ಗಮನಿಸಿ…! ಇಡೀ ಬೆಂಗಳೂರು ಪ್ರವಾಹಕ್ಕೆ ಸಿಲುಕಿಲ್ಲ: ಸಹಜವಾಗಿದೆ ಸಿಲಿಕಾನ್ ಸಿಟಿ ಬಹುತೇಕ ಭಾಗ: ಫೋಟೋ ಹಂಚಿಕೊಂಡ ನೆಟ್ಟಿಗರು

ಬೆಂಗಳೂರು: ಬೆಂಗಳೂರಿನಲ್ಲಿ ಭಾರಿ ಮಳೆ ಪ್ರವಾಹ ಪರಿಸ್ಥಿತಿ ಇದೆ ಎನ್ನುವಂತೆ ಬಿಂಬಿಸಲಾಗ್ತಿದೆ. ಆದರೆ, ನಗರವೆಲ್ಲಾ ಪ್ರವಾಹಕ್ಕೆ ಸಿಲುಕಿಲ್ಲ ಎಂದು ನೆಟಿಜನ್‌ ಗಳು ಚಿತ್ರಗಳನ್ನು, ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ. ನಗರದ ಬಹುತೇಕ ಭಾಗಗಳಲ್ಲಿ ಸಾಮಾನ್ಯವಾಗಿದೆ ತೋರಿಸುವ ಫೋಟೋಗಳನ್ನು ಪೋಸ್ಟ್ ಮಾಡಿದ್ದಾರೆ.

ಬೆಂಗಳೂರಿನ ರಸ್ತೆಗಳಲ್ಲಿ ಜಲಾವೃತವಾದ ರಸ್ತೆಗಳು, ಜಲಾವೃತವಾದ ಅಪಾರ್ಟ್‌ಮೆಂಟ್‌ ಗಳು, ಟ್ರ್ಯಾಕ್ಟರ್‌ಗಳು, ಜೆಸಿಬಿ, ಅಗೆಯುವ ಯಂತ್ರಗಳ ಚಿತ್ರಗಳು ಮತ್ತು ವಿಡಿಯೊಗಳೊಂದಿಗೆ ಸಾಮಾಜಿಕ ಮಾಧ್ಯಮಗಳು ಸ್ಫೋಟಗೊಂಡಂತೆ, ಅನೇಕ ನೆಟಿಜನ್‌ ಗಳು ಈಗ “ಬೆಂಗಳೂರು ಪ್ರವಾಹಕ್ಕೆ ಸಿಲುಕಿಲ್ಲ ಎಂಬ ಮಿಥ್ಯೆಯನ್ನು ಬುಡಮೇಲು ಮಾಡಲು” ನಗರದ ವಿವಿಧ ಪ್ರದೇಶಗಳ ಸಂಪೂರ್ಣವಾಗಿ ವಿಭಿನ್ನವಾದ ಆದರೆ, ವಾಸ್ತವಿಕ ಚಿತ್ರಣವನ್ನು ಚಿತ್ರಿಸುವ ಛಾಯಾಚಿತ್ರಗಳು ಮತ್ತು ವಿಡಿಯೊಗಳನ್ನು ಹಂಚಿಕೊಂಡಿದ್ದಾರೆ.

ಕಳೆದ ವಾರದಲ್ಲಿ ಭಾರಿ ಮಳೆಯ ನಂತರ, ಸಿಲಿಕಾನ್ ಸಿಟಿಯ ಹಲವಾರು ಪ್ರದೇಶಗಳು ಮುಖ್ಯವಾಗಿ ಕೆರೆಗಳು ತುಂಬಿ ಹರಿಯುವ ಕಾರಣದಿಂದ ಜಲಾವೃತಗೊಂಡಿವೆ. ಮುಖ್ಯವಾಗಿ ಬೆಂಗಳೂರಿನ ಪೂರ್ವ ಭಾಗದ ತಗ್ಗು ಪ್ರದೇಶಗಳು ಮತ್ತು ಕೆರೆಯ ತಳದಲ್ಲಿ ನಿರ್ಮಿಸಲಾದ ಹೊರವರ್ತುಲ ರಸ್ತೆ ವ್ಯಾಪ್ತಿ, ಬೆಳ್ಳಂದೂರು, ಮಾರತ್ತಹಳ್ಳಿ, ಸರ್ಜಾಪುರ ಮುಂತಾದ ಪ್ರದೇಶಗಳು ಮಳೆಯಿಂದ ಹೆಚ್ಚು ಹಾನಿಗೊಳಗಾಗಿವೆ.

