ಯುವತಿಯರಿಗೆ ಮಾತ್ರ ಜಿಮ್, ‘ಆಂಟಿ’ಗಳಿಗಲ್ಲ; ಚರ್ಚೆ ಹುಟ್ಟುಹಾಕಿದ ಫಲಕ

ದೇಹ ತೂಕ ಹೆಚ್ಚಿಸಿಕೊಳ್ಳಲು ಅಥವಾ ಕಡಿಮೆ ಮಾಡಿಕೊಳ್ಳಲು ಜಿಮ್ ಗೆ ಹೋಗುವ ರೂಢಿ ಇದೆ. ಯುವಕರು- ಯುವತಿಯರು ಸೇರಿದಂತೆ ವಯಸ್ಸಾದವರೂ ಸಹ ಈ ರೂಢಿ ಬೆಳೆಸಿಕೊಂಡಿರುತ್ತಾರೆ.

ಆದ್ರೆ ದಕ್ಷಿಣ ಕೊರಿಯಾದ ಜಿಮ್ ವೊಂದು ಆಂಟಿಯರನ್ನು ನಿಷೇಧಿಸಿದೆ. ಜಿಮ್ “ಯುವತಿಯರಿಗೆ ಮಾತ್ರ” ಮತ್ತು “ಆಂಟಿಗಳಿಲ್ಲ” ಎಂದು ಮಧ್ಯ ವಯಸ್ಕ ಮಹಿಳೆಯರ ಮೇಲೆ ನಿಷೇಧ ಹೇರಲಾಗಿದೆ. ಮಧ್ಯ ವಯಸ್ಕ ಮಹಿಳೆಯರ ಮೇಲಿನ ಈ ನಿಷೇಧ ಮತ್ತೊಂದು ಚರ್ಚೆ ಹುಟ್ಟುಹಾಕಿದೆ.

ಜಿಮ್ ಪ್ರವೇಶದ್ವಾರದಲ್ಲಿ ಜಿಮ್ “ಯುವತಿಯರಿಗೆ ಮಾತ್ರ” ಮತ್ತು “ಆಂಟಿಗಳಿಲ್ಲ” ಎಂಬ ಪೋಸ್ಟ್ ಹಾಕಿದ್ದು ಗಮನ ಸೆಳೆದಿದೆ.

ಆಗ್ನೇಯ ಏಷ್ಯಾ ಮತ್ತು ಭಾರತದ ಹೆಚ್ಚಿನ ದೇಶಗಳಿಗೆ ತಿಳಿದಿರುವಂತೆ ಆಂಟಿ ಎಂಬ ಪದವು ವಯಸ್ಸಾದ ಮಹಿಳೆ ಅಥವಾ ತಾಯಿಯ ವಯಸ್ಸಿನವಳು ಎಂಬುದನ್ನ ಸೂಚಿಸುತ್ತದೆ. ಈ ಪದವನ್ನು ಗೌರವ ರೂಪಕವಾಗಿ ಬಳಸಲಾಗಿದ್ದರೂ ಕಾಲಾನಂತರದಲ್ಲಿ ಇದನ್ನು ವಯಸ್ಸಾದ ಮಹಿಳೆ ಎಂದು ಅವಮಾನಕರ ರೀತಿಯಲ್ಲಿ ಬಳಸಲಾಗುತ್ತದೆ.

ದಕ್ಷಿಣ ಕೊರಿಯಾದಲ್ಲಿ, ‘ಆಂಟಿ’ ಎಂಬ ಪದವು ಎಲ್ಲಾ ನಕಾರಾತ್ಮಕ ಅರ್ಥಗಳೊಂದಿಗೆ ಮಧ್ಯವಯಸ್ಕ ಮಹಿಳೆಯರನ್ನು ಉಲ್ಲೇಖಿಸುತ್ತದೆ. ಸೌತ್ ಚೈನಾ ಮಾರ್ನಿಂಗ್ ಪೋಸ್ಟ್ ಪ್ರಕಾರ ಇಂಚಿಯಾನ್‌ನಲ್ಲಿರುವ ಜಿಮ್ ನ ಪ್ರವೇಶದ್ವಾರದಲ್ಲಿ ಈ ಪದವನ್ನು ಬಳಸಲಾಗಿದ್ದು ಆಂಟಿಯರು ಜಿಮ್ ಪ್ರವೇಶಿಸುವಂತಿಲ್ಲ ಎಂದಿದೆ.

ಆದರೆ ಈ ಬಗ್ಗೆ ಮಾಲೀಕರು ಪ್ರತಿಕ್ರಿಯಿಸಿದ್ದು, ವಯಸ್ಸಾದ ಮಹಿಳೆಯರು ಜಿಮ್ ಗೆ ಬರುವ ಯುವತಿಯರಿಗೆ ಕಿರುಕುಳ ನೀಡಿದ್ದಾರೆ. ನೀವು ಮಕ್ಕಳನ್ನು ಹೊಂದಲು ಉತ್ತಮವಾಗಿರಬೇಕು ಎಂದು ವಯಸ್ಸಿನಲ್ಲಿರುವ ಯುವತಿಯರನ್ನು ಮಾತಿನ ಮೂಲಕ ಹೀಯಾಳಿಸುತ್ತಾರೆ. ಈ ವಯಸ್ಸಾದ ಮಹಿಳೆಯರು ತಮ್ಮ ಕೊಳಕು ಬಟ್ಟೆಯನ್ನು ಲಾಕರ್ ಕೋಣೆಯಲ್ಲಿ ಇರಿಸಲಾಗಿರುವ ವಾಷಿಂಗ್ ಮೆಷಿನ್‌ಗಳಲ್ಲಿ 2 ಗಂಟೆಗಳ ಕಾಲ ತೊಳೆಯುತ್ತಾರೆ . ಇದರಿಂದ ಜಿಮ್ ನ ನೀರಿನ ಬಿಲ್ ಹೆಚ್ಚಾಗಿದೆ. ಅವರು ಜಿಮ್ ನಲ್ಲಿದ್ದ ಟವೆಲ್‌ ಮತ್ತು ಗ್ರಾಹಕರಿಗೆ ಒದಗಿಸಿದ ಸೋಪ್ ಅನ್ನು ಸಹ ಕದ್ದಿದ್ದಾರೆ. ಮೌಲ್ಯಯುತ ಗ್ರಾಹಕರನ್ನು ಉಳಿಸಿಕೊಳ್ಳಲು ಅಂತಹ ಜನರನ್ನು ದೂರವಿಡಲು ಜಿಮ್ ಅಂತಿಮವಾಗಿ ನಿರ್ಧರಿಸಿದೆ ಎಂದಿದ್ದಾರೆ.

ಆಂಟಿಯರು ಜಿಮ್ ನ ತಮ್ಮದೇ ಜಗತ್ತೆಂದು ತಿಳಿದು ಹೇಗೆ ಬೇಕೋ ಹಾಗೆ ವರ್ತಿಸುತ್ತಾರೆ. ಇದರಿಂದ 20-30 ವರ್ಷ ವಯಸ್ಸಿನ ಯುವತಿಯರು ಜಿಮ್ ತೊರೆದಿದ್ದಾರೆಂದರು.