್ರವಲ್ಲ, ಇದು ಡಿಜಿಟಲ್ ಸಹಿ ಮಾಡಿದ ಸುರಕ್ಷಿತ ಕ್ಯೂಆರ್‌‌ ಕೋಡ್ ಜೊತೆಗೆ ಛಾಯಾಚಿತ್ರ ಮತ್ತು ಬಹು ಭದ್ರತಾ ವೈಶಿಷ್ಟ್ಯಗಳೊಂದಿಗೆ ಜನಸಂಖ್ಯಾ ವಿವರಗಳನ್ನು ಹೊಂದಿದೆ. ಆಧಾರ್ ಸಂಖ್ಯೆ, ವರ್ಚುವಲ್ ಐಡಿ ಅಥವಾ ದಾಖಲಾತಿ ಐಡಿ ಬಳಸಿ uidai.gov.in ಅಥವಾ resident.uidai.gov.in ಮೂಲಕ ಆನ್‌ಲೈನ್‌ನಲ್ಲಿ ಆರ್ಡರ್ ಮಾಡಬಹುದು. 50 ರೂ. ಶುಲ್ಕವನ್ನು ಪಾವತಿಸುವ ಮೂಲಕ ಬಳಕೆದಾರರು ಆರ್ಡರ್‌ ಮಾಡಬಹುದು. ಆಧಾರ್ ಪಿವಿಸಿ ಕಾರ್ಡ್ ಅನ್ನು ಸ್ಪೀಡ್ ಪೋಸ್ಟ್ ಮೂಲಕ ನಿವಾಸಿಯ ವಿಳಾಸಕ್ಕೆ ತಲುಪಿಸಲಾಗುತ್ತದೆ.

ಆಧಾರ್ ಪಿವಿಸಿ ಕಾರ್ಡ್ ಅನ್ನು ಆನ್‌ಲೈನ್‌ನಲ್ಲಿ ಆರ್ಡರ್ ಮಾಡುವುದು ಹೇಗೆ ?

12 ಅಂಕಿಗಳ ಆಧಾರ್ ಸಂಖ್ಯೆ (ಯುಐಡಿ) ಅಥವಾ 16 ಅಂಕಿಗಳ ವರ್ಚುವಲ್ ಐಡೆಂಟಿಫಿಕೇಶನ್ ಸಂಖ್ಯೆ (ವಿಐಡಿ) ಅಥವಾ 28 ಅಂಕಿಗಳ ದಾಖಲಾತಿ ಐಡಿ ಯನ್ನು ಬಳಸಿಕೊಂಡು ಯುಐಡಿಎಐ ಅಧಿಕೃತ ಜಾಲತಾಣ ಅಥವಾ ರೆಸಿಡೆಂಟ್ ಪೋರ್ಟಲ್‌ಗೆ ಭೇಟಿ ನೀಡುವ ಮೂಲಕ ನೀವು “ಆಧಾರ್ ಕಾರ್ಡ್” ವಿನಂತಿಯನ್ನು ಮುಂದಿಡಬಹುದು.

ನೋಂದಾಯಿತ ಅಥವಾ ನೋಂದಾಯಿತವಲ್ಲದ ಮೊಬೈಲ್ ಸಂಖ್ಯೆಯನ್ನು ಬಳಸಿಕೊಂಡು ಸಹ ವಿನಂತಿ ಮಾಡಬಹುದು. ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯೊಂದಿಗೆ ನೀವು ಹಾಗೆ ಮಾಡಿದರೆ, ನಿರ್ದಿಷ್ಟ ನೋಂದಾಯಿತ ಮೊಬೈಲ್ ಸಂಖ್ಯೆಯಲ್ಲಿ ಓಟಿಪಿ/ಟಿಓಟಿಪಿ ಸ್ವೀಕೃತವಾಗುತ್ತದೆ. ನೋಂದಾಯಿತವಲ್ಲದ/ಪರ್ಯಾಯ ಮೊಬೈಲ್ ಸಂಖ್ಯೆಗೆ, ನೋಂದಾಯಿಸದ/ಪರ್ಯಾಯ ಮೊಬೈಲ್ ಸಂಖ್ಯೆಗೆ ಓಟಿಪಿ ಸ್ವೀಕೃತವಾಗುತ್ತದೆ.