ನೌಕಾಪಡೆ ಅಧಿಕಾರಿಯ ಅದ್ಭುತ ಗಾಯನದ ವಿಡಿಯೋ ವೈರಲ್​: ಭಾವಪೂರ್ಣ ಹಾಡಿಗೆ ಮನಸೋತ ಜನತೆ

ಅದ್ಭುತ ಗಾಯನದ ಮೂಲಕ ನೌಕಾಪಡೆಯ ಅಧಿಕಾರಿಯೊಬ್ಬರು ಜನರ ಮನಗೆದ್ದಿರುವ ವಿಡಿಯೋ ಒಂದು ಇದೀಗ ವೈರಲ್​ ಆಗಿದೆ. ಅದ್ಭುತ ದನಿಯ ಮೂಲಕ ಶ್ರೋತೃಗಳನ್ನು ಮಂತ್ರಮುಗ್ಧರನ್ನಾಗಿಸಿದ್ದಾರೆ ಅಧಿಕಾರಿ ವೈಸ್ ಅಡ್ಮಿರಲ್ ಗಿರೀಶ್ ಲೂತ್ರಾ. ನೌಕಾಪಡೆಯಿಂದ ನಿವೃತ್ತರಾಗಿರುವ ಇವರ ಹಾಡಿಗೆ ಮನಸೋಲದವರೇ ಇಲ್ಲವೆನ್ನಬಹುದೇನೋ.

ಸದಾ ಹಚ್ಚಹಸಿರಾಗಿರುವ ಬಾಲಿವುಡ್​ ಹಾಡು ‘ಘರ್ ಸೇ ನಿಕಲ್ತೆ ಹೈ’ ಹಾಡನ್ನು ಅವರು ಹಾಡಿದ್ದಾರೆ. ಅವರ ಭಾವಪೂರ್ಣ ಧ್ವನಿಗೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಈ ವಿಡಿಯೋ ಇದಾಗಲೇ 61 ಸಾವಿರಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಹೊಂದಿದೆ.

ಯಾವುದೋ ಒಂದು ಕಾರ್ಯಕ್ರಮದಲ್ಲಿ ಈ ಹಾಡನ್ನು ಅಧಿಕಾರಿ ಹಾಡಿದ್ದಾರೆ. ಗಿರೀಶ್ ಲೂತ್ರಾ ಅವರು ವೇದಿಕೆಯಲ್ಲಿ ಪ್ರದರ್ಶನ ನೀಡುತ್ತಿರುವಾಗ ಅವರ ಸಮವಸ್ತ್ರವನ್ನು ಧರಿಸಿರುವುದನ್ನು ಕಾಣಬಹುದು. ಲೂತ್ರಾ ಅವರ ಗಾಯನ ಕೌಶಲಕ್ಕೆ ಎಲ್ಲರೂ ತಲೆದೂಗಿದ್ದಾರೆ. “ವಿಶ್ವದ ಅತ್ಯಂತ ಸುಂದರವಾದ ಭಾವನೆ” ಎಂದು ಬಳಕೆದಾರರು ಬರೆದಿದ್ದಾರೆ.

https://twitter.com/AmitKum66508961/status/1592034668760944640?ref_src=twsrc%5Etfw%7Ctwcamp%5Etweetembed%7Ctwterm%5E1592034668760944640%7Ctwgr%5Ede2bfb6407eb0e5f13b776e783a3dfb7445f870d%7Ctwcon%5Es1_&ref_url=https%3A%2F%2Fwww.indiatoday.in%2Ftrending-news%2Fstory%2Fnavy-officer-sings-ghar-se-nikalte-hi-in-viral-video-awesome-says-internet-2297080-2022-11-14