ಒಂದು ವರ್ಷದಿಂದ ಬಾಡಿಗೆ ಕೊಡದೆ ಮನೆ ಖಾಲಿ ಮಾಡಿದ ಬಾಡಿಗೆದಾರ ಒಳ ಹೋದ ಮಾಲೀಕನಿಗೆ ಕಾದಿತ್ತು ಶಾಕ್…..!

ತನ್ನದೇ ಮನೆಯಲ್ಲಿ ವಾಸವಿದ್ದ ಬಾಡಿಗೆದಾರ ಕೊಟ್ಟ ’ಕಿಕ್‌’ನಿಂದ ಶಾಕ್ ಆದ ಮನೆ ಮಾಲೀಕರೊಬ್ಬರ ಕಥೆ ಇದು.

ಬ್ರಿಟನ್‌ನ ಹ್ಯಾಂಪ್‌ಶೈರ್‌ನಲ್ಲಿರುವ ಎರಡು ಬೆಡ್‌ರೂಂನ ಫ್ಲಾಟ್‌ನಲ್ಲಿ ವಾಸವಿದ್ದ ಬಾಡಿಗೆದಾರನೊಬ್ಬ ಮನೆ ಖಾಲಿ ಮಾಡುವಾಗ ದೊಡ್ಡದೊಂದು ಅವಾಂತರ ಸೃಷ್ಟಿಸಿ ಹೋಗಿದ್ದಾನೆ. ಈ ಅನಾಮಿಕ ವ್ಯಕ್ತಿಯು ತನ್ನ ಮನೆಯ ಬಾಡಿಗೆಯನ್ನು ಒಂದು ವರ್ಷದ ಮಟ್ಟಿಗೆ ಕಟ್ಟಿರಲಿಲ್ಲ.

ಇಷ್ಟು ಸಾಲದೆಂಬಂತೆ ಮನೆ ಖಾಲಿ ಮಾಡುವ ಸಂದರ್ಭದಲ್ಲಿ 8,000 ಬಿಯರ್‌ ಕ್ಯಾನ್‌ಗಳ ರಾಶಿ ಜೊತೆಗೆ ಕೊಳೆಯುತ್ತಿರುವ ಆಹಾರವನ್ನು ಅಲ್ಲೇ ಬಿಟ್ಟು ಹೋಗಿರುವ ಈತ ಮನೆ ಮಾಲೀಕರಿಗೆ ಸಂದೇಶ ಕಳುಹಿಸಿ, ’ಸ್ವಲ್ಪ ಕೊಳೆಯನ್ನು ಅಲ್ಲೇ ಬಿಟ್ಟಿರುವೆ’ ಎಂದಿದ್ದಾನೆ.

ಟಾಯ್ಲೆಟ್‌ನಲ್ಲಿ ಒಮ್ಮೆಯೂ ಫ್ಲಶ್ ಮಾಡದೇ ಇದ್ದ ಕಾರಣ ಫ್ಲಾಟ್‌ನ ಶೌಚಾಲಯ ದುರ್ನಾಥ ಬೀರುತ್ತಿದ್ದರ ಜೊತೆಗೆ ಮನೆಯಲ್ಲೆಲ್ಲಾ ತ್ಯಾಜ್ಯ ಹರಡಿ ಗಲೀಜಾಗಿದ್ದ ವಿಡಿಯೋವನ್ನು ಆನ್ಲೈನ್‌ನಲ್ಲಿ ಶೇರ್‌ ಮಾಡಲಾಗಿದೆ.