BIG NEWS: ಖ್ಯಾತ ಗಾಯಕ, ಗೀತರಚನೆಕಾರ ಅಖು ಚಿಂಗಾಂಗ್ಬಾಮ್ ಕಿಡ್ನ್ಯಾಪ್

ಇಂಫಾಲ್: ಮಣಿಪುರ ಮೂಲದ ಖ್ಯಾತ ಗಾಯಕ, ಗೀತರಚನೆಕಾರ ಅಖು ಚಿಂಗಾಂಗ್ಬಾಮ್ ಅವರನ್ನು ದುಷ್ಕರ್ಮಿಗಳು ಅಪಹರಿಸಿದ್ದಾರೆ ಎಂದು ತಿಳಿದುಬಂದಿದೆ.

ಅಖು ಅವರ ಪತ್ನಿ ಹಾಗೂ ತಾಯಿಯ ಹಣಗೆ ದುಷ್ಕರ್ಮಿಗಳು ಬಂದೂಕು ಇಟ್ಟು ಅಖು ಅವರನ್ನು ಕಿಡ್ನ್ಯಾಪ್ ಮಾಡಿದ್ದಾರೆ ಎಂದು ದೂರು ನೀಡಲಾಗಿದೆ. ಶಸ್ತ್ರಸಜ್ಜಿತರ ಗುಂಪು ಈ ಕೃತ್ಯವೆಸಗಿದೆ.

ಗಾಯಕ ಅಖು ಇಂಫಾಲ್ ಮೂಲದವರು. ಇಂಫಾಲ್ ಟಾಕೀಸ್ ಎಂಬ ಜನಪದ ರಾಕ್ ಬ್ಯಾಂಡ್ ನ ಸಂಸ್ಥಾಪಕರೂ ಆಗಿದ್ದಾರೆ. ಮೇ 3ರಿಂದ ಮಣಿಪುರದಲ್ಲಿ ಮೈಥಿ ಹಾಗೂ ಕುಕಿಗಳ ನಡುವೆ ಜನಾಂಗೀಯ ಹಿಂಸಾಚಾರ ನಡೆಯುತ್ತಿದ್ದು, ಹಲವರು ಸಾವನ್ನಪ್ಪಿದ್ದಾರೆ. ಈ ನಡುವೆ ಖ್ಯಾತ ಗಾಯಕನನ್ನೇ ದುಷ್ಕರ್ಮಿಗಳು ಕಿಡ್ನ್ಯಾಪ್ ಮಾಡಿರುವುದು ಆತಂಕಕ್ಕೆ ಕಾರಣವಾಗಿದೆ.