ಉತ್ತರ ಭಾರತದ ಕೆಲ ರಾಜ್ಯಗಳಲ್ಲಿ ನಿಗೂಢ ಬೆಳಕು ಗೋಚರ…!

ಉತ್ತರ ಭಾರತದ ಕೆಲ ರಾಜ್ಯಗಳಲ್ಲಿ ಆಕಾಶದಲ್ಲಿ ನಿಗೂಢ ದೀಪಗಳು ಕಾಣಿಸಿಕೊಂಡಿದ್ದು ಇದನ್ನು ನೋಡಿದ ಅನೇಕರು ಗೊಂದಲಕ್ಕೀಡಾಗಿದ್ದಾರೆ. ಆದರೆ ಇದು ಉಪಗ್ರಹ ಎಂದು ರಕ್ಷಣಾ ಮೂಲಗಳು ಅಧಿಕೃತ ಮಾಹಿತಿ ನೀಡಿವೆ.

ಸೋಶಿಯಲ್​ ಮೀಡಿಯಾದಲ್ಲಿ ರಾತ್ರಿಯ ಸಮಯದಲ್ಲಿ ಆಕಾಶದಲ್ಲಿ ಗಾಢವಾದ ಬೆಳಕೊಂದು ಬೆಳಗುತ್ತಿರುವ ದೃಶ್ಯಗಳು ವೈರಲ್​ ಆಗಿದೆ. ಇದು ಎಲೋನ್​ ಮಸ್ಕ್​ ನೇತೃತ್ವದ ಸ್ಟಾರ್​ ಲಿಂಕ್​​ ಉಪಗ್ರಹಗಳು ಎಂದು ಅನೇಕ ಮಾಧ್ಯಮಗಳು ವರದಿ ಮಾಡಿವೆ. ಪಂಜಾಬ್​ ಸೇರಿದಂತೆ ಉತ್ತರ ಭಾರತದ ಕೆಲ ರಾಜ್ಯಗಳಲ್ಲಿ ಈ ಗಾಢ ಬೆಳಕು ಕಾಣಿಸಿಕೊಂಡಿದೆ.

ಎಲಾನ್​ ಮಸ್ಕ್​​​ರ ಏರೋಸ್ಪೇಸ್​ ಕಂಪನಿ ಸ್ಪೇಸ್​ ಎಕ್ಸ್​​​ ಇಂದು ಫ್ಲೋರಿಡಾದ ಕೇಪ್​ ಕೆನಾವೆರಲ್​​ ಬಾಹ್ಯಾಕಾಶ ಪಡೆದ ನಿಲ್ದಾಣದಿಂದ 48 ಸ್ಟಾರ್​ಲಿಂಕ್​​ ಇಂಟರ್ನೆಟ್​ ಉಪಗ್ರಹಗಳು ಹಾಗೂ ಎರಡು ಬ್ಲ್ಯಾಕ್​ ಸ್ಕೈ ಉಪಗ್ರಹಗಳನ್ನು ಹೊತ್ತ ಫಾಲ್ಕೋನ್​ 9 ರಾಕೆಟ್​ನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದೆ.