ನವದೆಹಲಿ: ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯವು ಸೋಮವಾರ ಹೊಸ ಹಜ್ ನೀತಿಯನ್ನು ಪ್ರಕಟಿಸಿದ್ದು, ಅದರ ಅಡಿಯಲ್ಲಿ ಅರ್ಜಿ ನಮೂನೆಗಳನ್ನು ಉಚಿತವಾಗಿ ಲಭ್ಯವಾಗುವಂತೆ ಮಾಡಲಾಗಿದೆ. ಪ್ರತಿ ಯಾತ್ರಿಕರಿಗೆ ಪ್ಯಾಕೇಜ್ ವೆಚ್ಚವನ್ನು 50,000 ರೂ.ಗಳಷ್ಟು ಕಡಿಮೆ ಮಾಡಲಾಗಿದೆ.
ಹಜ್ ಯಾತ್ರಿಗಳು ಅವರು ಯಾವ ರಾಜ್ಯಕ್ಕೆ ಸೇರಿದವರು ಎಂಬುದರ ಆಧಾರದ ಮೇಲೆ ಸಾಮಾನ್ಯವಾಗಿ 3 ಲಕ್ಷದಿಂದ 3.5 ಲಕ್ಷದವರೆಗೆ ಪಾವತಿಸುತ್ತಾರೆ. ಈ ಹಿಂದೆ, ಒಬ್ಬರು ಆಯ್ಕೆಯಾಗಲಿ ಅಥವಾ ಆಯ್ಕೆಯಾಗದಿರಲಿ, ಫಾರ್ಮ್‌ಗೆ 300 ರೂ. ಭರಸಿಬೇಕಿತ್ತು. ಈಗ, ಫಾರ್ಮ್‌ಗಳು ಉಚಿತವಾಗಿರುತ್ತವೆ. ಆಯ್ಕೆಯಾದವರಿಗೆ ಮಾತ್ರ ಸಂಸ್ಕರಣಾ ಶುಲ್ಕವನ್ನು ವಿಧಿಸಲಾಗುತ್ತದೆ.
ಸಚಿವಾಲಯವು ಎಂಬಾರ್ಕೇಶನ್ ಪಾಯಿಂಟ್‌ಗಳ ಸಂಖ್ಯೆಯನ್ನು ಹಿಂದಿನ 10 ರಿಂದ 25 ಕ್ಕೆ ಹೆಚ್ಚಿಸಿದೆ.
50,000 ರೂಪಾಯಿಗಳ ಕಡಿತವು ಪ್ರಾಥಮಿಕವಾಗಿ ವಿದೇಶಿ ಕರೆನ್ಸಿಯ ನಿಯಮಗಳ ಸಡಿಲಿಕೆಯ ರೂಪದಲ್ಲಿ ಬರುತ್ತದೆ. ಈ ಹಿಂದೆ ಹಜ್ ಯಾತ್ರಿಕ 2,100 ಸೌದಿ ರಿಯಾಲ್‌ ಗೆ ಸಮಾನವಾದ 44,000 ರೂ. ಮೊತ್ತವನ್ನು ವಿದೇಶಿ ವಿನಿಮಯಕ್ಕಾಗಿ ಹಜ್ ಸಮಿತಿಗೆ ಸಲ್ಲಿಸಬೇಕಾಗಿತ್ತು. ಹೊಸ ನೀತಿಯಲ್ಲಿ ಈ ವ್ಯವಸ್ಥೆಯನ್ನು ತೆಗೆದುಹಾಕಲಾಗಿದೆ. ಯಾತ್ರಿಕರು ಈಗ ಅವರು ಅಗತ್ಯವೆಂದು ಭಾವಿಸುವ ಮೊತ್ತದಲ್ಲಿ ವಿದೇಶಿ ವಿನಿಮಯವನ್ನು ಪಡೆದುಕೊಳ್ಳುತ್ತಾರೆ ಎಂದು ಭಾರತದ ಹಜ್ ಸಮಿತಿಯ ಸಿಇಒ ಯಾಕೂಬ್ ಶೇಖ್ ಹೇಳಿದ್ದಾರೆ.
Loading ...