BIG NEWS: 9 ತಿಂಗಳಲ್ಲಿ ಷೇರು ಮಾರುಕಟ್ಟೆ ತೊರೆದ 53 ಲಕ್ಷ ಜನ; ಹೂಡಿಕೆದಾರರಿಗೆ ಅಚ್ಚರಿ ಮೂಡಿಸಿದ ವಿದ್ಯಾಮಾನ

ಸ್ಟಾಕ್ ಮಾರ್ಕೆಟ್ ನಲ್ಲಿ ಹೂಡಿಕೆದಾರರು ಪ್ರತಿ ತಿಂಗಳು ಹೊಸ ಡಿಮ್ಯಾಟ್ ಖಾತೆಗಳನ್ನು ತೆರೆಯುತ್ತಿರುವಾಗ, ಕೆಲವು ಹಳೆಯ ಗ್ರಾಹಕರು ಇದರಿಂದ ವಿಮುಖರಾಗಿರೋದು ಗೊತ್ತಾಗಿದೆ. ಎನ್‌ಎಸ್‌ಇಯ ಇತ್ತೀಚಿನ ಮಾಹಿತಿಯು ಎಕ್ಸ್ ಚೇಂಜ್‌ನ ಸಕ್ರಿಯ ಗ್ರಾಹಕರ ಪಟ್ಟಿಯಲ್ಲಿ ಕಳೆದ 9 ತಿಂಗಳುಗಳಲ್ಲಿ 53 ಲಕ್ಷಗಳ ಗ್ರಾಹಕರು ಕಡಿಮೆಯಾಗಿದ್ದಾರೆ ಎಂದು ತೋರಿಸಿದೆ.

ಜೂನ್ 2022 ರಲ್ಲಿ 3.8 ಕೋಟಿ ಹೂಡಿಕೆದಾರರಿದ್ದರು. ಆದರೆ 2023ರ ಮಾರ್ಚ್ ವೇಳೆಗೆ 53 ಲಕ್ಷ ಇಳಿಕೆಯಾಗಿದ್ದು ಹೂಡಿಕೆದಾರರ ಸಂಖ್ಯೆ 3.27 ಕೋಟಿಗೆ ಇಳಿದಿದೆ.

ಎನ್‌ಎಸ್‌ಇಯಲ್ಲಿ ಸಕ್ರಿಯ ಕ್ಲೈಂಟ್‌ಗಳ ಸಂಖ್ಯೆಯು ಮಾರ್ಚ್‌ನಲ್ಲಿ ಸತತ ಒಂಬತ್ತನೇ ತಿಂಗಳಿಗೆ 53 ಲಕ್ಷ ಇಳಿಕೆಯಾಗಿದೆ. ಇದಲ್ಲದೆ ಲಾಕ್‌ಡೌನ್ ಹಂತದಲ್ಲಿ ವರ್ಕ್ ಫ್ರಮ್ ಹೋಂ ನಲ್ಲಿದ್ದಾಗ ಜನಸಮೂಹವು ವ್ಯಾಪಾರದ ಬಗ್ಗೆ ತೋರುತ್ತಿದ್ದ ಉತ್ಸುಕತೆ ಈಗ ಇಲ್ಲ ಎಂಬುದು ಗೊತ್ತಾಗಿದೆ.

ಆರ್ಥಿಕ ವರ್ಷ (FY) 23 ರಲ್ಲಿನ ಚಿಲ್ಲರೆ ಒಳಹರಿವು FY 2021-22 ರಲ್ಲಿ ರೂ. 1.65 ಲಕ್ಷ ಕೋಟಿ ಮತ್ತು FY 2020-21 ರಲ್ಲಿ ರೂ. 68,400 ಕೋಟಿಗಳ ದೃಢವಾದ ಒಳಹರಿವುಗಳಿಗೆ ಹೋಲಿಸಿದರೆ ಕಳೆದ ಮೂರು ವರ್ಷಗಳಲ್ಲಿ ರೂ. 49,200 ಕೋಟಿ ಕಡಿಮೆಯಾಗಿದೆ.

BSE ಮತ್ತು NSE ನಲ್ಲಿನ ನಗದು ಮಾರುಕಟ್ಟೆಯಲ್ಲಿ ಚಿಲ್ಲರೆ ಹೂಡಿಕೆದಾರರ ಸರಾಸರಿ ದೈನಂದಿನ ವಹಿವಾಟು ಮಾರ್ಚ್ 2023 ರಲ್ಲಿ 29% ಕುಸಿದು ವರ್ಷದಿಂದ ವರ್ಷಕ್ಕೆ 23,700 ಕೋಟಿ ರೂ.ಗೆ ಇಳಿದಿದೆ. ಹೊಸ ಡಿಮ್ಯಾಟ್ ಖಾತೆ ಸೇರ್ಪಡೆಗಳ ವೇಗವು ನಿಧಾನವಾಗುತ್ತಿದೆ. ಹೆಚ್ಚುತ್ತಿರುವ ಹೊಸ ಖಾತೆಗಳ ಸಂಖ್ಯೆಯು 8% ರಷ್ಟು ಕುಸಿತವನ್ನು ದಾಖಲಿಸಿದೆ.

ಕೋವಿಡ್-ಸಂಬಂಧಿತ ಲಾಕ್‌ಡೌನ್‌ಗಳ ಸಮಯದಲ್ಲಿ ಮನೆಯಿಂದ ಕೆಲಸ ಮಾಡುವ ಸಂಸ್ಕೃತಿಯು ಯುವಜನರಲ್ಲಿ ವ್ಯಾಪಾರವನ್ನು ಫ್ಯಾಶನ್ ಆಗಿ ತೆಗೆದುಕೊಳ್ಳುವಂತೆ ಮಾಡಿತ್ತು. ಆದರೆ ಕೋವಿಡ್ ಕುಸಿತದ ನಂತರ ಕಂಡುಬಂದಿದ್ದೇನೆಂದರೆ, ಕೋಟ್ಯಾಧಿಪತಿಗಳಾಗುವ ಕನಸು ಕಾಣುತ್ತಿದ್ದ ಕೆಲವು ಅನನುಭವಿ ವ್ಯಾಪಾರಿಗಳು, ವ್ಯಾಪಾರ ಮತ್ತು ಹೂಡಿಕೆಯ ವ್ಯವಹಾರವು ಸರಳವಾಗಿ ಕಾಣಿಸಬಹುದು, ಆದರೆ ಸುಲಭವಲ್ಲ ಎಂದು ಅರಿತುಕೊಂಡಿದ್ದಾರೆ.