ನವದೆಹಲಿ: ನ್ಯಾಷನಲ್ ಬೋರ್ಡ್ ಆಫ್ ಎಕ್ಸಾಮಿನೇಷನ್ಸ್ ಇನ್ ಮೆಡಿಕಲ್ ಸೈನ್ಸಸ್ (ಎನ್ಬಿಇಎಂಎಸ್) ಎಲ್ಲಾ ವರ್ಗದ ನೀಟ್ ಪಿಜಿ 2024 ಪರೀಕ್ಷಾ ಶುಲ್ಕವನ್ನು 750 ರೂ.ಗೆ ಇಳಿಸಿದೆ. ಈ ನೀತಿಯು ಜನವರಿ 1 ರಿಂದ ಜಾರಿಗೆ ಬಂದಿದ್ದು, ಮುಂಬರುವ ನೀಟ್ ಪಿಜಿ ಪರೀಕ್ಷೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಕಡಿಮೆ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ಪರಿಷ್ಕೃತ ನೋಂದಣಿ ಶುಲ್ಕವು ಈ ಹಿಂದೆ ವಿಧಿಸಲಾದ ಅರ್ಜಿ ಶುಲ್ಕಕ್ಕಿಂತ ಸಾಕಷ್ಟು ಕಡಿಮೆಯಾಗಿದೆ.
2013 ರಲ್ಲಿ ಸಾಮಾನ್ಯ ಮತ್ತು ಒಬಿಸಿ ವರ್ಗಕ್ಕೆ ನೀಟ್ ಪಿಜಿ ಅರ್ಜಿ ಶುಲ್ಕ 3,750 ರೂ., 2021 ರಲ್ಲಿ 4,250 ರೂ. ಆದರೆ, ಜನವರಿ 1, 2024 ರಿಂದ ಅರ್ಜಿ ಶುಲ್ಕ 3,500 ರೂ. ಆಗಿದೆ.
ಎಸ್ಸಿ/ಎಸ್ಟಿ/ಒಬಿಸಿ ಅಭ್ಯರ್ಥಿಗಳಿಗೆ ನೀಟ್ ಪಿಜಿ ಅರ್ಜಿ ಶುಲ್ಕ 2,500 ರೂ. ಇದೆ. ಈ ಹಿಂದೆ 2013 ರಲ್ಲಿಅರ್ಜಿ ಶುಲ್ಕವು 2,750 ರೂ. 2021 ರಲ್ಲಿ ಅರ್ಜಿ ಶುಲ್ಕ 3,250 ರೂ.ವರೆಗೆ ಇತ್ತು
ನೀಟ್ ಪಿಜಿ 2024 ಪರೀಕ್ಷೆ ಜುಲೈ ಮೊದಲ ವಾರದಲ್ಲಿ ನಡೆಯುವ ಸಾಧ್ಯತೆಯಿದೆ, ಕೌನ್ಸೆಲಿಂಗ್ ಆಗಸ್ಟ್ ಮೊದಲ ವಾರದಲ್ಲಿ ನಡೆಯಲಿದೆ.
ಏತನ್ಮಧ್ಯೆ, ನೀಟ್ ಎಂಡಿಎಸ್ ನೋಂದಣಿ ಪ್ರಾರಂಭವಾಗಿದೆ, ಅಭ್ಯರ್ಥಿಗಳು ಅಧಿಕೃತ ವೆಬ್ಸೈಟ್ – natboard.edu.in ನಲ್ಲಿ ಅರ್ಜಿ ಸಲ್ಲಿಸಬಹುದು. ನೀಟ್ ಎಂಡಿಎಸ್ 2024 ಅರ್ಜಿ ನಮೂನೆಯನ್ನು ಭರ್ತಿ ಮಾಡಲು ಕೊನೆಯ ದಿನಾಂಕ ಫೆಬ್ರವರಿ 19. ಎನ್ಬಿಇ ವೇಳಾಪಟ್ಟಿಯ ಪ್ರಕಾರ, ನೀಟ್ ಎಂಡಿಎಸ್ 2024 ಮಾರ್ಚ್ 18 ರಂದು ನಡೆಯಲಿದೆ.
Loading ...