‘ಬೆಂಗಳೂರಿನ 800 ಚದರ ಕಿ.ಮೀ ಪ್ರದೇಶದಲ್ಲಿ 5-6 ಚದರ ಕಿ.ಮೀ ಪ್ರದೇಶಕ್ಕೆ ಪ್ರವಾಹ ಸೀಮಿತವಾಗಿದೆ’ ಎಂದು ಬಿಬಿಎಂಪಿ ಆಯುಕ್ತ ತುಷಾರ್ ಗಿರಿನಾಥ್ ಹೇಳಿದ್ದಾರೆ.

ಕಳೆದ 50 ವರ್ಷಗಳಲ್ಲಿ ಬೆಂಗಳೂರು ಕಂಡ ಎರಡನೇ ಅತಿ ಹೆಚ್ಚು ಆರ್ದ್ರ ಮಳೆಗಾಲ ಇದಾಗಿದೆ. ಆಗಸ್ಟ್ 30 ರಿಂದ ಸೆಪ್ಟೆಂಬರ್ 4 ರವರೆಗಿನ ಧಾರಾಕಾರ ಮಳೆಯು ವಾಡಿಕೆಗಿಂತ 5 ಪಟ್ಟು ಹೆಚ್ಚು ಮಳೆಯಾಗಿದೆ. 162 ಕೆರೆಗಳು ತುಂಬಿದ ಮಳೆಯಿಂದ ಪ್ರವಾಹಕ್ಕೆ ಕಾರಣವಾಗಿದೆ. ಆದರೆ ತ್ವರಿತವಾಗಿ ಪರಿಸ್ಥಿತಿ ನಿಯಂತ್ರಿಸಿ ಎರಡು ದೊಡ್ಡ ಕೆರೆಗಳಾದ ಬೆಳ್ಳಂದೂರು ಮತ್ತು ವರ್ತೂರಿನ ನಡುವೆ ಪ್ರವಾಹವನ್ನು ಸ್ಥಳೀಕರಿಸಲಾಗಿದೆ ಎಂದು ತುಷಾರ್ ಗಿರಿನಾಥ್ ಅವರು ಟ್ವಿಟರ್‌ನಲ್ಲಿ ಬರೆದಿದ್ದಾರೆ.

ಎಂಟು ವಲಯಗಳ ಪೈಕಿ ಮಹದೇವಪುರ ವಲಯದಲ್ಲಿ ಮಾತ್ರ ತೀವ್ರ ಹಾನಿಯಾಗಿದೆ. ನಾವು ಸುಮಾರು 20 ದೋಣಿಗಳು ಬಳಸಿದ್ದು, ನೀರನ್ನು ಸ್ಥಳಾಂತರಿಸಲು ಮತ್ತು ಫ್ಲಶ್ ಮಾಡಲು ಪಂಪ್‌ ಗಳನ್ನು ಬಳಸುತ್ತಿದ್ದೇವೆ. ಪ್ರವಾಹವನ್ನು ತಡೆಗಟ್ಟಲು ನೀರಿನ ಮಾರ್ಗಗಳಲ್ಲಿನ ಅಡೆತಡೆಗಳನ್ನು ತೆಗೆದುಹಾಕಲು ಕ್ರಮ ತೆಗೆದುಕೊಳ್ಳಲಾಗಿದೆ ಎಂದು ಅವರು ಹೇಳಿದರು.

ಅನೇಕ ನೆಟಿಜನ್‌ಗಳು ತಮ್ಮ ಪ್ರದೇಶಗಳ ಛಾಯಾಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. ಪ್ರವಾಹವು ಕೆಲವು ಪ್ರದೇಶಗಳಿಗೆ ಸೀಮಿತವಾಗಿದೆ ಎಂದು ಹೇಳಿದ್ದಾರೆ.

