Mysore Dasara 2023 : ಅ. 16 ರಿಂದ ದಸರಾ ಚಲನಚಿತ್ರೋತ್ಸವ ಆರಂಭ, 112 ಸಿನಿಮಾಗಳ ಪ್ರದರ್ಶನ

ಮೈಸೂರು :   ಚಲನಚಿತ್ರೋತ್ಸವ ಉಪಸಮಿತಿಯು ಅಕ್ಟೋಬರ್ 16 ರಿಂದ ಅಕ್ಟೋಬರ್ 22 ರವರೆಗೆ ಚಲನಚಿತ್ರೋತ್ಸವ  ಕಾರ್ಯಕ್ರಮವನ್ನು ನಡೆಸಲು ನಿರ್ಧರಿಸಿದೆ.

ಈ ಅವಧಿಯಲ್ಲಿ ಐನಾಕ್ಸ್ ಮತ್ತು ಡಿಆರ್ ಸಿ ಸಿನೆಮಾಸ್ ನಲ್ಲಿ ಒಟ್ಟು 112 ಚಲನಚಿತ್ರಗಳು ಪ್ರದರ್ಶನಗೊಳ್ಳಲಿವೆ. ಈ ಚಲನಚಿತ್ರಗಳಲ್ಲಿ ಕಮರ್ಷಿಯಲ್ ಹಿಟ್ಸ್, ಆರ್ಟ್ ಮತ್ತು ರಾಷ್ಟ್ರೀಯ ಪ್ರಶಸ್ತಿ ವಿಜೇತ ಚಲನಚಿತ್ರಗಳು ಸೇರಿವೆ. ವಿಶ್ವ ಚಲನಚಿತ್ರ ವಿಭಾಗದಲ್ಲಿ 18 ಚಲನಚಿತ್ರಗಳು ಪ್ರದರ್ಶನಗೊಳ್ಳಲಿದ್ದು, 30 ಕನ್ನಡ ಚಲನಚಿತ್ರಗಳು ಪ್ರದರ್ಶನಗೊಳ್ಳಲಿವೆ.

ಅ.15ರಂದು ಚಲನಚಿತ್ರೋತ್ಸವವನ್ನು ಮೈಸೂರು ಜಿಲ್ಲಾ ಉಸ್ತುವಾರಿ ಸಚಿವ ಎಚ್.ಸಿ.ಮಹದೇವಪ್ಪ ಉದ್ಘಾಟಿಸಲಿದ್ದಾರೆ. ಈ ಕಾರ್ಯಕ್ರಮಕ್ಕೆ ಸ್ಯಾಂಡಲ್ ವುಡ್ ನ ಹಲವು ತಾರೆಯರನ್ನು ಆಹ್ವಾನಿಸಲಾಗಿದೆ ಎಂದು ತಿಳಿದು ಬಂದಿದೆ.