‘ನಾನು ಐಆರ್‌ಆರ್ ಮತ್ತು ಜಯದೇವ ಆಸ್ಪತ್ರೆಯ ಹತ್ತಿರ ಬಿಟಿಎಂ II ಹಂತದಲ್ಲಿದ್ದೇನೆ.. ಇಷ್ಟು ದೊಡ್ಡ ಮಳೆಯ ನಡುವೆಯೂ ನಾವು ಚೆನ್ನಾಗಿದ್ದೇವೆ. ಆಗಾಗ ವಿದ್ಯುತ್ ಸಂಪರ್ಕ ಕಡಿತಗೊಳ್ಳುವುದು ಒಂದೇ ಚಿಂತೆ. ನಮಗೆ ಫ್ಯಾನ್ ಅಗತ್ಯವಿಲ್ಲ ಎಂದು ಆರ್. ಶ್ರೀನಿವಾಸನ್ ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿದ್ದಾರೆ.

ಮತ್ತೊಬ್ಬ ನೆಟಿಜನ್ ಗೌರಬ್ ಘೋಷ್, ಬೆಳಂದೂರು ಭಾಗದಲ್ಲಿ ಮಾತ್ರ ಹೆಚ್‌.ಎಸ್‌.ಬಿ.ಸಿ. ಬಳಿ, ವರ್ಚುಸಾ ಕಚೇರಿಯಲ್ಲಿ ನೀರಿನ ದಟ್ಟಣೆ ಇದೆ. ಉಳಿದಂತೆ ವೈಟ್‌ಫೀಲ್ಡ್, ಆರ್‌.ಕೆ. ಪುರಂ, ಎಂಜಿ ರೋಡ್ ಪ್ರದೇಶದಲ್ಲಿ ಅಂತಹ ಸಮಸ್ಯೆ ಇಲ್ಲ ಎಂದು ಸಹೋದ್ಯೋಗಿಗಳು ಹೇಳುತ್ತಿದ್ದಾರೆ. ಇದು ಸಂಪೂರ್ಣವಾಗಿ ಕರ್ನಾಟಕ ಸರ್ಕಾರದ ಮಾನಹಾನಿಗಾಗಿ ಕಿಡಿಗೇಡಿತನದ ಪ್ರಚಾರವಾಗಿದೆ ಎಂದು ತಿಳಿಸಿದ್ದಾರೆ.

ಮತ್ತೊಬ್ಬ ಬಳಕೆದಾರರು BTM ಲೇಔಟ್ 2 ನೇ ಹಂತದ ಚಿತ್ರವನ್ನು ಹಂಚಿಕೊಂಡಿದ್ದಾರೆ, ಇದು ಪ್ರವಾಹದ ಯಾವುದೇ ಲಕ್ಷಣಗಳನ್ನು ತೋರಿಸುತ್ತಿಲ್ಲ.

ನೆಟಿಜನ್ ಪೂಜಾ ಹೆಗ್ಡೆ ಅವರು, ಇದು ಬೆಂಗಳೂರು, ಒಂದು ವೇಳೆ ನೀವು ನಾವೆಲ್ಲರೂ ತೇಲುತ್ತಿದ್ದೇವೆ ಎಂದು ಭಾವಿಸಿದ್ದರೆ… ಎಂದು ಎಂಜಿ ರೋಡ್‌ ಚರ್ಚ್ ಸ್ಟ್ರೀಟ್‌ ನ ಚಿತ್ರ ಹಂಚಿಕೊಂಡಿದ್ದಾರೆ.

ಸರ್ಜಾಪುರ ರಸ್ತೆಯ ಚಿತ್ರ ಹಂಚಿಕೊಂಡ ಟ್ವಿಟ್ಟರ್ ಬಳಕೆದಾರರು, ಇದು ದೊಮ್ಮಸಂದ್ರದ ಬಳಿಯಿರುವ ಸರ್ಜಾಪುರ ರಸ್ತೆ. ಎಲ್ಲಾ ಬೆಂಗಳೂರು ಮುಳುಗಿಲ್ಲ. ದಯವಿಟ್ಟು ಬೆಂಗಳೂರಿನ ಮೇಲಿನ ದಾಳಿಯನ್ನು ನಿಲ್ಲಿಸಿ ಎಂದು ಬರೆದಿದ್ದಾರೆ.

ವೀರೇಶ್ ಜಗಡೆ ಎಂಬ ನೆಟಿಜನ್ ಕೆಂಗೇರಿಯ ಕೊಮ್ಮಘಟ್ಟ ಮುಖ್ಯರಸ್ತೆಯಲ್ಲಿ ಕಾಮನಬಿಲ್ಲು ತೋರಿಸುವ ಛಾಯಾಚಿತ್ರ ಹಂಚಿಕೊಂಡಿದ್ದಾರೆ.